Pak MN n.a.h basarato komunitas r@ntaunet n.a.c.
Di bawah ko, ambo kutib sabagian dari "prosa liris" nan Pak MN palewakan malalui palanta RN ko. Kali ko ambo manyabuik tulisan Pak MN nan salamo ko panuah diisi jo data dan fakta nan indak dapek dibantah, mako hari ko ambo liek ---tak labiah--- dari sabantuak ranuangan atau monolog surang pandeka nan alah naiak gunuang masuak guo. *"......Jumlah yang tidak sampai lima persen dari keseluruhan penduduk, dan tidak pula berurat di tanah air pusaka Bunda ini, yang hidupnya selalu menyendiri berkelompok sesama mereka di kota-kota, menguasai 90-an persen dari kekayaan bumi Indonesia ini, di darat, laut dan udara, dari hulu sampai ke muara, di semua bidang apapun. Sebutlah..., mereka semua yang menguasainya....."* Sabagai salah surang sosiolog di nagari ---kumpulan kaum bedebah ko--- sabana labiah rancak kalau Pak (Prof) Dr. Mochtar Naim manulih ciek tulisan panjang saputa topik nan ado dalam "prosa liris" di ateh, kamudian disarahkan ka LIPI dan dibagikan pulo ka Prabowo-Hatta dan Jokowie-Kalla sabagai masukan. Paliang tidak, sabagai rayaik badarai (kini) Pak MN alah bakontribusi buek pamacik amanah nagari zamrud di khatulistiwa ko untuak ijan malupokan (atau purak-purak lupo) ka kurenah bangso nan mamacik ekonomi di Asia Raya ko. Di Filipina, malah salah surang Presidennyo adolah katurunan wanyo pulo. Dan, di nagari awak ko bisuak atau sabanta lai atau nantik ---pasti--- bangso nan manguasoi 90% ekonomi di Tanah Aia awak ko ka manjadi "urang nomor satu" pulo di nagari awak. Tanyo ambo nan sabana patuik Pak MN jawaok sabagai sorang sosiolog (tmt 1975 : PhD dari University of Singapore) adolah : "Apokoh kasadonyo urang nan barasa dari suku bangso nan mangausaoi 90% ekonomi awak "---saroman ---nan Pak MN monologkan dalam prosa liris bajudul SEJAUH INI msti awak curigai taruih wanyo tu ka mambaok awak ka narako sansaro badan? Kalau buliah ambo manyabuik babarapo namo, misalnyo Kwiek Kian Gie ---nan hiduik matinyo manuruik kaco mato ambo Si m.m--- demi kejayaan ekonomi kerakyatan, apokoh dapek awak samokan baliau jo Liem Siu Liong, atau Robby Tjahyadi atau garombolan nan mangguangguang pitih BLBI Rp 615 trilun (di zaman Orba dulu) nan kasadonyo adolah WNI katurunan nagarinyo Mao Zedong??? Sampai datiak ko, ambo bakonco palangkin jo salah surang Ustadz (Alifudin El Islami) tingga di Buaaran Indah, Jakarta Timur, nan induak ayahnyo sakampuang jo ranah Zhao Ziyang atau Li Peng. Apokoh karano asa usuanyo nan dari kampuangnyo Oom Liem tu ambo musti mambanci Ustadz Alifudin ko, Pak MN? Tipih bana rasonyo pargaulan awak tu Pak (Prof) Doktor. Dan...., kalau ambo taruihan ka suduik-suduik SARA lainnyo, sampailah awak ka ujuang (sasaran ?) prosa liris Pak MN ko. Apokoh ambo basarato keluarga besar ambo (bahkan 133 dunsanak ambo dari klan Koto Datuak Tumangguang di Jabodatabek, nan alah ambo arahkan mamiliah Capres No.1...!!!!) musti mambatakan pilihan ambo ko, karano nan ka kami piliah tu asa usuanyo (Inyiak dari wanyo) dilahiakan di sabuah kampuang nan indak jauah dari subaliak tembok "Great Wall of *China???? * Sabana indak mangarati ambo, di ma batas (manuruik Pak MN ) urang nan barasa dari bangso 90% manguasoi ekonomi awak tu, bisa wanyo kito angggap manjadi bangso Indonesia asli? Agamo nan ambo picayoi sapanuah hati, maaja an bake ambo, untuak "Bencilah sekedarnya orang yang kau benci, karena suatu ketika ia mungkin akan menjadi temanmu" (Ali bin Abithaib). Dan, sapanjang nan babuek jaek tu adolah personal/ pribadi meski mayoritas pelakunyo adolah wanyo kasadonyo, apokoh musti awak mambanci taruih urang-urang nan "sapasukuan" dan "saasa usua" jo urang-urang nan mamacik 90% perekonomian nagari awak tu? Labiah rancak, Pak MN manulih tulisan lamak salaku pakar nan bagala sosiolog untuak maajakan bake urang Minangkabau supayo BARAJALAH KA BANGSO NAN BISA MANGUASOI EKONOMI ASIA TU. Bukak S.W.O.T dari suku bangso atau bangso nan ---umumnyo bamato pitok tu--- sabana tageh dalam mamainkan ekonomi dunia. Kalau wanyo bisa, baa awak indak bisa? Di ma latak kalamahan awak? Kalau sajo tulisan Pak MN tu panjang babantuak buku, pasti ---insha Allah--- laris/ abih tandeh dibali urang nan ingin sukses saroman bangso nan manguasoi 90% ekonomi awak tu. Maaf Pak MN, untuak nan sakali ko mungkin Si m.m agak babedo galombang jo radio nan Apak setel. Tapi....., sababagai anak bangso nan dilahiakan dan digadangkan di sakitar kaki gunuang Marapi, Singgalang dan Tandikek, meski awak talahia babedo generasi, isi dado awak pasti samo. "Baa supayo urang minang tu manjadi rajo dan saudagar boneh di nagarino sandiri". Sampai di siko sajo dulu ya Pak MN. Mudah-mudahan untuak nan sakali ko Pak MN (nan biasonyo salalu diam untuak manjawek tanyo urang lain), namuah mambaleh tulisan ambo jo tulisan panjang nan manunjuakkan Pak MN tu surang sosiolog nan ambo kagumi samanjak ambo pandai manulih di koran (tmt 1969) dek sari. He he he............... Salam.........................., *mm**** Lk-2; 59; Bks ---------- Pesan terusan ---------- Dari: 'Mochtar Naim' via RantauNet <[email protected]> Tanggal: 2 Juni 2014 09.15 Subjek: [R@ntau-Net] MOCHTAR NAIM: "SEJAUH INI ..." Kepada: "[email protected]" <[email protected]> Kawan2 di RN, Boleh tidak dibaca tulisan saya berikut ini kalau takut dengan si Sara: SEJAUH INI ... -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena berlangganan grup "RantauNet" di Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lebih lanjut, kunjungi https://groups.google.com/d/optout.jakan -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout.
