Waalaikumsalam Wr Wb Pak ZD dan duns palanta RN
Mmmm..lah kalua carito lamo yo Pak..manangkok kapitiang rajungan alah ambo caritokan sabalumnyo, yo sagalombang, satangguak apuang pulo kito mah Pak, Ambo tambah2kan caritonyo Dulu Mamukek (1972-1980) sakiro ambo baumua 7 -15 tahun, di pantai aia tawa barat Padang, daya jelajah malala ambo, mulai pasia muaro perumnas sampai pasia muara penjalinan (pasia sabalah) Batua Pak ZD ikan masih banyak sabana masa keemasan mamukek katiko tu dek nelayan,kandua pukek tu sampai 6 atau 7 karanjang rotan tu (ambo masih hapa namo istilah keranjang rotan tampek mambaok ikan namonyo KERONG jadi ukuran nelayan tu manyabuik kok ditanyo "bara kerong naik ikan mamukek tadi, jaweknyo : 6 Kerong) Ikan yo sabana baragam dan ikan rancak2 sajo nan dapek :tandeman, suaso,pinang2, gambolo aceh, majo Aji, maco gadapang,,nan agak murah hanyo ikan baledang (mayur) jiko musim yo barek kandua dek baledang, Masih ingek juo dek ambo kok ado dipukek tu dapek babarapo ikua Gaguak (lele lauik tu) yo ndak diengong bana dek juragan pukek bisa kito minta kalo sato maelo pukek cikang *pukek cikang masudnyo pas dielo setelah tali tambang tu..di bagian jariangnyo nan balampuang kayu Lalu lobster nelayan manyabuiknyo Udang Karo, jiko ado pulo di dapek babarapo ikua, bisa pulo diminta, dulu indak laku takah kini nan sangaik maha kalo lah tampil di resto berkelas, kebanyaka dek juragan pukek atau anak pukek udang karo/lobster ko kajadi hiasan sajo didindiang rumahnyo pas lah kariang/diawetkan. Nan paliang seru juo Pak ambo jo anak2 nelayan tu, sakiro (kandua) pukek lah dakek ka bibia pantai (sekitar 50 meteran, mako dibalakang kandua tu ado juo aktivitas mamasang/marantangkan jariang tujuannyo maminteh ikan-ikan nan indak masuak kandua..ndak bagarah pulo banyak manyangkuik di jariang ko sarupo suaso, garigak dan tandeman, lauak nan ka diago urang panggaleh bananyo. Kalau ndak jariang..dibalakang kandua ko..ado "pukek bayangan" maksudnyo pukek ukuran ketek sajo,terdiri jo kandua samo jariang kasa tanpa tambang paelo, kami baok jo sampan badayuang lalu ditebarkan dibalakang kandua pukek tu, jariang kasa di rentang kiri kanan manguruang pukek, katiko pukek lah naiak ka pasia, kami maelo pukek bayangan ko, yo itulah dek ikan masih banyak, pantai masih alami jo muaro dan hutan manggrove sarato batang aianyo..yo lumayan juo isi kandua "pukek bayangan" ko, bisa bakepeang juo anak2 nelayan tu lauaknyo diago urang panggaleh, dapek juo sakerong. Kalo ambo habi basanang2 sajonyo Pak Malala ka pasia tu, nan pantiang baok ikan pulang, sabananyo dek mande ambo guru (urang darek) ado "berang-berang sayangnyo" ka ambo, jaan pai malala ka pasia macam2 alasannyo "Lah kaliang masiaklah, baun paneh, beko damamlah bapaneh, sisaku sarawa sakolah panuah kasiak lah dll ambo dicerewetin mande" Tapi baa lah ambo dek suko mancandu kapasia jo sagalo aktivitas nelayan jo anak nelayan kalau indak dikecekan Mada :-), salasai sesi mamukek mamanciang lai di muaro atau batang aia, jadi dek lah bosan dipalapeh sajo dek mande ambo lai..tapi yo itu hari minggu dan hari libur sakolah sajo. Alasan mande ambo mampalapeh sajo lai..dicaliak nilai rapor ambo dari SD sampai SMA lai aman2 sajo, indak ado nilai tabaka, apolai SMA malala ka pasia jalan, nilai lumayan rancak, masuak 10 besar dan kelompok capek ambo dilokal IPA hehehehe Disampiang tu ambo banyak mambaok ikan pulang buek ka disamba, yo lapeh samba kami sekeluarga, ibaratnyo mama ambo tingga mamabali lado, bawang, karambia jo bumbu sajo lai.apolai ikan pukek sabana manih2, sarupo tandeman iko sabana ikan fav keluarga jiko lah di goreng balado.. Nan paliang seru tantu katiko kandua ka dibongka nan padek isinyo lah bakuliliang urang disekitar kandua, iko kalua kato2 kasa caruik ala urang pasia, kalo ado nan tangan e lincah ka kandua nan sadang tabukak tu..mancacak ikan nan bernilai ekonomis, apolai sempat mancacak suaso ampek jari tu..jadi kebanyakan nan mangaliliangkan kandua ko kok ado tacampak anak2 lauk samo sarok, saroman pinang2, batai2, bada2 disalo sarok, maco, udang saia iko barabuik mamiliahnyo.atau disalo2 ubua2 nan dicampakan dari kandua..biaso ado manyalek saikua, duo ikua anak2 ikan Kalo nan sato maelo pukek cikang lai