Assalammualaikum WW, Copy paste dari sosmed subalah. =================== Iko carito lamak dan lawak, dek katano itu ambo forward kan.
Rudy Al Fajri'PRABOWO HATTA' PILIHAN ORANG MINANG Kam · Disunting · Sehabis minum skoteng yang kelewat pedas karena kebanyakan jahe.. mata sayapun jadi berkunang-kunang, perutpun “maloyo” tak karuan...koran politik berbahasa minang yang baru dibelipun belum sempat terbaca..namun melihat foto idola saya, Iwan Fals terpajang bersama mas joko di halaman depan koran tersebut saya jadi tertarik..ada apa mereka berdua ? ..ditengah deraan perut yang makin maloyo..dan mata yang makin berkunang-kunang plus pangana yang maikin ilang timbua...saya keras-keraskan juga hati membacanya..ternyata ini dia beritanya : Manjalang sanjo rayo tigo ari nan lalu, jo wajah nan super galau Mas Joko merapat kerumah Iwan Fales. Di muko gerbang rumah mas Iwan, si Joko bagageh turun dari oto Inova itamnyo (ndak talok naiak bajaj lai... ;-)).. Iwan Fales nan kebetulan sadang dihalaman langsung ma ajak si joko duduak ka teras sampiang, malehnyo mambaok ka dalam rumah “beko bakaruik lo muko si ros, bini den mancaliak si joko ko, bantuak tempo ari” kecek Iwan dalam hati. Iwan : jadi apo kaba angku kini ko jok, rusuah bana muko angko nampak di ambo. Joko : Kan itulah wan, sangajo bana ambo kamari kamintak tolong ka si Iwan mah.. kan lah samo tau awak, nan elektabilitas ambo balakangan ko makin turun, maluncua taruih samantaro nan Mak Bowo makin manintiang ka ateh.. kok co iko taruih manjalang ari pancucuakan eh..pencoblosan bisa abih main ambo ko..macai ambo di kato-katoi dek mak banteng beko. Iwan :Ee..eh, angku kan lai punyo tim sukses, den caliak lai urang-urang dareh sajo sadonyo..banyak tantara gaek didalamnyo nampak di ambo..tambah lo tipi si jambang tu nan maanjuang angku satinggi langik tiok ari..apo juo nan angku camehan lai. Joko : E..antah lah wan, kok disabuik bana.. kok tim sukses iyo ado, tapi mereka tu basirangak sajo didalamnyo.. nan amak tuo, dingin sajo pancaliakannyo ka ambo tiok ari, apolai anak padusinyo tu, raso ka di garumehnyo muko ambo kalau mandakek.. nan tantara-tantara gaek ko rintang mambukak pacokian Mak Bowo sajo..sabana indak cerdas, jan ka ka banci malah batambah sayang urang ka Mak bowo tu.. nan si Imin bantuak itu pulo..otanyo nyo iyo, ka setor 12 juta suaro nanti..kironyo garobak kosong sajo nan diosong-osongnyo.. mungkin agak 11,9 juta tu lah marapek ka pak aji bagitar nan mandukuang Mak Bowo.. ndeh, sabana macai den wan ! Iwan : Carito pencitraan angku baa ? khan masih jalan juo ? Joko : Ee..jan kareh-kareh na mambaco pencitraan tu Wan..tadanga lo di urang rami beko.. ciek lai nan itu ndak mangkuih bana lo lai doh.. lah den cubo pulo bapoto-poto bantuak urang miskin tu, mangayuah becak, mandorong garobak miso, manamba ban, bapoto di pamatang sawah.. tapi malah di bully urang ambo wan..apolai di grup PRABOWO HATTA PILIHAN ORANG MINANG tu a..abih main ambo wan. Sabana ndak basiagak urang Padang tu mambully doh.. bayangan dek si wan..ado nan mangecek, “banda balakang rumah den tasumbek..langsuang takana di den si Joko..inyo spesialis masuak banda” cek nyo..Lah ambo buek pulo poster sabanyak antah..lah bapasang di tiok simpang tantang harago pakaian ambo sapatagak nan baharago murah..supayo takesan sederhana.. Ee..antah dima-dima pulo dapek di pendukuang mak Bowo foto ambo jo urang rumah nan mamakai tas Channel harago 45 juta.. a iyo mati kartu kami sakali. Iwan : Debat kapatang ko ba caritonyo ? kan lai tatolong angku dinyo ? Joko : E..yayai yo.. Jujur wan, ndak tantu ciek alah juo nan ka ambo baco dalam debat tu doh Wan.. walaupun lah di agiah kursus kilat..lah dibuekan jimaik untuk contekan..ndak masuak ka kapalo ambo doh... mamilin paruik ambo tiok ka debat tu, jan kan ka adu argumen manantang mato Mak Bowo sajo ndak terkaha di saya doh.. patang tu ambo cubo pulo manjawek dilua contekan tu, katiko Mak Bowo batanyo tantang krisis di lauik chino selatan tu, mbo jawek ndak paralu awak satu sinan doh, lupo ambo bahaso ado pulau Natuna disinan..pangana ambo Natuna tu dakek Cilacap.. abih den diberangan tim, taserak bareh ambo..”pandai-pandai angku se manjawek mah jok” cek mereka tu..yo baa lai Pandai-pandai angku se manjawek mah jok” cek mereka tu..yo baa lai wan.. aku emang raisopopo e...! Iwan : Jadi nan mukasuik angku kamari apo kini ko, apo nan bisa den tolong ! Joko : Kan itulah dek si wan..mambana ambo nan sakali ko, bagabuang lah jo kami dih.. jo reputasi si wan jo anggota OI akan ka sangaik manolong ka ambo mah.. kito adokan lah deklarasi nan agak gadang saketek bahaso si Iwan mandukung kami..soal biaya aman tu, tahu beres sajo. Ambo yakin, dengan bagabuang si wan jo ambo, manjulang baliak elektabilitas ambo.. kok manang ambo nanti samo-samo sanang kito..lah didalam si wan tu. Iwan : Oo..oo.. tunggu..tunggu kawan, keterangan ambo tempo hari lah jaleh, ambo ndak kan manunjukan dukungan ambo ka siapopun, nan pasti untuak salah satu dari kalian, tapi sia urangnyo itu akan tetap ambo kunci dalam hati.. ambo ndak ingin menjadi bagian dari satu golongan, ambo ingin menjadi bagian dari seluruh masyakarat indonesia ko.. tolong hormati pilihan ambo ko, dan ambo ndak akan mampagaruhi urang lain untuk mamiliah angku atau mak bowo tu..sadangkan anak jo bini ambo sajo, ambo agiah kebebasan panuah untuk manatukan pilihannyo karano itu hak dasarnyo salaku warga negara.. jadi sorry sajo untuak nan ciek ko ambo ndak bisa manolong.. tapi soal musik oke lah ambo bantu sapanuahnyo.. angku undanglah Metallica tu kamari, Kita Akan Bikin Ramee Senayan nanti ! Joko : Ndeeh..ndak bisa si wan mampatimbangkan iko agak saketek..ndak bara jalan lain nan nampak diambo lai doh..samantaro nan elektabilitas ko maluncua taruih juo..ciek di tipi si jambang ambo manang lai nyo wan..itupun surveynyo di kubu kami lo.. Iwan : sorry bro..nan sakali ko tolong hargai pulo sikap politik ambo ! Joko : Paliang indak buek an lah ambo lagu untuk kampanye bantuak nan dibuek an si Dhani untuk mak bowo tu..mambana ambo ! Iwan : Jok..saumua-umua ambo mancipta lagu, ndak pernah ambo mancipta sasuai pesanan doh..lagu tu kalua dari hati, dari olah fikir jo pergumulan bathin ambo. Dan ambo indak ka marusak itu doh..jadi sakali lai, maaf ambo ndak bisa mambantu..cukuik sagitu sajo, ambo ka mandi wakatu mugarik lah ampia masuak.. oke ! Joko : yo..lah kok mantun cek si wan..tapi kok kalah ambo isuak kan lai namuah juo bakawan jo ambo ? Iwan : pasti bro (sambil tersenyum penuh arti) Maka jo langkah gontai si Joko baliak ka inovanyo.. tampak cahayo matoari sanjo dilangik jakarta makin redup..saredup peluangnyo..tabayang si Poltak nan ka mausai-usai sabanta lai.. “ndeeh..manga lo paja paniang tu masuak ka kelompok den!” kecek sijoko sambia manapuak kaniang. ..tulisan ini gurau je..so. pendukung mas joko jangan marah..woless aja Sent from my iPhone -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout.
