BATANYO Mandeh kanduang nan tacinto
Maafkan denai nan buruak pinto Salah mangiro jo manyangko Banyak manulak pado tarimo Lah sakian tahun lamonyo Denai baharok jo maminto Baliak an denai bak samulo Nan tanang lalok di pangkuan bundo Ingin baliek bamanjo-manjo Mandeh hapuihkan ayie mato Rangik sa ikua bakajuik juo Kama pai denai ba bao Dulu gadang nan den cito Ingin manjadi urang tuo Lah den cubo lah den kao Barek bana hiduik taraso Dari surang nak baduo Dari baduo lah batigo Kini lah nak ba cucu pulo Alun juo sanang tasuo Lai cukuik baharato Ndak bana badanko kayo Banyak saketek lai punyo Nan bahagia alun basuo Kok bulieh badan batanyo Dima bahagiatu adonyo Lah den cari kamano-mano Alun juo batamu muko Kecek pak Ustazd di hati lataknyo Adonyo dalam runggo dado Tapi den rosok lah den rabo Ndak ado doh nan taraso......... Lah limo puluah ampek kali rasonyo Sajak denai mangenal Bundo Tahun ka tahun ndak jauah bedanyo Tahun balalu bagitu sajo Satiok Ramadhan tibo Bulan pangampunan sagalo doso Tabuka leba pintu sarugo Batutuik rapek pintu narako Ba itu pulo di hari rayo Babaliek Fitri kasadonyo Lipua salah ba apuih doso Salamo di turuik aturannyo Baitu Ustazd bacarito Ulama sadonyo mangatokan iyo Lai koh bantuak itu nan tasuo...? Allahua'lam sajo kajaweknyo Namun di hari rayo kiniko Ado raso lain nan taraso Waupun alun sagalo ado Banyak nan tingga pado ta bao Tapiiii....damai dunia taraso Tanang pikiran jo kiro-kiro Sajuak di dalam runggo dado Iko kah Fitri nan sasungguahnyo..? Katiko mandeh lah tiado Mandeh lah lalok di pusaro Tidua panjang di sampiang bapo Kanapo kini iko taraso..?? Lah hilang mangko basuo Lah pai mangko ka tibo Ya Allah Nan Maha Kuaso Barikan hambamu jawabannyo.... 09082013, Rayo Kaduo.. Y.Jambak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
