Assalamualaikum wr.wb. Tarimo kasih ambo sampaikan pado pimpnan Rantau Net groups nan alah bamurah hati mamasuakkan ambo jadi anggota baru . untuk itu satu kaharusan bagi ambo menyampaikan salam perkenalan pada kawan-kawan , bapak-bapak dan kamanakan nan lah dahulu jadi anggota sabagai anggota senior . Namo ambo H. Julius gala Inyiak Malako Nan Putiah , ambo baru pansiun dari Pangulu Ppucuak Suku Malayu dari Baso Kabupaten Agam , daulu bagala Dt. Malako Nan Putiah., kini sahari-hari diimbaukan oleh kamanakan ambo Inyiak Lako sajo , tingga manatap di Depok - Jawa Barat .
Ambo mambaco milis nan baru sajo didiskusikan Bapak-bapak anggota Rantau net tantang NAMO URANG MINANGKABAU , kabatulan langsuang manyangkuik jo kondisi ambo sandiri nan baru baganti namo . Manuruik suwarih nan ambo jawek dari nan tuo-tuo di adatkan di Minangkabau satiok urang laki-laki ba gala dalam istilah adatnyo " ketek banamo - gadang bagala " dengan kato lain diwaktu ketek diimbaukan namo , kalau lah gadang diimbaukan gala . Pabilo urang laki-laki dikatokan lah gadang , kalau inyo lah barumah tanggo . sajak falsafah Adat Minangkabau barubah manjadi ABS-SBK , mako namo urang Minang manyasuaikan jo namo-namo Islam pakai bin dibalakangnyo namun gala tatap ado di balakang . Manuruik ajaran nan parnah ambo tarimo , diadatkan di Minangkabau laki-laki nan alah barumah tanggo harus diimbaukan galanyo , indak buliah disabuik namo keteknyo , karano gala tu manunjuakan fungsi sosial setiap laki-laki ditangah masyarakat . disampiang itu salah satu unsur dari isi sistem Matrilinial adolah struktur kepemimpinan dalam Suku , galatu maninjuakan pangkat dan jabatannyo dalam Suku . Memang banyak daerah dalam Ranah Minang nan lah barubah manuriuk kondisi dan kabutuhan satampat , nan diizinkan oleh Adat yaitu , nagari itu otonoom bebas maatur nagarinyo , badasarkan " Cupak salingka batuang - Adat salingka nagari " lain lubuak lain ikan - lain padang lain bilalang , diasak layua - dicabuik mati . Ambo satuju Namo itu mancantumkan namo ayah , kamudian ditambah gala adat , tapi jan ditambah jo namo Suku , karano sarupo itu lah manjadi adat dari urang daerah lain nan umumnyo non muslim . Sakitu dahulu sabagai parkenalan jo warga Rantau Net , kok sasek ambo tolong dimaafkan . Wassalam . >No virus found in this incoming message. >Checked by AVG Free Edition. >Version: 7.5.516 / Virus Database: 269.20.7/1286 - Release Date: >2/18/2008 6:49 PM H. Julius Datuk Malako Pemukiman Sawangan Permai Jl. Permata III Blok C2 No.16 Pasir Putih Sawangan Depok 16519 Telp Rmh. 0251 613226 --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
