Assalamuakaikum, Mak Ngah, Oh...kiro e sadang tabik paja bana baru di Tapi Riak Nan Badabua. Di tapi Lauik Utara pukua duo lewek sabaleh siang, Mak Ngah. Dek ambo iyo gak kurang abeh jo pabedaan2 wakatu di duya bulek ko, Mak Ngah. Patuiklah tadi ambo baru sajo mangirim ciek tulisan ka Redaksi jurnal *INDONESIA* di Cornell (Berkeley), ndak ado jawek lansuang dari sinan (Dr. Fred.). Biasonyo lansuang nyo jawek. Baru sadar ambo, rupo e inyo tantu sadang lalok ngonga juo baru. Itu resensi buku Margaret Kartomi nan baru, Mak Ngah, mengenai musik di Sumatra. Ado satu bab gak taba mengenai musik/lagu/tari Minang, sajak dari dabuih sampai salawaik dulang, sajak dari indang sampai dendang Pauah. Iko sakadar info bibliografis buku tu: Margaret Kartomi, Musical journey in Sumatra. Urbana, Chicago, and Springfield: University of Illinois Press, 2012. xxix + 478 pp. Iko sakadar info sajo. Sia tau ado dunsanak di lapau nan tertarik mambaconyo, sambia mangana2 kampuang, sambia maistirahatkan utak dek karajo nan bajak tiok hari. Rupo e iyo kayo Sumatra ko jo macam2 jinih musik, indak ORGEN TUNGGAL nan penyanyi e maonggek2 co siayuah mancari ghasauk tu sajo doh. Salamaik baranang dapo, Mak Ngah. Sakali2 Mak Ngah ka Padang to cibo maeto Muaro Panyalinan baa? Jepe pansti ingin lo sato tu? Sia tau Mak Sati taragak pulo mancibo salero Mak Ngah, he he. Nan ma nan indak talok, bisa ditaruihan jo rakik batang pisang. Salam, Suryadi
________________________________ Dari: Sjamsir Sjarif <[email protected]> Kepada: [email protected] Cc: [email protected] Dikirim: Rabu, 26 Juni 2013 13:38 Judul: Re: Bls: Bls: [R@ntau-Net] OOT: Baminang-minang Tabayang jarak antaro Daerah Sungai Mahakam, Nagari UJlando bakincia-kincia Angin, tacaliak dari Tapi Riak nan Badabua di Subarang Lauiktan Basa dan Daerah Minang Kampuangh Halaman indak talupo. Iyo sanang MakNgah mancaliak untaian baminang-minang ko. Banyak nan padek-padek nan kalua. Dialog Angku Jepe jo Angku Suryadi nan terakhir ko tabaco dek MakNgah katu tajago lalok Paraksiang sudah tahajjud manjalang subuah,langsuang maadok-i kadai. Kini sadang minum Teh Tulsi (teh ruku-ruku nan tainspirasi khasiatnyo dari Angku Jepe) jo Mudu Manuka (diklaim nomor satu di dunia dari New Zealand dalam ota kito katu ado jua madu babaoto di Lapau ko). Sudah tu ka pai baranang gerak badan; pulang babaun klorin agak sangenek, baliak ka karajo nan lain-lain. Sabana padek panutuik Angku Suryadi "iyo banyak karajo nan lain lai mah" dan "INDAK KA SUDAH DUYA KO DEK AWAK KO DOH". Samo-samo kito adoki kakok surang-surang sambia mangana baminang-minang. Salam, -- MakNgah Sjamsir Sjarif Di Tapi Riak nan Badabua, Hari Robaa pukua 4:30AM PDT 25 Juni 2013 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
