Kanda Syaaf jo sanak sapalanta nan ambo hormati,
Ambo takana jo usul nan pernah ambo sampaikan ka Ketua Gebu Minang dalam
rapek panyusunan Program, khusus untuak ABS-SBK paralu diadokan polling
diRanah Minang / SUMBAR untuak mangatahui barapo persen
rakyat/masyarakat nan setuju ABS-SBK bana2 dilaksanakan baliak
dimasiang2 Nagari. Kalau sabagian gadang rakyat sudah ndak manyatujui
tantu sio2 sajo GM manabikkan buku Pedoman Pengamalan ABS-SBK hasil
Seminar 2010 tu. Salanjuiknyo wacana mambantuak TTS nan ka dibantuak Tim
pangkajinyo tantu baitu pulo.
Usul ambo alhamdulillah dijawek dek Ketua Umum indak paralu. Maliek
kemungkinan keadaan disabagian gadang nagari di Sumbar samo jo nan
dimusajik Lohong 137 tu , nampaknyo iyo paralu panalitian manyaluruah
tantang masalah ko. Kalau iyo tabukti ala karopos tantu ABS-SBK ndak
mungkin lai di implementasikan sacaro formal dalam kahidupuan
sehari-hari dimasyakat.. Kecenderungan ko nampak pulo di kurang
seriusnyo para pejabat di Pamarentahan jo tokoh2 adat nan bahimpun di
LKAAM, apolai nan di Legislatif Jadi bana da Syaaf kadipangaan lai..
Wassalam,
AA
11/09/2013 23:36, Dr. Saafroedin Bahar wrote:
Bung Erizal dan para sanak sapalanta, ambo mambaco elok- elok
keterangan Bung Erizal tantang kondisi musajik Lohong 137 tu, nan
mungkin tajadi di sabagian gadang nagari-nagari awak. Nan labiah
menarik perhatian ambo adolah, hampia indak ado nan takajuik jo
keadaan tu, nan bisa berarti berarti bahaso sabananyo nagari kito tu
alah keropos dari dalam. Urang alah malapehkan untuang surang- surang.
Tantu indak sadonyo kondisi nagari kito saroman nan di Lohong tu,
namun ado rancaknyo ado penelitian manyaluruah tantang masalah iko.
Namun indak pulo jaleh sia kolah nan tapek maadokan penelitian tu, dan
kalau alah diteliti memang tabukti keropos, kadipangaan lai ?
Baa pandapek para sanak kito nan lain di palanta ko ? Apo sabananyo
nan sadang tajadi sacaro umum di kampuang halaman kito tu, dan apo nan
bisa kito pabuek sebagai urang rantau ?
Wassalam,
SB.
Sent from my iPad
On 11 Sep 2013, at 08:57, Erizal Marak <[email protected]
<mailto:[email protected]>> wrote:
Assalamu'alaikum w.w Mak Duta jo anggota Palata ko sadoe...
Iyo bana baitulah nan tajadi kini ko di kampuang-kampuang wak di
Piaman kini ko. Nan ado tingga di hati urang kampuang mungkin juo di
awak kini adolah fanatisme agamo Islam sajo, tapi indak manjalankan
syariatnyo. Tatanan adaik lah barunsua manjauah, indak ado lai pai
mangaji ka Surau. Nan mudo indak ado lai doh nan namonyo lalok di
surau sambia mangaji. Kurangnyo Taman Pendidikan Al Qur'an di
kampuang kampuang sahinggo buliah dikatoan hanyo mengandalkan
palajaran agamo Islam di bangku sakolah nan cuma duo jam palajaran
saminggu. Rayo patang ko ambo ka kampuang di Piaman. Kutbah Jum'at
mamakai bahaso Arab cangko di Makkah dan itupun dibaco khatib dari
buku dan lamo kutbah hanyo limo minik. Kalau ditanyoan, banyak ndak
labai di kampuang ? Jawek-e : sambuah. Tapi apo karajonyo utamonyo
??? Hanyo labai untuak mandoa : doa salamaik, doa manigo ari, doa
ampekpuluah ari jo maratuih ari bukan untuak badakwah. Kalaupun
anak-anak baraja mangaji jo labai...itupun hanyo baraja mangaji sajo
indak ado barak fiqih, aqidah, tarikh islam dll... Lah pandai mambaco
Al Qur'an lah cukuik tu mah....
Ambo yakin ikolah yang ditakuik an dek Mak MN tantang proyek Lippo
yang dimiliki oleh evangelist JR. Bahwa urang awak sabananyo kini
nampaknyo sajo kuaik aqidahnyo tapi nan sabanyo sangaik rapuah di
dalam. Kosong. Hanyo fanatisme ABS SBK sajo sahinggo saketek sajo
dipelesetkan bisa jadi maikua.
