Kanda Maturidi dan adidunsanak di Palanta RN nah, Ass wr wb, Maaf agak talaik dek banyak kojo mah ko, baru buka baliak kompor ambo Kalau ambo tangkok nan diminta dek sanak awak wannofri ko adolah prolog dan epilog Gestapu ( G 30 S/PKI ), yang kaitan nyo jo organisasi Pemuda Rakyat ( singkatannya PR bukan OPR ) underbouw PKI termasuk Gerwani, dsb, bukan OPR ( organisasi Perlawanan Rakyat yang ado di jaman PRRI yang dibantuak dek APRI sebagai kaki tangan nyo mahadapi parang malawan PRRI.
Memang kenyataan nyo di banyak Nagari, nan bakeh OPR ko jadi Pemuda Rakyat dan inyo pulo jadi algojo untuak menindas dan menghabisi lawan politiknyo, urang gaek-gaek nan indak pandai mabaco jo manulih pun nyo pamasuak an kadalam ormas GERWANI, dengan dalih kadapek kupon pambagian sagalo perai atau murah Kalau buliah kito buek episode nyo, episode PRRI tu dari tahun 1957 - 1962, dan sasudah PRRI kembali ke pangkuan RI tahun 1962 sampai tahun 1965 prolog menjelang malatuih nyo G 30 S, sasudah September 1965 gestapu malatuih sampai tahun tahun 1968 pasca G 30 S, dan sasudah itu baru masuak ORDE BARU Kalau bacarito kekejaman OPR ( bukan Pemuda Rakyat ), memang lua biaso, karano OPR adolah warga kampuang itu, jadi tahu sadonyo sia nan punyo sanak sudaro di rimbo dan sia nan indak punyo, inyo lah nan jadi tukang tunjuak ka tentara APRI, sahinggo tajadi pembantaian, pembunuhan, penyiksaan dan sebagai nyo terhadap sanak sudaro dari urang nan ado dirimbo atau keluarga nyo ado nan jadi tentara PRRI atau sekarelawan sarupo anak sikolah SMP/SMA nan ikuik lari karimbo. Basaratoan pulo ado nan malapehkan dandam, bisa sajo urang nan indak ado dunsanak nyo di rimbo difitnah dan dijadikan korban. Bagi tentara APRI tantu apo nan dikatokan tukang tunjuak ( OPR ) ko adolah Valid dan di eksekusi sasuai hukum parang. Pangalaman ambo ukatu tahun 1957 - 1958 ambo tingga di Taluak Bayua, awal bulan April 1958 tu taluak bayua dikosongkan, karano kapa parang lah banyak dipantai Padang ka mandarat, urang gaek ambo mangungsi nyo baok ambo ka kampuang di Muaro Panjalinan - Tabiang, tiok hari kami pai ka parak karambia nenek ambo mancaliek lah baririk kapa parang dilauik, sampai tanggal 15 april 1958, sudah tu kami mangungsi pulo ka lubuak alung, bamalam samalam di lubuak aluang, taruih ka kayu tanam, hari tu tanggal 17 April 1958 kapa tabang lah malayok-layok diateh bandara tabiang, dan dilauik pantai padang, untuk melindungi pendaratan tentara. Tanggal 18 April kami taruih mangungsi ka padang panjang, dan di ateh garobak kureta api kami tingga labiah sabulan lamonyo sampai tentara APRI mamasuki kota Padang Panjang. Sasudah aman, kami baliak ka Padang, dan tahun 1958 - 1959 ambo tingga di Pariaman, banyak pulo pengalaman ambo salamo di Pariaman ko. Kalau kureta api dari Lubuak alung ka Pariaman singgah di Pauh kamba ado kalanyo stasiun tu dikuasai dek tentara PRRI, ado kalanyo dikuasai dek tentara APRI, baragam kurenah tantara tu tahadok rakyaik nan ado diateh kureta tu, kalau nyo curigai langsung nyo jujuik turun dari kureta nyo baok pai. Suatu hari ado penyerangan ka stasiun Kurai taji, ukatu tu yang ado didalam stasiun namonyo pak Dullah dan dikenal urang nyo anggota ormas PKI, dek nan manyarang adolah tentara PRRI, nyo badia sadonyo nan ado dalam stasiun kurai taji tu, dan jo kureta api sore dibao maik nyo ka Pariaman, bagulimpangan maik diateh kureta tibo di Pariaman. Suatu hari ado pulo info tentara PRRI ado di Pulau nan dimuko pasia pariaman, lah nyo badia pulo pakai 12,7 dari sabalah stasiun KA Pariaman tu ado 5 buah tank waja manembak an palurunyo ka pulau tu Tahun 1959 ambo pindah pulo ka Sawah Lunto sampai tahun 1962. Untuak barangkek dari padang ka sawah lunto tu ambo naik oto ambulans, nan urang gaek ambo pakai oto parang nyo APRI basabuah jo tantara, lamo kami manunggu info di lubuk silasih karano jalan indak aman ado gangguan tantara PRRI, lah magrib baru sampai di solok, bamalam pulo di solok, bisuak pagi sasudah dapek kaba aman dari sungai lasi baru pulo bajalan rombongan tu ka sawah lunto Sampai akhirnyo tahun 1962 PRRI kembali kepangkuan NKRI, info nyo tentara ka dijapuik jo kureta api di Muaro - sijunjuang, lah tagak pulo kureta jo daresi untuak mambaok tentara nan ka baliak tu, tapi akhir nyo indak ado nan kalua dari Muaro sijunjuang tu, sahinggo kureta api babaliak kosong ka sawah lunto Iko mungkin ado kaitannyo nyo pembantaian Kol DD, sahinggo tantara PRRI dan sukarelawan nyo nan dari rimbo takuik kalua sacaro basamo-samo tu Sakitu dulu dari ambo, talabiah takurang mengenai OPR dan kekejaman nyo indak langkok bana, nan jaleh bana kekejaman OPR tu di Sungai Sariak, dan itu lah jadi rahasio umu kutiko tu Wass wr wbang/Guci/65-snek/Tangsel CDRSazmpono/Tabi 2014/1/21 Maturidi Donsan <[email protected]> > *السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ* > > > Chairul Djamal (CDRSampono), kd Saaf, sanak Anwardjambak, AI dan Rina di > palanta n. a h . > > > > Tarimo kasih ateh panjalasan dd CDRsampono alah mambarikan panjang lebar > ”maluruihkan”. > > Kini ko kabatulan ado permintaan dari nakan kito Wannofri ambo tulis ulang > permintaan tersebut: > > > > ” Yth Bpk/Mamak /Ibu dan peserta rantau net. > > Untuak sekedar mengetahui lebih jauah, Ado ndak anggota rantau net nan > tahu atau mengalami berhubungan dengan Organisasi Pemuda Rakyat sebelum > tahun 1965? Baa aktivitas dan posisinya kala itu? Sebab secaro umum didanga > OPR ko tamasuak nan kejam dan pro Komunis. Baa rekrutmen nyo,Apokah OPR ko > digaji bulanan atau baa? > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
