wew yo..sabana lengkap dan rinci penjelasan Mak Tan Ameh..sprtnyo alah pernah manjadi katua KPPS....
ambo dua kali jadi katua KPPS pilkada padang kapatangko, tantu lai ndak sarumit pileg bisuak ko, nan katua ko...yo barek di tanggung jawab, banyak jadwal rapek2, sarato tando tangan yg wajib ado di satiok kartu suara, alun lai tando tangan dan manulih data pemilih utk surek undangan (c6), namun dek karajo lai babagi, proses penghitungan di tps kami ndak sampai 2 jam salasai, krn tingkat pemilih selalu dibawah 300 org....... kami salalu nan patamo salasai dan indak ado kesalahan dipencatatan administrasi di kelurahan. Alhamdulillah utk pileg ko, ambo ndak sato di KPPS, lah tabayang bareknyo karajo sarupo nan dijalehkan tuh. ambo maanggap iko sebagai karajo sosial sajo, sahinggo ndak tapek klu kito bandingkan jo honor nan ditarimo, namun, nan pasti tugas ko...baban barek dan resikonyo sangek barek, bisa2 sampai ka pengadilan bagai.... ado carito nan menarik waktu pilkada padang putaran pertamo, sewaktu pasangan michel menggugat, pasangan deje juga ada. maka ketua tps yg dianggap ditempatnya bermasalah diundang ke MK di jkt sbg saksi. kebetulan ditampek ambo ko, notabene org kampuang dan jarang pai ka jkt, apolai pake pesawat, maka taraso baruntuang jiko di tpsnyo bamasalah, alah ka jkt, naik pesawat, nginap di hotel..dapek pulo uang saku....., namun tragis utk saksi Deje pada putaran kaduo kapatangko, kabarnya saksi yg diundang ke jkt, pergi naik pesawat...pulangnyo naik bus. sekedar share sajo mak... On Saturday, April 5, 2014 1:37:26 PM UTC+7, RantauNet wrote: > > Dalam satiok pemilu, pilpres atau pilkada ado KPPS, Kelompok Penyelenggara > Pemungutan Suara nan tampaik no disebut TPS, Tempat Pemungutan Suara. > > KPPS ko adolah bagan dari KPU nan paliang bawah setelah KPU Pusat, KPU > Provinsi, KPU Kabupaten/Kotamadia, PPK tingkat kecamatan dan PPS tingkat > kelurahan, tapi disiko lah puncak proses demokrasi itu bajalan. > > > > Di TPS yang dikelola oleh 7 urang petugas KPPS ko lah proses demokrasi nan > sabana no bajalan. > > Beberapa hari sabalun hari H, petugas KPPS manulih, tando tangan dan > mambagikan udangan ka pemilih nan lah terdaftar di DPT untuak di TPS ybs, > mamasang petunjuk caro2 mamiliah, mamasang daftar pemilih, daftar calon > DPR, DPD, DPRD 1 dan DPRD 2 supayo pemilih bisa mancaliak sia2 se caleg di > dapil mereka dan ma nimang2 sia nan ka dipiliah. > > > > Sahari sabalun hari H, petugas KPPS manyiapkan TPS barupo tenda, meja, > kursi, pambateh dll. Maambiak kelengkapan untuak pemilihan barupo, kotak > suaro, karate suaro, formulir2 isian untuak hasil pemilihan dll, mambuek > pengamanan supayo kelengkapan tadi indak ado nan ilang. > > > > Pada hari H, hari demokrasi, petugas KPPS ko lah siap di TPS di jam nan > lah di tantukan yaitu jam 7 pagi, kalau lah ado pemilih nan datang, baru > TPS bisa di bukak jo mengucapkan sumpah petugas, maagiah petunjuk baa caro > mamiliah ka pemilih, mabukak kotak suaro nan isi no ado karate suaro, > amplop2, formulir2, kelengkapan administrasi nan sado no harus di etong dan > di catat di dalam formulir isian. > > Formulir isian ko nan sadang elok banyak no, masiang2 kotak ado C1 17 > rangkap, C2 20 rangkap, C3 10 rangkap, ado pulo C4, C5, C6. > > > > Setelah jumlah surek suaro di etong dan di umumkan, kotak2 nan kosong lah > bakunci, mulai lah pemilihan. Surek suaro ko ado pulo isian no, Kecamatan. > Kelurahan, no TPS dan tando tangan ketua KPPS. Jo jumlah pamiliah nan > datang sekitar 400 mako total surek suaro nan harus ditulih jo di tando > tangani ado 1600 surek suaro!!, basitungkin lah urang2 tu manulih jo tando > tangan dari jam 7 pagi sampai jam 1 siang., makan