<https://lh5.googleusercontent.com/-vjqPUj2BFOU/Ut4nYkk4R9I/AAAAAAAAAdw/1NZCtnxBCn0/s1600/1557585_398243830311939_792717795_n.jpg>
*JOKOWI “PANIK”* Dima Jokowi ndak ka panik Di caliek Jakarta sabalik Di mano-mano ayie lah tabik Lah sulik ka manggarik Ayie malimbak dari parik Banjir ma ilie dari bukik Dari tanah mangalancik Di hantam hujan dari langik Hujan labek jo hujan sangik Sampai ka hujan rintik-rintik Satiok datiek satiok minik Datangnyo batirik tirik Dari subuah sampai mugarik Isya sampai matohari tabik Indak dapek mintak ancik Lalok sajo indak talakik Warga mangungsi ba sampik-sampik Nan bapak-bapak lah tasapik Nan induak-induak lah ta himpik Ndak piduli gadang jo kicik Panuah gereja jo musajik Rumah sikola rumah sakik Oto gadang lah ba irik Kok Honda lah naiak rakik Ikolah nan jadi polemik Kadang lah jadi kosumsi politik Ado nan banci jo bingik Mancari cari balek tasingik Dicaliek media elektronik Media koran media ketik Kok di danga bunyi kritik Banyak nan mambari angik Banyak pejabat yang berkelik Mancari ilah mancari ilik Lah sibuk ba polemik Intinyo banyak nan syirik Nan eloknyo bak cando ajik Pakai gincu pakai lipstick Sopan santun dan menarik Walau alasan banyak nan klasik Nan buruaknyo baun cirik Manggonggoang cando gacik Kecek mahunjam cando piarik Kasalahan urang ba ungkik-ungkik Nyampang di sigi di salidik Iko persoalan lah kaik bakaik Lah senjang kamari sulik Diam salah, babuekpun rumik Ibarat badan lah rangkik-rangkik Nyampang di cari sumber panyakik Dima bana urek takilik Nan salah iyak salah anggik Kalau di hituang jo matematik Dicaliek koma di pandang titik Dek ulah pejabat mambohongi publik Sibuk mangapik daun kunyik Nyatonyo lah salah trik jo taktik Salah banang bak manjaik Salah kabek bak malilik Salah satunyo kok di bangkik Jakarta nyato samakin sampik Lahan kosoang makin sakitik Oto banyak jalan kicik Bakaluakan juo dari pabirik Iko dek ulah politik Main kijok jo mato sipik Dek lai banyak nan masuak sumpik Bialah urang ndak manyabik Alasanyo baniat baik Ekonomi nak malanjik Subsidi nan nyo tarik Lah naik harago solar jo premix Samakin tinggi bayie listrik Sarato biaya rumah sakik Panyakik sambuah ubek sarik Ndak ado lai nan generik Lah banyak dokter salah suntik Sakik tangan nyo ubek tumik Salah tulih salah ketik Salah resep di apotik Lah nyato batuak mancicik Harusnyo pakai komix Nyo barikan balpirik Akhianyo paluah nan mangaricik Kalau lah pejabat lupo Sang Khaliq Ndak lai ado amanah jo siddiq Nan ado hanyo pidato jo tabliq Sakadar ba koar-koar di mik Rakyat ndak lai tau jo wirik Lupo sumbayang lupo jo ratik Lah acok ka dukun rajin ka klenik Lah abih sopan jo taratik Ndak akan pernah Indonesia bangkik By.Y.Jambak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
