Apak, Ibu, dan dunsanak NB, Manga riba dilarang dek Nabi shalallahu alaihi wassalam?
Mungkin (ko alasan ambo sajo, dan bisa salah) satidaknyo karano 2 hal: 1. Untungnyo ketek 2. Pasti ndak karugi (sabananyo rugi dek inflasi). Apo fakta untuak mandukung hal di ateh? Kini kalau pitih ditabuang di bank konvensional dapek bungo 1% satahun. Apopun nan tajadi pitih batambah 1% ndak mungkin bakurang (rugi). Kalau deposito bisa sampai 4% sabalun pajak. Mari kito liek pertumbuhan bank jiko kito jadi pemilik dengan caro mambali sabagian sahamnyo. Iko bisa dilakukan karano sabagian gadang bank-bank ko lah basifat tabuka. Siapun nan bapitih bisa mambali. Di bawah ko ambo tampilkan bara imbal hasil nan bisa dihasilkan salamo satahun sajak 16 Mei 2012 – 17 April 2013: Mandiri 7100 – 10600: 49% BCA 7550 – 11000: 46 BTPN 3675 – 5350: 46 BRI 6000 – 8500: 42 BNI 3700 – 5250: 42 BTN 1200 – 1690: 41 Bukopin 670 – 900: 34 BJBR 960 – 1250: 30 Tantu awak ndak paralu masuak ka parusahaan-parusahaan penghasil ribo ko, tapi awak bisa mamilih 300-an perusahaan-perusahaan syari’ah yang ado di BEI (sesuai dengan Fatwa DSN-MUI) mulai dari perusahaan susu, aia mineral roti, simin, mi instant, rumah, taksi, ubek, media, depstore, dll dengan imbal hasil sebagai berikut: Manggaleh minuman/roti/mi: Ultra 1200 – 3525: 194% Ades 1210 – 4525: 274% Sari Roti 3975 – 7250: 82 Indofood 4825 – 7500: 55 Manggaleh rumah: Alam Sutera 560 – 1070: 91 Lippo Karawci 760 – 1360: 79 Ciputra 680 – 1130: 66 Agung Podomoro 340 – 470: 38 BSD 1270 – 1730: 36 Punyo taksi: Taxi Express 590 – 1140: 93 Galeh ubek: Kimia Farma 520 – 980: 88 Kalbe 775 – 1260: 63 Pemilik Media: MNC 1990 – 3050: 53 SCTV 1770 – 2700: 53 TEMPO 155 – 230: 48 Indosiar 860 – 1260: 46 Punyo toko: Matahari 900 – 1700: 89 Kalau punyo 12 perusahaan berarti tiok bulan sakali (kalau namuah), lunch di hotel berbintang sebagai undangan peserta RUPS, bara pun saham nan dimiliki. Apolai dek teknologi lah maju, bagi nan suko manggaleh, "Jua-bali" lah bisa lo via BB. Lapak lah di dalam sakuih kini. Selain lapeh dari doso riba (inshaallah), hasilnyo pun balipek pulo. Apo ndak mungkin rugi? Mungkin, kalo nan dipiliah perusahaan-perusahaan nan marugi. Apo diparalukan professional analyst untuk iko, kecek urang indak paralu bana. Tingga baraja saketek lamo-lamo tau surang. Atau mambuek kelompok-kelompok ketek, "rapek mancik" sambia minum teh talua, tapi tetap dengan akun surang-surang. Kecek urang, di AS panah tajadi prestasi professional di Wall Street kalah jo kelompok ibu-ibu RT dek ibu-ibu ko paliang dulu tau perkembangan produk-produk konsumsi di pasa. Pilihan lain adolah mambali reksadana, hanyo imbal hasil tantu bagi duo jo pihak pangelola. Tantu ado nan manyimpan pitih di bank bukan untuak bungo tapi untuak tujuan-tujuan lain sarupo keamanan, kemudahan, dll. Iko hanyo sakadar gagasan. Siapo tau ado nan alun tahu jo angko-angko di ateh. Bahkan mungkin ndak banyak nan tau BEI awak ko juara dunia dalam pertumbuhan. Sebagai contoh: 2004: IHSG: 1000 STI: 2000 (SG) KLSE: 900 Tadi: IHSG: 5000 STI: 3300 KLSE: 1700 Salam, ZulTan, L, 52, Bogor -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
