TUNEH KAYU LAPUAK Kisah dilauik lah mandeh danga Baa manjadi rang pamapeh Umpan jatuah lai nyo samba Kayie di angkek ikannyo lapeh
Lah pucek bacamin ayie Tiok dijalo lubuak baransang Banang kusuik joranlah cayie Bayie umpan masih ta utang Sa abih dayo jo usaho Dicubo pulo hiduik di darek Tapi apo ka dibaco Sansaro makin mandakek Baragam ibarat jo umpamo Kaganti carito parasaian hiduik Dalam gurindam batulih nyato Dalam pantun jaleh basabuik Kini carito dibadan diri Dibaco untuang parasaian Ibarat umpamo kayu mati Urek ndak rela malapehkan Pucuak layua daunlah rogek Rantiang lah rakah kapanehan Batanglah tingga manunggu ruek Tunggua maratok kakaringan Tapi nan urek batahan juo Tatap majala macari ayie Sambia babisiak ka pitalo Ikolah untuang jo takadia Baharok ka angin malam Turunkan baa ambun satitiak Lah latiah urek mancakam Maharok tuneh kok lai baliak Kok disabuik awa bamulo Tumbuah sabatang dalam parak Bukan doh tumbuah tumbuah sajo Tapi baladang bamintalak Badan ibarat tanaman suku Nan kajadi tanaman tuo Nan ka diwarihkan ka anak cucu Cancang latiah niniak muyangnyo Kok nyampang babuah labek Nak barabuik rang ma ambiak Indak kamanih bialah kalek Sanang juo hati mancaliak Tapi itukan cito cito Niat samaso kamanuga Takalo baladang mananam bijo Sambia mambaco baco doa Abih tahun musim baganti Umua dibatang batambah juo Pucuak layua baganti sari Putiak lah kambang mulai barupo Bia ciek asa lai manih Daripado labek asam sadonyo Kok lai ka pambujuak tangih Pa ubek cacek nan salamoko Tapi apo ka dibaco Iyo juo bak kato urang Kalau lah malang ka dibaco Ayam bagoreang amuah tabang Dapek nan dihati indak dapek bakandak hati Lah kambang bungo di tampuak sari Buah mancogok ndak ba isi Tanyato samakin jaleh Tuhan babuek sakahandaknyo Alun talakik babuah boneh Putiak lah gugua ditampuaknyo Kini baharok badan ka ambun Rinai kok lai mambasahi Nyampang tak mungkin ka badaun Usah biakan tunehko mati Walau barantiang raso tak mungkin Biakan tumbuah bak cindawan Indak den cari kayu nan lain Ka tunggua lapuak den sarahkan badan Garak Allah sia nan tahu Tuhan babuek sakahandaknyo Caliak dek mandeh tinaman labu Indak barantiang babuah juo. Kini ka sia badan maratok Mandeh lah dulu maninggakan Anak mandeh kanyang dek harok Bangkalai tak mungkin tasudahkan Kini mandeh lah tidua panjang Ayah nan tingga manyusul pulo Lalok lah mandeh tanang tanang Biakan dagang jo untuangnyo Mandeh lah cukuik ba usaho Ayah tak kurang jo bimbingan Ikolah garih nan Kuaso Nasiblah sudah jo suratan. 27072013. Y. Jambak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
