Assalamualaikum Wr Wb, Di Ijazah SD, SMP, jo SMA ambo tacantum tempat kelahiran adolah Tanjung Balik. Di KTP, ambo tulih solok sen. Karano kecek urang kelurahan, namo kabupaten/Kotanyo sajo paralu ditulih.
Ambo lahia disinan kutiko ayah ambo partamo kali batugeh di kecamatan X Koto di Ateh mantun. Urang tuo ambo manapek di rumah Ibu Nia. Seorang Guru SD senior disinan. Ambo sampai kini masih dianggap bagian keluarga besar mereka. Tarakhir ambo sempat bajalan kaki ka Tanjung Balik dari Sawahlunto, via Sibarambang/Talago Gunuang. Kalau naiak motor juo pernah via Kajai dan Lumindai. Batang katialo lah tampek ambo partamo kali mengenal aia. Masih takana juo bamain-main di tapi batang aia tu. Lalu baa oto Tanjuang Harapan atau Paninjauan Jaya marauang-rauang mandaki bukik di Aripan. Mancaliak ka bawah danau singkarak nan mambiru. Atau pemandangan lain kutiko mandaki Tanjuang Alai. Untuak Mak Junaidi, mooh dipabanyak Mak. Ambo indak sempat ka tampek mamak kutiko itu. Banyak kironyo nan harus dikakok di kandang singo tu. Mancaliak email se ndak sempat lai do. Hari minggunyo lah bergerak pulo baliak ka Jakarta. Lain kali lah kito basobok baliak. Nomor rumah jo rute ka katampek mamak, alah ambo catat. Wassalaikum, Mantari/29 ----- Original Message ---- From: hambociek <[EMAIL PROTECTED]> To: [email protected] Sent: Saturday, March 8, 2008 11:52:49 PM Subject: [EMAIL PROTECTED] Tanjuang Balik Ma Angku Junaidi, Angku Zul Amri sarato Rang Lapau nan Basamo, Assalamualaikum warahmatullahi wabarakatuh, Sajak ambo baco kaba baambauan dari Angku Junaidi nan bahaso kawan lamo ambo (kenal 1958) Angku Rusli Dt. Tumanggung alah maningga duo tigobulan nan lalu, pangana ambo jauah malayang ka Tanjuang Balik dan sekitarnyo sambia tamanuang mangucapkan Inna lillahi waina ilaihi raajiun... Ambo cari-cari nomor talipon almarhum nan ambo dapek via info angku Junaidi duo tahun nan lalu namun indak basuo. Kok masih dapek kito talusua nomor talipon tu tolong sampaikan ka jalua paribari ambo. Tarimo kasih banyak labiah dahulu. Manganai Namo Nagari Tanjuang Balik nan diucapkan urang nagari di sinan, iyo bana bak nan tatulih ko, Tanjuang Balik. Variasi "Tanjung Balit" nan tapampang di Kantua Wali Nagari saroman nan tampakdek Angku Zul Amri tu, ambo anggap sebagai korban pen"Cara-Alas"kan kato- kato Minang supayo kadangaran ke"Melayu-melayu"an atau ke"Indonesia- indonesia"an. Korban pen"Cara-Alas"an namo-namo kampuang kito alah banyak kito katangahkan di Lapau ko, saroman nan terakhir dikatangahkan angku Zul Amri. Baliak ka Tanjuang Balik dari kunjuangan tahun 1958. Wakatu ambo bajalan kaki dari Sulik Aia ka Tanjuang Balik arah ka Paninjauan, ambo marasokan di sabalah suok jalan babalik atau malingkuang dan taraso "Tanjuang" atau "Tulang Bukik" nan manjorok atau manjurus ka arah pasa Tanuang Balik di bawah jalan di sabalah kida. Tanjuang ko labiah taraso sasudah ambo mancaliaknyo dari rumah angku Rusli Dt. Tumanggung naiak tulang bukik kiro-kiro 100 meter di ateh pasa tu. Pun labiah jaleh