siang jo shalat lohor pun > harus bagantian dek TPS indak buliah ditingga kan. > > > > Jam 1 siang proses pemilihan salasai dan lansuang ka tahap ma etong hasil > pemilihan. > > 1. Etong dulu pemilih terdaftar nan datang mamiliah, padusi dan laki2 di > etong masiang2. > > 2. Jumlah kan pemilih indak dalam DPT tapi datang untuak mamiliah, DPKt. > > 3. Etong karate suaro siso untuak masing2 kotak. > > 4. Etong karate suaro rusak, salah colok untuak masing2 kotak. > > Rekap sado etongan ka formulir C1, > > > > Ma etong suaro, > > 1. Bukak kunci kotak suaro partamo, DPR. > > 2. Etong jumlah karateh suaro dalam kotak, jumlah no harus cocok jo > karateh suaro ditarimo dikurangi nan rusak jo salah cucuak. > > 3. Mulai proses maetong suaro, satu persatu surek suaro di bukak, > dilindik nanma nan di coblos, di caliak kan ka saksi jo pengawas, lalu > disorak kan, nomor urut sekian partai anu atau bisa juo partai sajo (total > 12 partai dan masiang2 calon sabanyak kurisi dapil ybs.) > > 4. Ado petugas tukang catat perolehan suaro tadi di kolom calon > atau partai di formulir C1 Plano gadang nan di tempelkan. > > 5. Salasai mambukak sado karate suaro, jumlah kan hasil masing2 > calon atau partai, lalu jumlah kan pulo hasil total nan didapek partai. > > 6. Jumlah kan pulo suaro sado partai jo suaro indak sah, dan hasil > no harus no harus samo jo jumlah karate suaro nan dari kotak suaro tadi. > Kalau indak samo pareso dima salah no, bisa salah catat, salah manjumlah > kan, bisa2pulo harus di etong ulang dari awal dari pado eboh. > > 7. Kalau lah sasuai, masing2 anggota KPPS dan saksi2 tulih namo > dan tando tangan. > > 8. Hasil ko di pindahkan ka formulir C1 nan 17 rangkap tadi, isian > no Kota madia, kecamatan, kelurahan, No TPS, dan sado urutan dari No 2 > sampai 5 diateh. 17 rangkap, tulis tangan dan masiang2 anggota KPPS dan > saksi tando tangan pulo. > > 9. Formulir2 cako, masiang2 karateh suaro, sah, salah coblos, rusak > atau siso harus pulo di masuak kan ka masiang2 amplop nan di sadiokan, di > segel dan dimasuak kan ka kotak suaro, di kunci dan di segel pulo sasuai > jo petunjuk dari KPU dan diantakan ka PPS tingkat kelurahan. > > 10. Ado formulir C1 nan di bagikan ka saksi2 dan ado pulo nan di > tempelkan di TPS supayo bisa dicaliak masyarakat sekitar. > > > > Proses maetong ciek kotak ko bisa makan waktu 2 sampai 4 jam, tagantuang > kecepatan, kecermatan dan mangarati no petugas2 TPS tu. > > Kalau 4 kotak yo tingga kalikan bara waktu di butuhkan, di tambah pulo > badan lah mulai latiah, konsentrasi mulai pulo bakurang. Di saat itulah > rawan no tajadi kesalahan2, apo lai ari lah baranjak malam, kantuak lah > tibo pulo. > > Ado TPS nan tangkas bisa salasai jam 8 malam, ado nan nan jam 10, malah > ado pulo nan lah subuah alun juo salasai. > > > > Rato2 anggota KPPS ko adolah urang2 di lingkungan TPS nan amuah ma urus > karajo bantuak itu, urang2 nan pandaidi lingkungan tu biaso no manulak > dek tau barek no karajo dan ado pulo resiko ka di protes urang suok kida, > apo lai kalau lah tabayang karajo non stop salamo 16 jam, tando tangan > ampia 2000 kali, isian2 formulir nan sangaik banyak, salah2 mangarajokan > bisa ka pinjaro pulo badan tu. > > Memang ado insentif no tapi rato2 TPS tu tekor untuak mambaia tenda, > meja2, kursi2 dll. Ado uang makan 20 rb tantu indak cukuk pulo untuak duo > atau tigo kali makan, snack, kopi jo teh no. > > Akhir no jo kapasitas urang2 nan amuah tu dan di tambah pulo ampia indak > ado no bimbingan teknis dari KPU lah bisa di bayangkan pulo baa hasil no, > banyak kesalahan2 nan tajadi. > > > > > > Wassalam > > Tan Ameh > > > > > > > > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout.
