Pak ZD dan Dunsanak Palanta RN N.A.H
Pak ZD nan ambo makasuik "pukek bayangan" waktu tu lauik masih barasiah, ikan masih banyak, jadi pukek utamo nan baelo jo tambang tu, manjalang naik ka pasia sekitar 50 meter lai, mako dibalakang sampan boleang bacadiak tu nan mambaok pukek katangah untuak dielo, kami jo sampan bacadiak mambaok pukek ukuran ketek tu dirantang pulo lalu Babarapo saat pukek nan gadang jo tambang tu lah naik kanduanyo ka pasia, kami masih meelo pukak tadi (cikang sajo bukan jo tali). Sabananyo Pak, pukek ukuran ketek ko buek main-main ditapi sajo, kalo indak jadi "pukek bayangan" (iko istilah ambo sajo), dulu dek ikan masih banyak, perairan dangkal pantai masih barasiah (jarak 0-100 meter dari bibia ombak mamacah) pukek ketek lumayan juo hasilnyo paling tidak sakerong anak-anak lauak. Kino ko yo ndak ado lai "pukek bayangan tu" yg ditebar dibakang pukek utamo Lanjutan Kondisi Terkini Pantai Air Tawar Barat 23 April terakhir ambo ka pasia tu ditampek nan samo, dulu abak si Jangguik jadi juragan pukek, ambo jo si jangguik anak2 dipasia tu sibuk malala2 jo aktivitas manangkok ikan sarupo carito sabalunnyo Jarak pasia dari rumah ortu ambo sekitar 1 Km-an, jadi ambo jo urang rumah pagi2 sekitar jam 9-an ka pasia tu, pas basuo siJangguik jo anak pukeknyo, kebetulan pukeknyo lah naik , alah baguluang kandua jo jariang dek anak pukek, lalu ambo caliak bekas mambarasiahkannyo..yo banyak sarok2 jo ubua2 sajo (kalau dulu sarok2 jo ubua2 ko banyak udang saia, ado-ado juo tapi yo ndak banyak dalam arti payah mamiliah ciek-ciek kalopun ka jadi umpan) Hasil pukek si Jangguik nan ambo caliak kebetulan alun di jua lai (indak ka panjojo takah dulu lai di jua) tapi ka urang2 atau ibu rumah tangga untuak ka disamba mancari lauak2 pukek nan bakandakan 10-20 ribuan..isinyo sabaskom sajo ndak sampai (Kerong indak ado lai) Isi lauaknyo nan alah bapiliah untuak di galeh ko -Tandeman, pinang2, batai2 2-3 jari, maco2, tu ado suaso babarapo ikua jo garigak Ambo tinggakan pitih 100 rb ka sijangguik, minta tandeman sajo rato2 ukuran 2 jari tunjuak jo jari tangah dirapekan, yo ampia kasado nan dibaskom tu tandeman inyo agiahkan ka ambo lumayan. Lalu duduak ambo dilapau, maota2 si jangguik sambia mangopi makan kue2 basah dilapau tapi pantai tu, yo banyak carito sadiahnyo baa mamukek kini, indak co dulu maso awak ketek2 remaja dulu Ndi ,kecek si Jangguik, pai bana katangah jaankan ka balabo, (dapek gaji anak buah) pulang pokok untuak bali BBM sajo kadang payah, kok bakaoan juo yo paralu paritungan pas bulan2 ikan. Pasia tu..kini lai ndak talalu kumuah/kotor/jorok ..lumayan barasiah, mungkin kini lai ado kesadaran masy nan tingga disekitar atau disepanjang pantai tu, cukuik rindang jo batang dadok nan gadang2 tampek sampan bacadiak parkir, jarak2 tertentu yo lah di pasang lo batu2 baungguak gadang2 untuak pamacah ombak bia ndak abrasi, banyak juo anak2 remaja mandi2. Main2 aia dipasia tu kalau sore2. (Ambo lampirkan ciek foto di pasia tu, disampan bacadiak si Jangguik nan mambaok pukek untuak di rantang) Tandeman lauak pukek ko sabana manih di goreng, setelah ambo garamin jo aia limau kapeh, bagoreng jo minyak balinang, batiriskan...yo ndak pueh mangudoknyo :-) sebagian ambo baok ke Pekanbaru (ka rumah kami,kebetulan anak2 ndak pai ka Padang) Terakhir sarupo pantun nan dilewakan dek sanak Suryadi Pinyangek di ujuang rantiang, Tabang ka Pulau Anso Duo, Kasiak angek pinggang lah gantiang, Namun pukek dielo juo. Yo co itu bana nasib si Jangguik jo anak pukeknyo,,apopun caritonyo nn iduik harus bajalan taruih, bausaho sakuek tanago..walau kini hasil lauik di peraian dangkal samakin sulik Wass-Jepe Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
<<attachment: Pantai ATB, JP.jpg>>