lah dapek pembagian agak sagoreng ditampuang jo karambia tokeng tu..tandemen dan anak2 lauak, sadangkan lauak2 nan ka dijua lah bapisahkan di kerong, nan siso2 anak lauak baungguak tu nan dibagi2kan juragan pukek ka kami.. Udang Saia nan agak kasa2 yo ambo gunokan buek mamanciang disampiang cumi2 (mansi) dan bada2 ketek dimamanciang di muaro perumnas jo sampan bacadiak samo kawan2 nan sacandu anak nelayan Kadang disampiang pukek bayangan , jariang dan lain2 banyak kami dapek yo dijua ka panggaleh ikan nan bajojo, lumayan dapek pitih juo ambo dapek jatah, nan gunonyo yo pambali mato panciang,nilon jo kapuyan nan agak rancak,beko nan kadisamba lah diasingkan untuak dibawo pulang, *** Kondisi Terkini Mamukek April 2013 di tampek nan samo..... Itu dulu samantaro Pak ZD..beko ambo lanjuik..carito mamukek nan ambo basuo baliak jo kawan waktu ketek si Jangguik nan kini punyo pukek jo sampan boleang babarapo anak buahnyo nan dulu Abaknyo nan punyo pukek Wass-Jepe @Balikpapan, L, 48 thn Powered by Telkomsel BlackBerry® -----Original Message----- From: Zaid Dunil <[email protected]> Sender: [email protected] Date: Sat, 13 Jul 2013 09:34:42 To: <[email protected]> Reply-To: [email protected] Subject: Fwd: [R@ntau-Net] Manondo ambu-ambu Ass ww Sanak Rantaunet n a h Re : Nostalgia Pantai Padang. Dulu: - Masih ingek ambo wakatu ketek ketek di pantai Padang ko, sekitar 55 – 56 tahun lalu. Lauak di pantai tu sabana banyak. Nelayan kalau mancari lauak paliang jauh 400 sampai 500 meter dari pantai , lalu menebar pukek di lauik di pantai Padang tu. Mereka barangkek pukul 6 pagi , nanti sekitar jam 9 atau paliang lambek jam 10 pagi alah baliak dari lauik tu , mambao lauak bakaranjang karanjang. Sagalo macam lauak , mulai maco , pinang pinang, sinangi (n), ikan kapua, babara , baledang, udang gadang sampai udang rebong , bahkan kapitiang ranjungan langkok jenisnyo dalam karanjang di sampan pukek tu. - Dulu banyak urang mamukek dari tapi, pakai tali nan diirik samo samo sambia bajalan mundur. Sakali darok pukek tapi tu sabana banyak lauknyo, bisa limo sampai 6 karanjang . - Dulu di maso itu, udang saiah (Jkt - ebi) acok bana manapi ka pantai. Mamerah tapi lauik tu dek udang saih ko. Sakampuangnyo urang tapi lauik mulai dari Parak Karambia sampai ka Olo Ladang , manangguak udang saih tu . Tuo mudo , sampai anak anak turun manangguak udang saih tu. Ambo wakatu itu klas 6 /klas 1 SMP indak pandai bana manangguak , tapi bisalo dapek sampai 12 – 15 kilo udang saih sakali musim. Musim udang saiah tu bahkan sampai 2 kali dalam sabulan, - Dulu sambia mandi mandi di pantai tu banyak anak anak (tamasuak ambo) nan manangkok kapitiang jo alat sederhana, jariang bekas salaweh 15 cm2 dan didalamnyao di agiah anak anak ikan nan alah ditokok + batu ketek sebagai pambarek dan dikabek jo tali dan diujuangnyo di agiah sabuik kelapa sebagai pelampung. Jo alat sederhana tu , bisa lo dapat bapuluah puluah kapitiang ranjungan .Kini : - Nelayan pai melaut tu alah jauah katangah, kadang ba jam jam baru sampai ka lokasi mamukek tu. Hasilnyo kebanyakan indak mencukupi untuk mengembalikan biaya BBM - Indak ado lai urang nan mairik pukek sambia bajalan mundur , maelo pukek tapi. Mungkin dek karano pantai tu bapasang grib untuak manahan ombak , mamukek jo jariang pukek tapi tu indak saleco lai. Tapi ambo yakin sababnyo karano la indak balauak lauik di pantai Padang tu lai do. - Udang saih tu mungkin alah punah. Antah kama nyo mailang , indak parnah lai mampir ka pantai Padang tu. - Tiok pulang ka Padang , ambo amati indak ado lai anak anak nan manangkok kapitiang takah ambo dulu jo kawan kawan ambo anak anak nelayan. Mungkin kapitiang ranjungan nan dulu banyak di tapi lauik tu kini alah mailang pulo atau punah ? Untuak dunsanak nan alun parnah maliek Pantai Padang , ambo lampirkan foto Pantai Padang nan kini alah indak balauak . Wassalam. Dunil Zaid , 70 , Kampuang Ujuang Pandan Parak Karambia, Padang. ---------- Forwarded message ---------- From: <[email protected]> Date: 2013/7/12 Subject: [R@ntau-Net] Manondo ambu-ambu To: [email protected] Sahabat palanta RN n a h. Sent from my BlackBerry® smartphone from Sinyal Bagus XL, Nyambung Teruuusss...! -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
