Sabananyo jo sanak Jepe ko alah lamo ambo penasaran. Apolai mambaco posting dan komentar nan selalu panuah semangat.
Waktu masuak curito mamapeh di sungai basoboklah kalorok tu. 11 jo 12 mah kato pak ZD. Kabatulan ado pulo urusan ka Melak Kutai Barat tampek sanak Jepe baparak. Sajak ado cabang di Melak alun pernah sakali pun bacaliak dan silaturrahmi kasitu. Samantaro ka Tarakan, Berau, Bontang dan Sangata alah baulang ulang badatangi. Gara gara kiriman foto foto ikan bauang dan patin monster nan sababana manantang, spontan diatur jadwal kunjungan. Dari awal ambo indak bacarito ka sanak Jepe bahwa ka Melak tu bukan sekedar mamapeh ka sungai Mahakam. Karano ado keinginan untuak mambuek saketek kejutan, baa lah gaya sanak Jepe saat basobok nanti di bandara Melak. Akhianyo Jum'at patang tajajak juo tanah Melak. Bandara nan ndak begitu gadang cukuik barasiah. Basaba manunggu sabanta, karano sanak Jepe sadang sholat Jum'at. Ndak sampai 15 menit manunggu masuaklah oto double cabin putiah. Ambo liek nan mambaok oto alah galak dan senyum. Ditakok sajo. Ikolah sanak Jepe. Ruponyo batua. Macam alah lamo basuo sajo gaya sanak surangko. Curito manciang lansuang jadi topik pambuka perkenalan. Ambo kaluan duo katrol Daiwa sebagai bukti bahwa ambo datang serius untuak mamanciang di sungai Mahakam. Acara makan siang tapaso ambo usulkan untuak dirubah. Karano paruik ko alah ba isi diateh pesawat dari Jakarta ka Balikpapan. Mancari toko panciang nan manjua umpan labiah utamo. Karano takuik jangkrik nan dijua capek abih. Maklumlah akhia minggu. Sasudah singgah ka hotel ma latak ana barang, kami cubo "ma angguak" dirumah rakik ditapi sungai Mahakam. Sekedar ingin maliek suhu aia sungai dan ingin membuktikan apo memang ado slais mentilap atau di sungai Kampar namonyo adolah Slais Lubuak main. Dengan umpan jangkrik, ndak sampai limo minik sanak Jepe strike slais lubuak bujang. Kanapo bujang, dek ukurannyo alun yang jumbo lai. Sampai sanjo kami mancubo "test drive" sungai Mahakam. Memang banyak ikan slaisnyo. Umpan yang di ulua labiah banyak hilang. Babeda jo di sungai Kampar, slais disiko alah tinggi sekolanyo. Alah dituka mato nan haluih, sakali angguak umpan hilang, manyangkuik tido. Sabana panasaran kami dibueknyo. Akhianyo kami cukup pueh dengan babarapo Slais lubuak bujang nan kuniang kuniang manih. Urang mangaji pun alah tadanga dimasajik ditapi sungai. Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
