Maa Angku Seprinaldi nan bagala Sutan Marajo Mudo, dihadapan Rang Lapau nan Basamo,
Kami jawek salam angku nan lah datang batampak muko dari Rantau Jauah di Nagari Batam tu nan balancik-lancikan jo nagari Kaporo Kandang Singo. Sanang kami mandanga kainginan angku untuak masuak Lapau ko. Mailist Rantaunet ko kami bari julukan Lapau untuak tamek minum kopi katanjo goreng, untuak maota Rang Kampuangjo Rang Rantau nan datang sakali-sakali antah dari maa. Kok ka mancari sanak sudaro nan badakek kampuang bagai, di siko lah tampek batanyo. Nagari Salaraih Aia, kecamatan Palembayan tantuindak jauah dari Alahan Anggang bagai.Ado dunsanak kito disiko. Ado juo nan dari Kayu Pasak tingga di nagari Rajo Romusha tu bana, panah duduakmaota di Lapau ko. Apokoh masih mancangkuang dududak di Suduik kurang jaleh di ambo. Kok takalok baliau buliah pulo dipapeh garam. :) Mampartamukan silaturrahim sarato mamopahareknyo dengannaorma-norma nan samo kito maklumi dan aturan main nan tacantum di bawah tiok postiang. Kami manyarankan kito mamakai Caro Awak, kok dapek dialek asli kampuang awak surang-surang, mampakanakan istilah-istilah di Kampuang awak nan mungkin dunsanak lain di lua banda indak tahu. Cuma ciek nan ambo kanakan ka Angku, Pangalapau ko mancandu, kalau lah talamak maota jo Rang Lapau nan Basamo, iyo batambah angek hati walaupun indak tahu antah dima kito manuncik-nuncik ikua mancik. Salam, --Nyiak Sunguik Sjamsir Sjarif --- In [EMAIL PROTECTED], "Seprinaldi" <[EMAIL PROTECTED]> wrote: > > Assalamualaikum wr.wb. > > Sairing salam takirim doa, kapado sagalo dunsanak nan ado didalam millis ko. Ambo sangaik sanang katiko basobok millis ko katiko mancubo mambuka go-ranah minang. Takana kampuang jo halaman sarato tapian tampek mandi. Takana kawan bagurau samo gadang, kawan mangaji disurau tou, kawan maota dilapau simpang. Tapi kini sairiang jo perjalan hiduik Ambo tingga di Batam mancari sasuaok nasi, bakarajo jadi romusha zaman MERDEKA di salah satu perusahaan Japang. > > Dunsanak... > Izinkan Ambo memperkenalkan diri kapado sagalo dunsanak nan mauni millis nan sangaik rancak ko, tantu dihuni dek urang urang gadang, cadiak pandai, alim ulama dari ranah tacinto Minang Kabau.Namo Ambo Seprinaldi bagala Sutan Marajo Mudo, suku Piliang nan barasa dari kampaung ketek di Nagari Salaraih Aia,kecamatan Palembayan kabupaten Agam. Ambo dilahiakan 33 tahun nan lalu di nagari asa ambo tu.Pendidikan Ambo S3 ( SD,SMP,SMA ) nan alah manyandang Gala MSo, atau bisa dipanjangkan Mantan Sitokar Oto. > > Dunsanak... > Ambo sangaik batarimo kasih kapada penggagas, pendiri dan sagalo urang nan punyo andil didalam mambuek millis ko. Karano sangaik taraso manfaatnyo. Ambo nan masih mudo matah ko sangaik ingin untuak mangarati tantang adat istiadat Minang Kabau. Tapi apo kadayo Awak jauah dirantau, kasia tampek baraja. Disilau guru alah maningga, diliek surau alah runtuah. Mungkin disiko, millis ko lai kaubek nyo. > > Mungkin sakian dulu salam kenal dari Ambo, kalo ado kato nan kurang tapek , nan tasingguang kanaik tagisia katurun, maklum karano umua nan baru satahun jaguang darah nanbaru satampuak pinang. Mohon rila jo maaf tantang itu. > > Salam, > Seprinaldi --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
