Pak Yanto Jambak, Luar biasooo, salut ambo, izin ambo simpan yo, Mokasih pak Yanto, Salam, Elthaf
Sent from my BlackBerry® powered by Sinyal Kuat INDOSAT -----Original Message----- From: yanto jambak <[email protected]> Sender: [email protected] Date: Thu, 17 Apr 2014 00:50:14 To: RantauNet<[email protected]> Reply-To: [email protected] Subject: [R@ntau-Net] TAGURAJAI TAGURAJAI Pemilihan umum kinilah usai, hitungan suaro lah salasai, pamilihan lansuang nan bapakai. Jikok dicaliak jo di intai, nyampang di kambang di kirai-kirai, dek mansiro kurang jurai, akhianyo kayam salah tambai, lapiek sudah ragi baginjai, motif dapek ragi batikai, maladuang tibo di lantai,baa lah urang ka mamakai. Ibarat salah manyamai, salah dek bijo kurang sangai, kurang ayak kurang ragai, ditanam jaguang tumbuah anjalai, ditanam lansek tumbuah rambai, Kaba carito kok di urai, banyak kisah ba bagai bagai, ado galak nan badarai, mukasuik hati dek lah sampai, banyak juo nan manyaringai, dek ulah kakok tabangkalai. Salah satunyo kawan denai, mangaku urang cadiek pandai, sabuik sajo namo Karapai, apak siak mamaknyo labay, nenek haji angkunyo kiay. Kampuang ndak usah di paberai, antah di canduang batu balantai, antah di labuang labuah pantai, antah di sabuah balai, sungai janieh sungai landai, antah di lawang tigo balai. Suku ndak guno kito kurasai, nan jaleh pernah tingga di kurai, dek apaknyo jadi tukang bantai, mandeh juragan karupuak sanjai, manjua ajik jo kalamai. Dulu Karapai di Manggarai, sabalun manggaleh di Melawai, sempat karajo di hailay, restoran cino shanghai, manjua mie jo capcay, kawan si apek jo si acay. Antah dek baparangai, atau dek kurang lihay, akhianyo takirai, pulang kampuang baliek ka kurai, di cubo mambuka kadai, manggaleh bihun jo puyunghay, sarato martabak Bombay, langkok jo lamang tapai, di panorama ateh ngarai, tapi kalah jo pical si Kai, kontrak abih garobak nyo kisai. Dek main acok di balai, acok duduak di balai-balai, karajo gilo bajuntai, sapanjang hari mabuak ba santai, ka ranggaek gilo manyalai, kok bini gilo bakasai, sakali haram mamacik sepai, apo lai masak jo manggulai. Dek ma ota santiang bacarito pandai, jo kaji apa jo hadist piawai, dek kawan nyo jujai-jujai, kama pai batanai-tanai, di angkek ketua rantiang partai.lambangnyo padi jo rantai. Dek santiang bumbu tukang gulai, daun kunyik bacampua sarai, daun bawang daun kucai, lah jaleh jariang jo patai, labieh bak cando gulai bantai, hati lakek pandangan kanai,jadi lah caleg nan ba intai. Si Karapai lah mabuak jo andai, nyampang tapilieh jo tapakai,tabayang Tahiti jo Hawai, lah tampak Bangkok jo Muangthai, lah raso tibo badan di Brunai, biasonyo dewan pai santai. Lah sibuk Karapai bapawai, lambang atribut babagai bagai, ba puta-puta satiok balai, bunyi sorak badarai-darai, lah bak cando anak randai. Oto basewo nan bapakai, galang bini nan ba ungkai, sawah pusako nan bagadai, babayiekan urang sakadai, pai makan ka lambah anai, pai rapek ka hotel denai. Tapi dek awak salah gagai, ndak kakok nan ba awai, kurang serai kurang berai, kurang curah kurang curai, katiko salah manyamai, tantu pasti salah tuai. Alek sudah galanggang usai, di hituang suaro nan tapakai, lah jauah bana batikai, di urang labek di awak rinai, ibarat jaguang jo anjalai, umpamo simantuang jo rambai,di urang masak di awak kalakai. Kinilah cando urang kanai, gilo malatiang-latiangan kajai, gilo mamatiek matiek dawai, kok di caliek caro bapakai, cawek lakek sarawa ba ungkai, antah kubu antah rang sakai, lah bak cando di mentawai. Dulu suaro cando murai, bulu bakilek cando punai, kinilah cando suaro simpai, kulik lah bantuak madang sirai, abuak kusuik lah tagerai. Kok bajalan ta gunta guntai, lah lamah sandi lah layuah tungkai, tagak sajo lah bakayai, bantuak urang kanai sewai. Bini nan dulu bantuak si sabai, nan bajalan si ganjua lalai, kinilah mintak carai, laku lah cando jablay, lah bantuak anai-anai, mancari lampu ka basangai. Mancari urang ka manggemai, sia sajo lah ma awai, dek kurang urus kurang abai, kurang elus kurang belai, anak lah baserak serai, langkah lah ba petai-petai, lah bantuak amai-amai… Ikolah contoh nan korban partai,rancak manjadi urang pandai, tapi bukan ma mandai-mandai, urang mancaliek sato pasai. Semoga indak ma ambua-i ngarai, aja tibo umua sampai, tantu ka sato pulo kito marenai. Amiiiiin….amiiiiiin…Yaa rabbal alamiiin…semoga.. Y.Jambak. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout.
