SALAH si A ko........ Banyak carito salah sangko Salah caliak salah cando Itulah bukti nan nyato Mato kito bisa baduto
Kini carito salah tarimo Saroman balain rupo Salah ijo salah baco Lah salah pulo maknanyo Carito tantang anak mudo Nan capek angguak lakeh ma iyo Baa urang ka sanang sajo Kadang ndak jaleh kama arahnyo Nadak piduli jantan batino Gadang ketek ampie samo Tadanga lai tangaran tido Bantuak indak batalingo Kadang dek kito urang tuo Indak pulo ba rasio Talampau sajo picayo Ka kuciang basarahkan maco Kambiang ba titip ka buayo Bakandangkan jawi jo singo Lah jaleh anak IQ nyo limo Di bawah nan lain rato-rato Di suatu hari suatu sanjo Patang sabtu kato rang tuo Malam minggu kato nak mudo Malam wakuncar basuko suko Bapasan gaek ka anak gadihnyo Kok tibo pacar kau beko Hati-hati baduo-duo Ado nan paralu di jago Jan sampai kau di hino Jago tubuah jo anggoto Kok sampai kau di panga-pangakannyo Itu penghinaan ka kaluarga kito Ma ota jan lamo-lamo Beko syetan sato pulo Mama kau lah lalok sanjo Ayah kalua ka pai rundo Anak ma angguak-angguak an kapalo Lah paham bana mukasuik ayahnyo Labiah baiak mahino daripado tahino Martabat keluarga harus di jago Singkek kaba singkek carito Ndak doh lamo antaronyo Lah datang pacar si romeo Apel malam minggu caritonyo Lah saliang batagua sapo Lah kalua kopi kurang gulo Lah duduak rapek bantuak di oto Sambie mononton video Lah bacarito ma leo-leo Sampai ka japang jo Tokyo Maso depan nan babaco Tapi lamo kalamo Si Romeo muloi salah cando Pacik tangan pindah ka pao Dari pao nak ka dado Lah nak ma adu muko jo muko Si gadih takana pasan rang tuo Tangiang - ngiang pitaruah cako Dalam hatinyo ma ijo-ijo Labieh baiak mahino dari pado tahino Lansuangnyo tagak tabik rabo Jan aden aden Ang ago-ago Bukak baju ang kiniko Kok indak, Ang den paso Keluarga den ka Ang hino Ang kiro den suko manarimo Kini Ang tau raso Den agiah malu keluarga Ang ko Si romeo tangango-ngango Bantuak urang dapek julo-julo Si gadih lah sibuk bakarajo Si Romeo di perkosanyo Indak doh ba lamo-lamo Lah salasai kasadonyo Jo kaki pajako nyo tundo Nyo usie kalua tamporo Sambie baturo-turo Samantang-mantang urang kayo Aden keluarga ndak punyo Nan kalamak dek Ang sajo Lah pulang bapaknyo pukua duo Si anak masih mancaraco Langsuang si ayah batanyo Baa pacaran kau cako...?? Si anak bangga manapuak dado Pasan ayah ndak doh lupo Baru sajo paja tu tibo Lah lain bana galagatnyo Langsuang sajo den tarabo Den tilanjangi kasadonyo Den agiah malu di barando Sampai tagak pun ndak takao Mandanga carito anaknyo Ayahnyo langsuang tangango Kurang oksigen kurang udaro Jantuang kambuh asma taraso Ondeeeeee anak den lah boco Salah pasan salah tarimo Ndak ba itu mukasuik den doooooooo..... Sambie maragang nyawo........... Iko hanyo sabuah carito Kadang sulik dipicayo Sasungguahnyo nan bantuak iko Acok tajadi sabananyo Kaslahan urang tuo Mambari peluang ka nan mudo Kurang bateh jo hinggo Akhienyo tasuo cilako.... Y.Jambak... Suka<https://www.facebook.com/groups/Ciloteh.Piaman/478220525645680/?comment_id=478228098978256¬if_t=group_comment#> ยท -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout.
