>> From: Yantojambak <[email protected]> >> Date: 7 Januari 2013 02:19:31 WIB >> To: RantauNet <[email protected]> >> Subject: [R@ntau-Net] BAKARUAK ARANG >> Reply-To: [email protected] >> >> Bakaruak Arang >> Lah hiruak urang di minang >> Apo lai di rantau urang >> Bak cando rumah tapanggang >> Pakiak jo sorak sabana lantang >> >> Bak labah ta hoyak sarang >> Cando karo kanai jilatang >> Sarupo baruak kanai miang >> Bantuak urang kanai jumalang >> >> Ibarat, umpamo rumah gadang >> Sabagai symbol jo lambang >> Tunggak tuonyo nan baguncang >> Sandinyo bana nan rang goyang >> >> Tapian mandi nan nyo ampang >> Nak manuka cupak jo gantang >> Nak ma urak tanggo jo janjang >> Jalan nan luruih nyo buek simpang >> >> Nyampang disigi jo di siang >> Ibarat urang dalam parang >> Di caliak musuah nan datang >> Patuik kito maraso gamang >> >> Iko karajo bukan sumbarang >> Kok indak bapikie matang matang >> Tantu ka jadi bumerang >> Babaliak awah bak manabang >> >> Kalau bukan pasiek jo dalang >> Atau saketek ba aka kurang >> Tantu pasti ado dalang >> Man sponsori di balakang >> >> Jikok disimak di pandang pandang >> Baliauko bukan urang pandatang >> Bukan bulando bukan doh japang >> Antah turunan rajo angek garang >> >> Nan suko mahariak mabulalang >> Ma hantam tanah mamburansang >> Dalam carito simarantang >> Anggun Nan Tongga Magek Jabang >> >> Urang nan hiduik ndak mamantang >> Mancaliek lai ndak mamandang >> Bahati ciek bajantuang surang >> Gilo ma ambek mambulintang >> >> Atau turunan binatang >> Nan mamakan masak jo matang >> Bakaki ampek ba ikua panjang >> Nan hiduik ndak manenggang >> >> Badan ketek kapalo gadang >> Hiduang kicik talingo kambang >> Muncuang cipeh laweh arang >> Angok busuak baun pianggang >> >> Baru tau kulik jo batang >> Lah paham pulo jo urek tunggang >> Baru manampak daun nan rindang >> Lah tau bana jo bungo kambang >> >> Nan mambuek ragu jo bimbang >> Manuruik carito nan bakambang >> Baliauko indak bajalan surang >> banyak mairiang di balakang >> >> Santano banyak nan manompang >> Ibarat sabuah kapa dagang >> Nakodo mahadang galombang >> Tantu kahancua di hantam karang >> >> Dek ambo hanyo sakadar bayang >> Untuak di ingek jo dikanang >> Baa pasannyo niniek moyang >> Nan sampai kini tangiang ngiang >> >> Untuak nan mudo jo bujang bujang >> Baiak di kampuang di rantau urang >> Cari dunsanak jo induak samang >> Kampuang halaman toloang di tenggang >> >> Bapikiran laweh bajiwa lapang >> Ba alam leba balapang padang >> Jauahkan suduik pandang >> Nak jan picik jiwa bakakang >> >> Musuah jan di hadang >> Kok basuo jan mahilang >> Sakali layie takambang >> Bapantang suruik ka balakang >> >> Adat jo sara’ di kundang kundang >> Bak cando tubuah jo bayang bayang >> Kama sajo ka malayang >> Walau ka tingga di awang awang >> >> Kok basuo aral malintang >> Batu supadan di anjak urang >> Busuangkan dado tagak manggangkang >> Jan takuik darah tabuang >> >> Ibarat gumarang jo si binuang >> Batamu musuah di tambun tulang >> Baiak singo bia baruang >> Sakalipun mungkin inyiak balang >> >> Langkah ampek ka di pasang >> Cabuik karih di pinggang >> Jo suduik mato mamandang >> Urah langkah jo hati tanang >> >> Partamu langkah manyilang >> Ka duo langkah manyimpang >> Katigo langkah ka bulakang >> Ka ampek siap manarajang >> >> Disinan tantu ameh jo loyang >> Nyato kalah jo manang >> Bak cando malam jo siang >> Jaleh tatungkuik manilantang >> >> Jan nyo kakok mangupalang >> Ibarat mamasak kalio randang >> Karambie abih santannyo jalang >> Minyak tandeh samba ta buang >> >> Lah hitam kayu jadi arang >> Lah hanguih kuali dek tapanggang >> Asok di pagu lah manjulang >> Nan tanak tak kunjuang matang >> >> Labiah elok baputiah tulang >> Baputiah mato tabulalang >> Salamaik bana badan pulang >> Apo gunonyo harago diri hilang >> >> Labiah rancak sarawa gadang >> Tapi panuah saku jo uncang >> Dari pado laweh arang >> Kecek manusuak bagai padang >> >> Y. Jambak 06012013. >>
Sent from my iPad -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
