Mak Ngah nan janiah hati, Potongan kisah yang menarik Mak Ngah, kok lai buliah rina batanyo, rina ingin tau :
1. Apo dalam maso 2 tahun tu Mak Ngah salalu manatap disinan? Kalo indak, kama sin Mak Ngah pai dari sinan, trus baa caro kalua dari rimbo tu, bara lamo pai dan sia kawan Mak Ngah disinan atau katu pai kalua ? 2. Apo se berita nan masih takana nan Mak Ngah siarkan dari rimbo katu tu ? 3. Apo pernah Pak Natsir ka pondok Rang Bunian di rimbo tu ? kalo ado apo sajo nan dibahas ? 4. Baa jo makanan di dalam rimbo ukatu tu, apo sajo nan Mak Ngah makan jo rombongan disinan ? 5. Binatang apo sajo nan nampak dek Mak Ngah di tangah rimbo tu salain karo jo ula. Sakitulah dulu Mak Ngah, Wassalam Rina, 35, Batam -----Original Message----- From: [email protected] [mailto:[email protected]] On Behalf Of sjamsir_sjarif Sent: Tuesday, April 16, 2013 11:48 AM To: [email protected] Subject: Re: [R@ntau-Net] Apo artinyo "JOMBANG" dan "MAMBANG" Di Sumpu Kudus, di Mudiak Batang Sami di Lubuak Pandakaian tampek MakNgah batapa salamo duo tahun 1958-60 urang picayo daerah rimbo tu Rimbo Urang Bunian. Tiok bulan tarang, urang kampuang acok mandanga bunyi talempong dari lereng bukik Lubuak Pandakian tu. Awal tahun 2004 suatu sore MakNgah bakunjuang salincam ka Sumpu Kudus. MakNgah langsuang mancari Etek Sukar nan Makngah kenal elok salamo dua tahun tu; rumahnyo dakek jalan pai ka Rimbo Sami tampek sembunyi MakNgah tu. Anak-anak mudo mangarubuangi oto kami. Katu Etek Sukar turun rumah ka jalan manamui MakNgah, baliau sorakkan ka anak-anak mudo nan tacongang-congan mancaliak kami tu. Kecek Etek Sukar manyorakkan mamperkenalkan MakNgah ka urang nan rami tu: "Ikonyo Urang Bunian Rimbo Sumpu nan mananam Durian di Batang Sami tu!" Ruponyo Daerah rimbo nan MakNgah huni dahulu tu lah banyak ditumbuahi Batang Durian dan urang picayo bahaso rimbo Durian tu ditanam dek Urang Bunian. Etek sukar tahu, salamo musim durian nan duo tahun Makngah di sinan, kami mancampakkan biji durian sakitar tampek kami nan ruponuyo sasudah kami tinggakan batahun-tahun rimbo tu banyak diurian tumbuah marimbo di sinan. Jadi, sajak Etek Sukar maimbauan Makngah sabagai "Urang Bunian Rimbo Sumpu" di tangah urang rami tu, kini untuak variasi MakNgah kadang-kadang manambah dibawah signature di akhia postiang dengan "Rang Bunian Rimbo Sumpu". Baitu sekedar sejarah lisannyo (oral history) gala MakaNgah sabagai "Rang Bunian Rimbo Sumpu". Salam, -- MakNgah Sjamsir Sjarif Rang Bunian Rimbo Sumpu Santa Cruz, California, 15 April 2013 9:45PM PDT -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