bega-begannyo wakatu ambo turun naiak pai mandi ka sungai ketek di bawah jalan, rasonyo marupokan bagian Sungai atau Batang Kaltialo. Jadi kalau ingin man"Cara-Alus"kan (membahasa Melayu atau Indonesiakan) Tanjuang Balik saharusnyo ditulih "Tanjung Belit" bukan Tanjung Balit, karena kata "balit" (Cara Alas) sendiri tidak kita dapatkan arti dan pemakaiannya baik dalam Bahasa Melayu maupun dalam Bahasa Indonesia. Lucu, pahit, tetapi pengorupsian nama-nama kampuang kito tampaknyo tapaso alah talulua, sabagai kanyataan nan susah dielo baliak, sebagai fait accompli. Dek takana mandi-mandi di Sungai Katialo sarato bajalan malalui Nagari Katialo jo Pakan Satu, ambo takana pantun lokal nan diagaiah Urang Rundo panunjuak jalan kami wakatu itu: Ka ilia ka Pakan Satu, ka mudiak ka Katialo. Lah dapek nan nomor satu, Lah tingga sajo nan nomor duo... Salam, --MakNgah Sjamsir Sjarif --- In [EMAIL PROTECTED], "zul amry piliang" <[EMAIL PROTECTED]> wrote: > > Malin Basa dan Mak Ngah sarato sanak palanta Yth ; > > Bia Mak Ngah nan ditanyo ambo cubo manambahkan sangenek . Ambo pernah > lewat dinagari Tanjuang Balik tu di tahun 2006 karano badakekan jo > nagari Datuak Marah Bangso Sulit Air ( Sulik Aiea ? ) dan dikantua > wali nagari jaleh tatulih namo Tanjung Balit , Tapi manuruik data > yang pernah dikaluakan dek KPU th 2004 tertulis Tanjuang Balik , > antah mano kolah nan batua . Memang banyak nagari di Sumbar nan lah > di Indonesiakan sarupo Kuncia badakekan juo jo Tanjuang Balik kini > lah manjadi Kuncir , baitu juo Sungai Jambua di kab Solok alah > manjadi Sungai Jambur pulo , Indudua lah manjdi Indudur pulo , ciek > lai Bukik Baih kini namo nagaritu lah barubah pulo manjadi Bukik > Bais , ciek lai Padang Sibusuak alah manjadi Padang Sibusuk pulo , > ooyaayaaiii iyo paniang awak dibueknyo namaa kolah nan bana koa aah ?? > > Wassalam : zul amry piliang . > > --- In [EMAIL PROTECTED], jun aidi <malinbasa2003@> wrote: > > > > Nyiak Sunguik di Santo Kuruih > > > > Aa bana namo nagari ko nyiak, Tanjuang Balik, Tanjuang Baliak atau > Tanjung Balit. Lah lamo indak kasinan nyiak. Manuruik urang rumah > ambo Dt Tumanggung alah bapulang ka rahmatullah sekitar 2-3 bulan nan > lalu > > > > wassalam > > > > Junaidi > > nal Message ---- > > From: hambociek <hambociek@> > > To: [email protected] > > Sent: Wednesday, March 5, 2008 3:37:15 PM > > Subject: [EMAIL PROTECTED] Selamat (Prof. RY Perry Burhan) > > > > Tarimo kasih angku Junaidi. Lai acok ka Tanjuang Balik? Lai basuo > jo > > angku Dt Tumanggung di Batawi? > > > > --- In [EMAIL PROTECTED], jun aidi <malinbasa2003@> wrote: > > > > > > Nyiak Sunguik, baliau nan ditangah nan sadang basalaman > > > > > > wassalam > > > > > > Junaidi (42), kandang singo ____________________________________________________________________________________ Be a better friend, newshound, and know-it-all with Yahoo! Mobile. Try it now. http://mobile.yahoo.com/;_ylt=Ahu06i62sR8HDtDypao8Wcj9tAcJ --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
