Manolah pak Saaf sarato dunsanak sa palanta.....
Ado ciek lai nan ambo kurang sapandapek jo pak Saaf. Katiko pak Saaf mangecek-an bahaso; 'Susahnyo urang awak indak punyo tradisi keprajuritan, dan karano itu indak punyo kelas satria sarupo di Jawa.' Ambo raso hal iko sangaik indak batua. Urang Minang sangaik punyo tradisi kaprajuritan. Caliaklah, baa parang Paderi bisa balangsuang jauah labiah lamo dari parang Diponegoro. Bahkan parang Paderi diakui dek Bulando sabagai parang nan barek salain dari parang Aceh. Di jaman awal kamerdekaan, masyarakaik Minangkabau samo jo masyarakaik mano sajo di Jawa, maangkek sinjato malawan Bulando, banyak diantaro baliau-baliau ko nan gugur dalam parang. Ambo raso, dek kaseriusan urang awak bajuang maso itulah mangko PDRI bajuang dari nagari awak. Sabalun pristiwa PRRI ado babarapo tentara urang awak nan samo tinggi pangkaikno jo kabanyakan kumandan tentara di daerah lain. Sarupo Letnan Kolonel Ahmad Husein, Kolonel Dahlan Jambek. Jadi alah ado juo kelas ksatria. Awak musti mancaliak kajadian maso itu sabagai sabuah takdir Allah nan memang iyo alah sarupo itu tajadino. Kalau awak caliak baa mangko baliau-baliau tu (manuruik pak Saaf) manggaregak, karano manuruik baliau-baliau tu memang iyo ado nan paralu dikoreksi. Cuma tanggapan dari pamarintah pusek tanyato sabana kareh, bukanno manarimo bahaso ado nan paralu dikoreksi. 'Malangno' pulo untuak urang PRRI maso itu, tanyato dari pihak tentara PRRI nan sabana militer, masih di awal parang, banyak dan baputa arah, babaliak bagabuang ka tentara pusek, sahinggo parang tu jadi cayah dan indak saimbang. Namun baitu, iko nan ambo cataik bana, sangat disayangkan bahaso tentara pusek acok balaku sangaik dilua kapatutan, manembaki rakyaik, anak-anak mudo, urang-urang padusi nan indak sato baparang. Ambo kurang paham apokoh caro-caro sarupo iko memang bagian dari strategi parang APRI / ABRI, sabab di Aceh pun labiah kurang sarupo itu pulo nan kajadian. Rakyaik nan sabana marasai. Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: Dr. Saafroedin Bahar. <[email protected]> To: Rantau Net Rantau Net <[email protected]> Sent: Monday, September 2, 2013 8:09 AM Subject: Re: [R@ntau-Net] Re: : Djamaris Chaniago -} masalah PRRI. Bana, Sanak Sutan Lembang Alam, itu bagian dari konflik elite di tingkek Pusat, nan kudian bakumpua di Sumatera Barat. Awak alah talongsong pulo manggaregak Pemerintah Pusat. Wassalam, SB. Sent from my BlackBerry® smartphone from Sinyal Bagus XL, Nyambung Teruuusss...! ________________________________ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
