Walaupun bukan marupokan salah satu dari *adat nan ompek* (*adat nan sabana adat, adat nan diadatkan, adat nan teradat, adat-istiadat*), ....namun tampak cakak banyak antaro pemuda batanggo nagari iko merupokan peristiwa nan acok tajadi.
Cuma herannya kok tajadi mandokei hari raya...nah iko ciloteh lamo dari Mak Sati di Palanta, yang menganalisa cakak iko dek korono urang Rantau juo...... ambo copas dari http://nagari.or.id/?moda=palanta&no=65 *Si Usuik manjadi Provokator* Dikarang oleh : N. St. Sati Hari lah pukua salapan. Lapau Ubek Mak Sati alun tabukak. Di muko lapau, tagak-tagak tigo urang, asyiak mangecek babahaso awak. Sabanta Mak Sati tibo, dan turun dari oto putiah kasanangan baliau. " Assalamualaikum Mak Sati !" "Alaikum salam, ee manga tigo sajoli pagi-pagilah kamari. Kok nak badomini ma kaki ciek lai ?" "Si usuik kan lai Mak Sati, ma nyo komandan pulo nan inyo suruah mambukak kadai ko !" "Si Usuik?. Kalian indak tahu? Inyo kini di Polda Padang" "Manga nyo sinan? Lah jadi intel pulo inyo ?" "Bukan jadi intel, tapi lah kanai intel !" "Marilah kito duduak di dalam, nak den agiah caritonyo". Lah duduak urang batigo tu, Mak Sati lah salasai pulo manyusun-nyusun kadaian. Menan babaso ka Mak Sati. "Baa, ka dibuek kopi Mak Sati ?" "Tantu iyo, nan lasuah kan mangecek sudah minun. Bueklah kupi, anggap se lah di rumah awak surang-surang". Menan, Muncak, jo Kali Bandaro duduak maadoki kopi nan angek-angek kuku. Mak Sati, duduk di kurisi tinggi, kurisi tampaek biaso baliau mambari pangarahan ka nan mudo-mudo. Kali Bandaro Mambukak kecek. "Co iko Mak Sati. Tampaknyo saalun riak jo galombang, di Mak Sati takana di kami taringek, taulok di kami, Mak Sati capek manangkok. Tantang carito si Usuik nan kini ado di Polda Padang. Mungkin lai kaitannyo jo urang bacakak antarnagari, di Paninggahan, di Padang si Busuak, di Pasaman, dan kabanyo di nagari Mak Sati sandiri pulo di Sitalang nan batabeh jo Kotoalam". "Duduaklah elok-elok nak ambo caritokan. Tapi iko sumbernyo indak manantu amek, carito dari muluik ka muluik, indak dapek dijadikan sumber, namonyo carito di palanta, jadi "to de rekort". "Si Usuik sabalun inyo manataok di siko, karajonyo malala sajo, sampai mandapek gala Ml.s (malala sajo). Inyo pernah mangirin tiga sakawan ka Irian Papua. Tigo sakawanko, si Mansun dari Paninggahan, si Manan dari Padangsibusuak dan si Kuri dari Pasaman. Katigo urang ko kanai gusur dek Pak Sutiyoso. Katigonyo samo-samo ilang tampaek manggaleh. Si Usuik mangarahkan supayo tigo saparasaiantu harus maaliah rantau, caliak anak-pandang minantu, tapuak dado tanyo-salero, kok udang harus tau dibungkuak awak, SDM randah indak sasuai tingga di Jakarta. Haruih cari lahan nan sabandiang, yaitu ka Irian Papua. Kok lamo di sinan barangkali bisa jadi Walikota. Saran ko tamakan dek katigo sakawan tu. Katigonyo barangkek jo kapa Depsos, tujuan Irian Papua. Seo kappa lai perai, dek katigonyo mangaku urang Bayua, kamanakan mantari Sosial. Pasan terakhir si Usuit, "Cari pangalaman di Papua tu nan dapek pulo dikambangkan di nagari surang-surang. Kok pulang angku-angku ka kampuang, cari ambo, nak ambo bantu langkah-langkah pangambangannyo! Lah ampek tahun tingga di Irian Papua. Indak pernah digusur manggaleh, malah kadang-kadang inyo nan manggusur urang. Pitih banyak, badan barasiah, takana pulang sarangkek. Takana pasan si Usuit, nak mangambangkan pangalaman di rantau urang. Sabalun bulan puaso ko, katigonyo lah mandarek di Taluak Bayua, naiak kapa Pelni. Transit samalam dan batuka kapa di Jakarta lalu langsuang ke Taluak Bayua.. Pangalaman nan ka dikambangkan di kampuang iyolah "bacakak antar nagari", karano urang bacakak antarkampuang ko acok bana dialami, lai agak saratuih kali salamo di Irian Papua. Jadi pangalaman tu batua-batua masak. Bahan matahnyo cukuik; nagari lai, panduduak nan ka di adu lai pulo, masalah dapek diciptakan. Salamo bulan puaso Mansun, Manan dan Kuri asyiak malatiah urang kampuang surang-surang bacakak antar kampuang. Ruponyo, pintak buliah - kandak balaku, batimbang - tabehlah urang di tigo nagari tu. Nan di nagari Ambo tu, baru tingkait maasah pisau, alun batimbang tabeh. Itu soal bateh nagari nan dibuekkan surek palasu. Tapi dek si Usuik sadang barado di kampuang dan capek kontak ka Palembang tampek Mak Sati, makonyo Mak Sati manalipon ka Bupati untuak turun tangan manyalasaikannyo. Lai indak jadi batimbang-tabeh doh. Inyo salasaikan di meja parundiangan antara pemuka kaduo nagari, dihadapan perangkat Bupati Agam. Babaliak carito ka nan tadi. Ruponyo katigo parantau pulang dari Irian Papua tadi, dinyatokan propokator. Katigonyo ditangkok dan dideportasi ka Polda Padang. Katiko dipareso, urang nan batigo tu supakaek mangatokan bahwa parang antar nagari tu ateh anjuran si Usuik nan menyuruah maambiak - mangambangkan pangalaman dari rantau untuak dibao ka kampuang. Kini si Usuik samo tatahan jo si Mansun, si Manan dan si Kuri. Baa kasimpualannyo alun ado ambo manarimo kaba. Kok lai untuang Si Usuik indak digolongkan teroris jariangan Abusamah bin Laden, tapi hanyo dituduah manjadi provokator sajo ! Sakian carito, api padam, puntuang anyuik, tanyo jo jawaok lain kali. Ambo ado karajo sabanta, cari kaki ciek lai badominilah sampai sumbayang luhua. Tarimo kasih. Indak sempat manjawaok, Mak Sati lah naiak oto Jetrtar, hilang di karamaian kota. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
