Assalamu'alaikum wr.wb. Untuak investasi RS nan salevel jo Siloam GA punyo LIPPO tu, ndak kacukuik bagai kalau hanyo punyo modal Rp 100 M do. Karano industri RS tu inti nyo dari pelayanan dan peralatan yang dipakai untuak mamareso pasien, peralatan di industri RS ko tiok tahun makin canggih, kalau pun ado RS Swasta Pribumi nan manyewa, masalah utamo biasonyo target pasien nan ka barubek jo bayia sewa alat biaso nyo ndak bisa tacapai. Sahinggo RS Swasta Pribumi alun bisa bersaing dalam peralatan dengan RS Swasta nan kuaik modal. Biaso nyo investasi pemilik modal Pribumi cendrung ka RSIA sarupo RS Hermina, RS Bunda, RS Ananda, dll. RS Hermina yang alah lamo di Jabodetabek awalnyo pun RSIA, baru tahun ko naiak status jadi RS. Cabangnyo pun alun banyak. Ambo bukan mandukuang LIPPO nyo, tapi clue utamo nyo nan dikatokan Walikota, karano ketakutan investor tu nan jadi masalah untuak pesisir Sumbar saat ko.
" Masuknya Lippo Group, lanjut Wako bukan saja sekadar meningkatkan perekonomian daerah dan masyarakat sekitar. Lebih dari itu, dapat memulihkan rasa percaya diri kota bingkuang ini sebagai salah satu kota besar yang diperhitungkan dalam kancah perekonomian dan pembangunan nasional. "Ini merupakan bukti, gempa 2007 dan 2009 bukan alasan untuk takut berinvestasi di Padang dan Sumbar pada umumnya," tutur Wako. Banyak urang awak nan punyo RS, tapi karano pertimbangan modal dan lamo nyo BEP makonyo perkembangannyo lambek. Kecuali nan punyo RS BUMN, tapi pelayanan pun tantu versi BUMN tu. Semen Padang pun mambangun RS di By Pass.Untuak manggadangkan RS nan alah ado, itu pun ndak gampang.. karano peralatan RS tu kadang manunggu Subsidi pemerintah walau alah dikatokan Swadaya. Mambuek Pasien untuak datang barubek ka RS Swasta baru pun ndak gampang. Untuak pambandiang di Jabodetabek, bisa dicek persentase keterisian tempat tidur rawat inap di RS Swasta baru (investor pribumi/keturunan) di Jabodetabek. Mangaja target 60~70% tiok bulan sajo.. itu mereka harus invest modal dulu dengan ikuik pameran, mambuek even, dll. Padahal di Jabodetabek pusat industri dengan jutaan karyawan. Cubo lah pai barubek ka RSU M. Jamil atau RS Swasta lainnyo di Sumbar, lalu pai pulo barubek ka RS Swasta punyo kapitalis palang ko, rasoan a nan babeda. Kiro-kiro lah siap dari modal jo budaya utk mairiangi kekurangan awak dari urang tu? Mendidik SDM untuak RS Swasta tantu paralu waktu.. karano sekolah-sekolah untuak kesehatan alun siap mairiangi perubahan tekonologi nan capek, disampiang masalah-masalah di pelayanan utk RS. Kalau ambo mancaliak LIPPO invest RS nantinyo sakalian jo manjua paket wisata ka Sumbar. Karano keindahan alam Sumbar bisa mambantu teraphy jo proses penyembuhan pasien penderita sakit tertentu. Siap-siap sajo pengusaha angkutan pariwisata dapek limpahan order nanti. Lalu untuak urang-urang Cino dan urang kayo nan bapitih disekitar Sumbar, Jambi dan Bengkulu.. salamo ko barubek ka Jakarta, Malaysia dan Singapur, kini inyo buek alternatif di Padang, sampai beko inyo mamutuihkan invest pulo di Jambi atau Bengkulu. Nan namo nyo investasi, ujuang nyo pasti ingin capek baliak modal.. kalau urang awak nan invest di RS.. ambo caliak masiah mamiliah dilua Sumbar karano mangaja BEP tadi. Sarupo Pakanbaru, Bekasi, Medan, Jakarta, Surabaya, dll. Artinyo Sumbar alun daerah yang diminati untuak investasi di bidang RS bagi urang Minang. Dan kalau pun ado cendrung invest nyo baru ka Klinik atau RSIA. Bialah Lippo tu invest dulu supayo adiak-adiak, anak jo kamanakan nan sekola di SPK, Akper, Akbid dan Kedokteran di Sumbar tu bisa mancaliak pambandiang, baiak di teknologi nan dipakai atau pun di pelayanan ka pasien. Sumbar paralu banyak pengusaha bantuak Basko yang Istiqomah invest di kampuang nyo sorang dengan segala kekurangan atau kelebihannyo. Bialah investor Swasta (dengan segala missi terselubungnyo) invest di Sumbar, tapi buek lah supayo baa anggaran Pemda untuak kesehatan masyarakat nyo ditingkek an, kalau masyarakat banyak nan sehat.. dijamin RS langang sado nyo. Buek lah anggaran untuak pendidikan dipabanyak bia masyarakat cerdas dan ndak ado nan putuih sakola. Kalau masyarakat cerdas, ndak kamungkin gampang tabujuak samo hantu aru-aru tu do. Lai ka mungkin tu? salam Reza -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
