Assalamu'alaykum w.w.
N. St. Mudo,
iko nan namono, manyipak madok suruk, kecek ambo iyo lai ka sasuai kato
parbuatan,, nampakno ndak sasuai kaji do, buruak sangko nan lai
ado pulo carito ciek:
ado pangajian disalah satu surau, nan maagiah pangajian ko mangatokan " kalau
ka baragiah atau basidakah ka urang tu, iyo nan rancak, nan elok, bukanno nan
lah buruak, buliah paguno jo tapakai di urang nan manarimo. kalau nan lah usang
atau buruak nan ibarikan, apo ka guno no li"
Kabatulan nan surau ko dakek pulo jo rumah anakno dan pakai TOA pulo, Apo
nana disampaikan dalam pangajian tu, tadanga pulo di urang rumah baliau nan
sadang di dapua, manjarangkan nasi untuak makan siang apak paja jo anak-2 no .
Dek karano sahgalono lah ditantukn garihno, sadang mamasak tu tadanga urang
mambaco "Assalamu'alaykum w.w". di janjang ka rumah
dijawek lah di baliau "waalaykumsalam " sambia manyongohkan muko pintu,
kirono iyo 'pakiah" nan datang sambia mangapik karuang kain, tantu lah jaleh
niaik jo mukasuk di baliau tu
sabanta "kiah" kecek liau
Bagageh lah baliau ka rumah (walaupun bangunan rumah jo dapua ciek, tatap
sajo babedakan manyabukno), taruh ka biliak, liau bukak lamari, lah disigi kian
kamari, tatuju mato baliau ka salai kain nan tipih, rono sirah ati, diambiak
lah nan sahalai tu, capek turun ka janjang, langsung digiahkanno ka pakiah
tadi, batambah pulo pitih duo bilih..
Lah baransua condong matoari ka puun, indak sadang bapunta bayang-bayang,
tando luhua alah salasai
karano sumbayang ba wakatu, lah sudah sumbayang, pulanglah nan maagiah
pangajian ko, lah taraso pulo kampuang tangah tu, nasi talatak samba tahidang,
makan katiko litak, baranti sabalun kanyang.
kok nasi lah paubek litak, nan aia lah pubek auh, daun nipah lah bagiliang
pulo, lah manjulang aso ka udaro, mambumbuang ka lagik tingi, sadang nan bak
kian, bakatolah apak paja tadi tu ka urang rumah baliau : "ambiakan kain den
nan di lamari tu lah, beko ado acara mando'a dirumah si banun"
indak tarago batanyo, nan urang rumah bagageh ka biliak, maabiak kain saruang
cap "limau manih", pambarian si Jatar nan baru pulang dari rantau pakan nan
lampau
"Indak nan iko doh, nan kain "bugih" pambarian si Purin nan pulang dari Pulau
Kijang tu"
ooo itu tuan !! lah abo sampaikan niaik tuan cako, kecek urang rumahno
mukasuk kau baa ??
Cako tadanga diambo, Tuan maagiah pangajian, kalau baragiah atau basidakah
tu, jan ranak jo nan elok nan dibarikan, bukanno nan buruak
jadi karano si pakiah datang pulo cako, lah ambo agiahkan ka baliau kain tuan
nantun
OOOO yaaayaaiiiiiiiiii yoh
lai jaleh di kau ?? (tabik burangsang apak paja ko)
a du tuan ? (kecek urang rumahno, agak lambek kato na kalua)
-pangajian tu untuak urang, lai jaleh
Tuan ko kan urang juo ko ?
-eeeeeee lai pulo jawek kau yo !
mukasuk den, untuak urang lain !!!
cando malaikat lalu, lah haniang sasudah itu
banda urang den banda bandakan
banda urang limo koto
kaba urang den kabakan
kok salah den ndak sato
Wasssalamu'alaykum w.w.
Bandaro labiah
"Nofend St. Mudo" <[EMAIL PROTECTED]> wrote:
v\:* {behavior:url(#default#VML);} o\:* {behavior:url(#default#VML);}
w\:* {behavior:url(#default#VML);} .shape {behavior:url(#default#VML);}
st1\:*{behavior:url(#default#ieooui) } Ciek lai ambo tambahkan,
kalau angku mamakai gmail, mako nan kito sending tu ndak ka masuak ka inbox
kito do,
tapi masuak ka group atau urang nan kito kirimkan.
Ndak elok, dek awak nan kurang paham, urang dapua nan disalahkan tarui.
Ambo raso, iko adolah keluhan terakhir sanak nan lah baulang ka admin
rantaunet
Ndak iko se nan kito2 urus do sanak.
---------------------------------
From: Nofend St. Mudo [mailto:[EMAIL PROTECTED]
Send instant messages to your online friends http://uk.messenger.yahoo.com
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di:
https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
