Assalammualaikum w.w. Ambo punyo dusanak warga negara Arab, lahia di Arab. Bapaknyo Arab mandenyo Minang. Karajo sebagai police negara nyo. Wakatu beliua datang ka Ranah Minang, dek awak lai tetap dianggap urang Minang. Bahasonyo lai bisa bahaso Minang logat Arab. Di pandang dari hukum internasional dan hukum negara lah jaleh beliau ko urang Arab. Beliau ko mampasuntiang pulo gadih Minang. Anaknyo tetap juo warga negara arab nan ba suku Minang. Untuak anaknyo nan padusi secaro hukum mandapek warisan dari bapaknyo dan dari mandenyo namun nan jadi masalah, beliau urang Minang Nan indak pernah bisa menikmati hak warisnyo sebagai urang Minang. Bagi mereka kelihatannyo jadi masalah benar, punyo warisan dan indak dapek menikmati. Ambo sendiri marasokan juo, urang gaek ambo maajan tuah, "Indak tapijak tanah urang do" namun ambo sendiri gadang di rumah bako, karano urang dari keluarga urang gaek ambo talalu sibuk batangka urusan harato pusako tinggi. Ambo bapandapek Hukum waris secaro adatko ala menguras tanago nan indak abih-abihnyo dan salah satu kasus nan lah banyak malahiakan urang Minang nan bodoh, miskin, pamaleh pangicuah pulo. Mohon pencerahan bahwa Hukum waris secara adat Minang manuruik pandapek ambo ternyato "memberikan kesempatan yang sangat luas untuk bersengketa".
Ambo juo punyo kawan WNI keturunan Arab, karajo sebagai Pegawai Negeri Sipil (Indonesia). Katonyo sudah generasi kaduo, namun mereka masih mandapek jatah dari Kerajaan Arab Saudi sacaro rutin rutin. Katanyo iko sebagai pengakuan dari kerajaan Arab bahasonyo inyo adolah Urang Arab. Nan dapek ambo cigok hanyo jaleh dari pemerintah Arabsaudi. Ambo yo ndak tau mangarati pulo masalah iko, kalau bantuak besiswa ndak mungkin karano sudah dewasa, lah bakarajo sebagai PNS, pengasilan cukuik. Nan bantuak iko ndak ciek duo sajo. Mereka tidak tahu, tapi menikmati. Jadi hak waris manuruik adat Minangko sangek bapotensi mambuek urang badusanak bamusuhan. Manuruik ambo dimaso kiniko bisa dietong urang Minang nan akur-akur sajo badunsanak. Iko pandapek nan ambo kiro-kiro sajo. ndan manuruik statistik pulo do. Banyak nan mangatokan bahasonyo harato pusako tinggi indak dibagi, ndak biasa dijua kecuali katirihan, nak gadih gadang ......? aratinyo masih bisa dijua. dan dalam kanyatoannyo haratoko dibagi namun caro mambaginyo nan ambo tau dari pihak padusi di wasiatkan ado nan tatulih ado nan indak, kalau bagian nan laki darabuik dusanaknyo sa tau ambo hanyo musyawarah keluarga sajo. Kalau bagian ambo jo adiak-adiak ambo nan lah mangungsi anta ba'a pulo rang di kampuang mambaginyo ndak lo tau ambo do. Jadi punyo warisan tapi ndak dapek manikmati. Kami kalau pulang kampuang bantuak urang manumpang sajo. Ambo pikia banyak bana nan sarupo iko. Sajalan jo tautziah buya HMA nan sangek janiah, bahsonyo urang Minang ba-nasab ka bapak dan ba-suku ka ibu. ambo punyo pandapek. Nan basuku tu kan badan sajonyo, harato ndak ado sukunyo. Pandapek ibu Rahima bahasonyo jaleh "hukum waris sacaro adatko bertentangan jo Islam" "Badan lai badunsanak, tapi harato, pitih ndak badusanak do mak. Jadi sabaiknyo hukum waris sacaro adatko dari mamak turun ka kamanakan cukuik lah "sako" barikuik jo sawah pambao gala sajo, nan lain diatur sasuai jo hukum farad nan sasuai ajaran ugamo kito". Ambo yo lai nak pernah malawan ka mamak urusan harato pusako do. tapi ndak bisa dipungkiri pulo. bagian awak diguluang sajo dek dunsanak awak. muluik sajo nan bakurelahan namun ati ketek mangatokan kalau dapek dipakai untuak manaruko ditampek lain kan rancak juo. Alam takambang jadi guru paralu di kaji, jan jadi petitih sajo. Alam maso saisuak beda jo alam maso kini. jadi harus ado pambaharuan. Kito pilah maa nan paralu dilestarikan, maa nan paralu disesuaikan dan maa nan harus ditinggakan. Wassalam, Zulidamel. ----- Original Message ----- From: Dr.Saafroedin BAHAR To: [email protected] Cc: Edy UTAMA ; MH Bachtiar Abna SH ; Dra. Adriyetti AMIR, SU ; H. Mas'oed ABIDIN Sent: Saturday, March 15, 2008 9:40 AM Subject: [EMAIL PROTECTED] Re: DIM 39: SIAPAKAH ORANG MINANGKABAU ? Re: >>> Urang Minangkabau .......Bagi mereka sih kelihatannya tak jadi soal benar. Mereka lahir dan besar di Jakarta, dan lebih merasa sebagai orang Indonesia. ....... --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
