SELAMAT HARI RAYO IDUL FITRI
1434 H.
S - abulan panuah kito puaso
Tingkah jo laku di paliharo
Makan jo minum kito jago
Di paga talingo jo mato
E - lok jo buruak nak basisieh
Dunie di kaja akhirat bulieh
Amal ibadah di palabieh
Sumbayang wajib jo sunnah tarawieh
L - ai koh sadonyo tajalankan....??
Lai tacapai makna Ramadhan....??
Ka diri tanyo di pulangkan
Kito sandiri nan tau jawaban
A - ndaikan lai jujur jo diri
Sasuai kato jo nurani
Amal ibadah tapanuahi
Alhamdulillah sagalo puji
M - ungkin ikolah sebuah hidayah
Hasie karajo jarieh jo payah
Mandapek rahmat dan berkah
Pintu taubat di bukakan Allah
T - apiiii santano alun tajalani
Banyak ingkar lupo jo janji
Alun sa iyo muluik jo hati
Paralu di ulang baliek kaji
-------------
H - iduik adolah perjuangan
Nan mambutuhkan pengorbanan
Ndak ado istilah kemenangan
Tanpa ado peperangan
A - lam takambang jadikan guru
Ambiak pidoman ka maso lalu
Niat ciek pangana satu
Jalehkan arah ka di tuju
R - amadhan yang sasungguahnyo
Saatnyo kito mahapuih doso
Babuek amal mangaja pahalo
Malipua nan buruak salamoko
I - ndak di rasuak manjariau
Lakek atok indak di kasau
Indak di punco ba ambalau
Tandonyo lah ancau kabirau
--------------
R - umah sudah indak ta unyi
Jarieh tabuang ndak ba arti
Surek tabukak lupo jo kaji
Tandonyo hati nan lah mati
A - pi padam puntuang lah hanyuik
Sandiwara abih layie lah tutuik
Jalo lusuah ikan lah lucuik
Lah sio-sio namonyo hiduik
Y - ang salamoko di anggap bana
Mato mancaliek talingo mandanga
Tangan ma awai langkah mangaja
Tanyato syetan lah manggoda
O - lok-olok garah di lapau
Hari hujan cindua takacau
Tasangko bubua cirik kabau
Dek dubilih mato lah silau
--------------
I - nsyaflah sajak dari kini
Sadar dan tau lah jo diri
Kendalikan sifat jo emosi
Sabalun angok baranti
D - uduak basimpuah bao lah sujuik
Banyak istigfar acok manyabuik
Sabalun tibo malaikat mauik
Nan ka mamabao jo manjapuik
U - sah di tunggu di tundo-tundo
Sabanta lai bisuak jo biko
Untuang sudah janjian tibo
Indak bapiliah tuo jo mudo
L - ah banyak contoh kito liek
Tibo sasa katiko gaek
Bana datang lah talambek
Samantaro aja ndak dapek diambek
------------------
F - itri baliek di hari rayo
Itulah makna sasungguahnyo
Barasieh baliek bak samulo
Hapuih cacek hilang ceno
I - man nan tipih di pataba
Di padalam raso taqwa
Hati nan sampik di paleba
Langkah nan sasek babaliek bana
T - uhan pun alah manjanjikan
Ustazd pun acok manyampaikan
Ndak ado doso nan ndak di ampunkan
Kecuali Beliau di persekutukan
R - untuah langik bumi kok taban
Barakhir sagalo ka hidupan
Disinan lah amal jo perbuatan
Masiang-masiang di pertangguangjawabkan
I - nsyaallah kito umat Muhammad
Nan lai sabana-bana taubat
Kasadonyo akan selamat
Sarugo mananti di akhirat........
Amiiiiin...Amiiin Ya Rabbill alamiiin...
Penghujuang Ramadhan, 1434 H..Y.Jambak
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet~
* Isi email, menjadi tanggung jawab pengirim email.
===========================================================
UNTUK DIPERHATIKAN, yang melanggar akan dimoderasi:
* DILARANG:
1. Email besar dari 200KB;
2. Email attachment, tawarkan & kirim melalui jalur pribadi;
3. Email One Liner.
* Anggota WAJIB mematuhi peraturan (lihat di http://goo.gl/MScz7) serta
mengirimkan biodata!
* Tulis Nama, Umur & Lokasi disetiap posting
* Hapus footer & seluruh bagian tdk perlu dlm melakukan reply
* Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
---
Anda menerima pesan ini karena Anda berlangganan grup "RantauNet" dari Grup
Google.
Untuk berhenti berlangganan dan berhenti menerima email dari grup ini, kirim
email ke rantaunet+berhenti [email protected] .
Untuk opsi lainnya, kunjungi https://groups.google.com/groups/opt_out.
