Sanak Palanta Curito ringan di akhir pekan.
Pagi-pagi setelah sekian lama taungguak di ateh kulkas, tumpukan kopi dari beberapa daerah paragiahan kawan-kawan ko menarik hati juo. Namun tumbuah tanyo, nan ma nan ka di kicok aliah "diputar" pagi ko. Berdasarkan dialeg derah timur, mambuek kopi ko disebut dengan "Putar Kopi". Diateh kulkas ko ado kopi Wamena, Toraja, Kopi arabika liar dari Palu, kopi Lampuang dari daerah dakek Krui, lapeh ka Kopi Cap Padi, produksi Muaro Aman, Kab. Lebong Bangkahulu-paragiahan anak Bupati ukatu malincau kasinan. Ado juo kopi sidikalang, langkok jo kopi Gayo, manyalek pulo kopi Koto Tuo di subalah kampuang ambo. Tapi nampaknyo salero pagi ko jatuah ka kopi Flores nan lain pulo paiknyo. Betapa kayonyo nagari ko jo Kopi, sungguah banyak macam ragamnyo dan persebaran geografisnyo. Sajak kopi ditemukan di Afrika dek sorang panggubalo kambiang, kopi kemudian menyebar ke jazirah arab dan di bao urang ka eropa dan kadai-kadai kopi berkembang menjadi satu piranti penting perkembangan kebudayaan dan konon kabanyo rajo Parancih pernah melarang kadai kopi, karena di kadai-kadai itulah perlawanan terhadap rajo digerakkan. Konon kabanyo sekitar abad 17, seorang Bulando mambao bibit kopi partamo dari arab ka Bogor untuak di cubo dan akhianyo berkembang di tanah priyangan, sampai kudian sekitar tahun 1826, alah dilaporkan ado sekitar 30 kabun kopi di Minangkabau dengan perkiraan sekitar 10.000 batang. Ikolah nan manjadi satu jajak Tanam Paksa kopi di Minangkabau nan manuruik Christine Dobbin, indak banyak berhasil karena kueknyo sisitem adaik disiko, hanyo di ulayat-ulayat rajo nan banyak dibangun. Dulu diateh bukik dibulakang kantua Bupati Solok nan baru di Aro Suka dakek Sukarami ado satu perkebunan kopi Bulando nan manyeo tanah ka urang nagari, pada waktu tertentu, sang datuak dengan manunggang kudo putiah, pai ka kabun itu maintak seo. Betapa gagahnyo maso itu. Tapi ado juo curito padiahnyo cultuurstelsel kopi ko. Konon kabanyo buah kopi untuak eksport, daun kopi diasok nan ka minuman anak nagari, itulah kopi daun alias kawa daun nan lagi trend kini ko, bahkan sorang anak mudo dari Tanah Data alah berhasil mengemas kawa daun ko manjadi produk layak, inyo bungkuih mode teh celup. Dari peristiwa tanam paksa kopi kolah lahia satu istilah "Melayu Kopi Daun". Dikampuang-kampuang, ado tigo lokasi nan mamuta kebudayaan Minangkabau, nan paratamo dan utamo tantu Musajik atau surau, nan ka duo adolah Rumah Gadang dan nan katigo adolah lapau kopi. Lapau kopi bagi Minangkabau klasik adolah arena mampatajam analisis terhadap peristiwa, utamonyo politik. Alun basidang urang di Senayan, di lapau Ajo Dirih alah putuih apo kaputusannyo. Baitu bana parumpamaannyo. Nan mananguang tantulah urang kadai, alah 3 kali ayia angek ditambah, nan curito indak juo abih doh, ujuang-ujuangnyo baliau ko mintak tambah kopi jo gulo pulo saketek...ondeh mak...nan mato hari alah tinggi untuak ka sawah....he..he.. Di Minangkabau, kopi Bukik Apik batua-batua malegenda. Mungkin dek udaro dingin di onderafdelling Agam Tuo, raso kopi ko yo sabana manjujuik, apo lai disalo dek ratok Sianok nan manyaik-nyaik jantuang, yo tambah larek parasaan dek nyo. Takana parantauan makin jauah, antah ka marantau cino bagai kasudahannyo. Sudahlah sanak, laruik-laruik pangana deknyo, bialah diputa baliak kopi ko, sambia mandanga dendang Rangkayo Elly Kasim jo lagu Randang Kopinyo Salam andiko sutan mancayo ________________________________ Randang Kopi Published July 30, 2007 Pop 80'an Leave a Comment Tags: Ajis Sutan Sati, Efrinon, Elly Kasim http://laguminanglamo.wordpress.com/2007/07/30/randang-kopi/ Rang Bukik Apik oi marandang kopi Tampak nan dari lereang pandakian Alah mamak oi di pandakian, ondeh kanduang oi Sungguah maramuak hai di dalam hati Di muko jan sampai kanampakan Alah mamak oi ndeh kanampakan, ondeh kanduang oi Jikok nak tau hai di rancak lado Cubo siangi agak tigo kali Alah mamak oi ndeh tigo kali, ondeh kanduang oi Jikok nak tau hai di rancak jando Cubo caraikan agak tigo kali Alah mamak oi ndeh tigo kali, ondeh kanduang oi Alah mamak oi ndeh tigo kali, ondeh kanduang oi – 4x (Ciptaan Ajis Sutan Sati, Dipopulerkan oleh Elly Kasim) -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
