SI "LUPAK" Tasabuik namo si LUPAK
Anjiang paburu nan takato Mato tajam talingo tagak Dima simpang lah tanamo Lihie ba kala kulik usali Batatah batu parmato Duo dapo panjangnyo tali Bajambua jo banang suto Bapantang mandi ndak basabun Bulu bakilek kaputiahan Indak mancubo makan di daun Jo piriang kanso ba hidangkan Mainnyo di kampuang-kampuang Pulang kandang lah malam hari Bunyi salak manggaruang-garuang Banyak batino kanai hati Dalam persatuan buru babi Atau persatuan buru kandiek Lupak masuak organisasi Samo sa hilie jo sa mudiek Kok lah tibo di hari Minggu Dari ma sajo undangan tibo Baburu atau ndak baburu Nan si lupak tabao sato Pasaman jo rimbo panti Sampai ka bateh rimbo bujang Si lupak usah di tanyo lai Jarang nan indak di kenal urang Datang jo oto ka paunan Babungkuihkan nasi dek induak samang Dek samuik indak talawan Apo lai anjiang kumbang Tapi manuruik carito Muncak Tungganai buru dek tuan rumah Di baco parangai si lupak Banyak carito nan baliek awah Katiko tibo maso bakaja Lah acok sajo tajulua lidah Nan si lupak acok ta tingga Pado balari acok ba rangah Samuik jo kumbang lah bakaja Masuak rimbo masuak samak Si lupak masih gilo jo kala Salangkah haram barasak Kok lai bana sato bakaja Lah banyak arah nan manyimpang Lah nyato di lurah kandiek tasanda Lupak di bukik tagak mangangkang Kok lah tibo ka ma matah Lupak lah tagak paliang muko Pantang muncuang ndak badarah Walau sakadar manjilek sajo Pulang baburu patang hari Caritonyo ma ajan tuah Kok indak lah lupak manyudahi Mungkin nan lain ndak mamatah Baralah geneang tagak di simpang Indak nan labieh dari awak Moto lia ikue bagoyang Mandayu-dayu bunyi salak Iko lah gambaran Lupak nangko Manuruik carito Muncak buru Capek ka bangkai salamo nangko Jo kandiek hiduik alun batamu Kaba tarakhir nan tadanga Lupak mamatah dalam kampuang Itiek patah nan nyo kaja Ruponyo baburu dakek lasuang Kok iyo bana nan tajadi Malang bana nasib si lupak Kok tacemo namo di nagari Parangai ndak labieh dari Biawak Santiang bana ma minyak-i bulu Pandai mancari balek taganggang Ma intai-intai di jalan lalu Manunggu taranak pulang patang.. Kok lai baniat nak mamatah Manga indak dalam rimbo Ibo awak jo itiek patah Taranak nan indak ado dayo 01082013...Y.Jambak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