Ambo ma ambiak contoh wakatu kajadian di Koto Tinggi Padang Alai
wakatu sasudah gampo tahun 2009 (nagari ko balancik lancik an jo
kanagarian ambo). Diwaktu ado bule jo evangelist dari Jakarta (kalau
indak salah Gereja Bethel Indonesia, Insya Allah rekamannyo masih ado
di file ambo). Malakukan misinyo jo mambagi Alkitab Bible jo kepeang
saratuih ribu. Apo nan tajadi, mamak mamak wak jo mande mande awak
jo anak mudo lansuang manarimo pambagian tu, manarimo Bible tu nan
manuruik penginjil tu sarat jo carito Nabi Nabi, bahkan ikuik pulo
basorak sorak mengikuti apo nan diucapkan dek pendeta itu. Indak ado
reaksi manulak dek mamak mamak wak di kampuang. Alhamdulillah...ado
disubarang kampuang tu posko Muhammadyah dan PKS yang lansuang mausia
dan malaporkan evangelist tu Kepolisian tapi indak diapo apokan doh
walaupun alah malanggar SKB 3 Mentri. Kajadian kaduo di Kanagarian
Lurah Ampalu Korong Padang Pauah nan talatak diujuang nagari, nan
wakatu gampo tu di bina dek LSM Kristen Dua Roti Lima Ikan Indonesia
yg merupakan perpanjangan tangan LSM Obor Berkat Indonesia yg
notabenenya salah satu supporter nya adalah Lippo Group. Salamo 6
(anam) bulan labiah mambina desa tu, hasilnyo ado beberapa pemudanyo
kini sadang palatihan di lembago yg dibinanyo di Jakarta jo
Jogja...indak ado informasi bak a ko lah kini ??? Apo reaksi
labai-labai wak jo niniak mamak di kampuang.....samo sajo indak ado
reaksi manulak jo indak curiga dek karano indak tau apo tu misinyo
..... Untuak duo kajadian ko ambo pernah malaporkan ka Camat wakil
Bupati waktu tu jo maagiah an bukti-bukti misi LSM tu di Batam jo
Pedongkelan Jakarta nan samulo hanyo misi kemanusian baransua barubah
jo misi kristenisasi....tapi nan tajadi mereka pun indak bisa
mencegah jo mausia LSM tu dek karano indak ado bukti.....
Kajadian ko lah sabagai bukti bahwasonyo kiniko urang kampuang awak
sangaik randah ilimu agamonyo..... dan kurang respeknyo urang nan
tau.....
Tantunyo nan harus awak pikia an kini ko, apo nan bisa dilakukan dek
awak nan ado di Palanta RantauNet ko ? Dek awak samo dirantau sadoe
hando yo baarok bana ka Pemda jo DPRD untuak mampakuaik syariat Islam
di kampuang-kampuang. Sarannyo : bak a kalau Pemda menjadikan
TPA-TPA ko sabagai pendidikan formal sahinggo ado alokasi dana dan
SDM pengajar ka lembaga ko. Karano salamo ko TPA TPA hanyolah
pendidikan informal swadaya masyarakat yang salalu tabentur jo
masalah dana jo pengajar. Itupun kalau Pemda jo DPRD "mangarati"
baso ABS SBK bukan hanyo slogan tapi harus diwujuik an.
Bak a gak ati wak sadoe di palanta ko
Rizal Marak Koto, 47 tahun. home base Medan kiniko sadang di Palembang
------------------------------------------------------------------------
*Fr*
--
.
* Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~
* Isi email, menjadi tanggung jawab pengirim email.
===========================================================
UNTUK DIPERHATIKAN, yang melanggar akan dimoderasi:
* DILARANG:
1. Email besar dari 200KB;
2. Email attachment, tawarkan & kirim melalui jalur pribadi;
3. Email One Liner.
* Anggota WAJIB mematuhi peraturan (lihat di http://goo.gl/MScz7) serta
mengirimkan biodata!
* Tulis Nama, Umur & Lokasi disetiap posting
* Hapus footer & seluruh bagian tdk perlu dlm melakukan reply
* Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
---
Anda menerima pesan ini karena Anda berlangganan grup "RantauNet" dari Grup Google.
Untuk berhenti berlangganan dan berhenti menerima email dari grup ini, kirim
email ke rantaunet+berhenti [email protected] .
Untuk opsi lainnya, kunjungi https://groups.google.com/groups/opt_out.
