UNTUAK DUNSANAK NAN KANAI PANYAKIK PALUPO.... Salam.....................,
*mm**** *From:* [email protected] [mailto:[email protected]] *On Behalf Of *Muhammad Dafiq Saib *Sent:* Saturday, *August 11, 2012* 6:30 AM *To:* [email protected] *Cc:* [email protected]; Armen Zulkarnain *Subject:* Re: [R@ntau-Net] Bls: LPM Marapalam - Usaho Penggemukan/Indukan Simmental di Kanagarian Sumpur Kudus Assalaamu'alaikum wa rahmatullaahi wa barakaatuhu Alhamdulillah, mudah-mudahan niaiak elok awak ko mandapek karidhaan Allah SWT. Niaik awak, insya Allah untuak kabaiakan di nagari awak. Nan disampaikan dunsanak Junaidi Malin Basa, maupun nan alah ditingkahi ajo Duta sarato katarangan dari sanak Armen sadono adolah bana. Ambo awali lah jo nan disampaikan dek sanak Malin Basa, batua nan bahaso bamuamalah, baurusan nan pakai pitih mamitihko iyo diajaan bana dek Allah SWT di ayat 282 surek Al Baqarah sarupo nan disabuik Malin Basa tu, supayo awak bahati-hati. Supayo transaksi, utang piutang, basapokok bakarajo samo-ko, disurek-an (jaleh bana disurek-an, ditulihan, harus ado juru tulihno nan adia) katantuan sarato syarat-syaratno. Bahkan nan kasato dalam urusan muamalahko musti samo-samo mangarati tantang transaksi nan dikarajoan dan nan disurek-an itu. Kalau salah satu dari nan talibaik urang nan kurang bakuopayaoan, dek lamah, dek kurang mangarati, musti ado nan mawakia-ino supayo awakno indak takicuah dek kalamahanno. Dan musti diadokan duo urang saksi laki-laki (musti duo urang laki-laki, atau kalau ndak ado surang laki-laki ditambah jo duo urang padusi). Supayo jaan sampai ado silang salisiah di kamudian hari. Iko adolah suatu paraturan dari Allah SWT. Sajauah nan ambo simak itu bana pulo nan alah dipasiapkan dek dunsanak Armen. Biko ka ado saksi, ka ado surek katarangan tantang karajo nan kadikakok, tantang sagalo urusan sarato kapamilikan jo bagi hasia, sakirono usahoko mandatangkan hasia. Baitu nan ambo simak. Batua pulo nan dikomentari ajo Duta. Awak nan ka sato tajun alah faham bana sajak mulo, bahaso karajoko, tantu ado resiko, sabab resiko tu di dalam ilimu Allah. Namun awak alah mamasang niaik baiak, ingin babuek baiak, sacaro baiak-baiak. Sasudah itu, sasudah awak manampuah caro bamuamalah jo nan dituntunkan Allah, diadokan saksi, dijalehan sagalo sasuatu dalam janji arek antaro awak samo awak, urang-urang nan insya Allah sadono tamasuak urang nan baiman, diadokan pulo saksi sasuai juo jo tuntunan Allah, sudah itu kapado Allah samato awak basarah diri. Mudah-mudahan nan awak cuboko marupokan awal dari karajo lain untuak mamajuan nagari awak. Mudah-mudahan Allah SWT manuntun awak untuak sanantiaso malangkah di jalan nan luruih... Aamiin.. Wassalamu'alaikum Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ------------------------------ *From:* Junaidi <[email protected]> *To:* "[email protected]" <[email protected]> *Cc:* "[email protected]" <[email protected]>; Rantau Net Rantau Net <[email protected]>; Armen Zulkarnain < [email protected]> *Sent:* Saturday, *August 11, 2012* 2:37 AM *Subject:* Re: [R@ntau-Net] Bls: LPM Marapalam - Usaho Penggemukan/Indukan Simmental di Kanagarian Sumpur Kudus Dinda Armen nan ambo banggakan, Don't get me wrong. Ambo cuman talupo maingek an, takalok manjago kan bahwa urusan mu'amalah di dalam islam lah diatur secara indah dalam alquran dan iko parintah Allah indak ambo buek2 doh. Indak paralu sampai ka notaris doh nan paralu sapucuak surek dengan duo urang saksi, sadono adolah untuak mahindari dispute di maso hadapan. Atau mungkin ambo nan salah mamahami ayat 282 surek al-baqarah ko. Please help me mak Lembang. Salam Junaidi On Aug 11, 2012, at 2:14 AM, "Dr Saafroedin Bahar" < [email protected]> wrote: Warni, tolong diteruskan thread bung Armen di bawah ini kepada seluruh pengurus Gebu Minang. Saya anjurkan agar ada keikutsertaan pengurus Gebu Minang dalam proyek rintisan ini, minimal sebanyak sepuluh ekor a Rp. 8.5 juta, cukup utk satu kandang. Saya dan keluarga sedang menabung utk ikut membeli beberapa ekor sapi simmental tsb. Wassalam, SB. Saafroedin Bahar. Taqdir di tangan Allah swt, nasib di tangan kita. ------------------------------ *From: *Armen Zulkarnain <[email protected]> *Sender: *[email protected] *Date: *Sat, *11 Aug 2012 *02:03:31 +0800 (SGT) *To: *[email protected]<[email protected]> *ReplyTo: *[email protected] *Subject: *[R@ntau-Net] Bls: LPM Marapalam - Usaho Penggemukan/Indukan Simmental di Kanagarian Sumpur Kudus Pak Junaidi, mak Dutamardin sarato angku, mamak bundo jo dunsanak sapalanta RN nan ambo muliakan, Usaho penggemukan/indukan jawi simmental ko tujuan utamonyo adolah meningkatkan kesejahteraan masyarakat nagari. Walaupun pemprov Sumbar mambuek pencanangan 1 jawi untuak 1 petani, namun setelah ambo caliak bana baa progressnyo dilapangan iyo kurang baitu bana nan bajalan, sabab indak jaleh petani maa nan mandapek jawi tu. Mungkin hal iko indak tercover oleh pemprov jo pemda kito di Sumbar. Sebagai contoh, di Agam sajo nan tadapek 82 nagari, indak jaleh nagari ma sajo nan mandapek program mantun & indak seluruh petani pulo nan mandapek bantuan jawi ko dalam 1 nagari. Kok kurang yakin angku, mamak, bundo jo dunsanak sapalanta bisa dikonfirmasi kapado Dt Malako Nan Putiah nan marupokan sipangka kabupaten Agam nan juo ado di palanta nan ko. Untuak itulah, ambo kiro perantau bisa sato sakaki membantu program ko. Kito di LPM Marapalam nan marupokan organisasi sosial nan mancubo lansuang membantu ka nagari-nagari dengan usaho nan masih dalam skala nan sabana ketek ko, tantu maupayokan juo apo nan bisa dibantu walau hanyo dalam kapasitas 0,0001 % sajo pabilo kito mancaliak dari 721 pemerintahan nagari nan ado di 11 kabupaten di Sumbar ko. Harapan kito, bantuan dari perantau ko ijan sampai habih & diusahokan sadapek mungkin untuak bakambang. Dek karano itu pulo kito piliah Kanagarian Sumpur Kudus dimano karapatan adat nagarinyo masih berfungsi & bersinergi jo pemerintahan nagarinyo. Dengan bafungsinyo peran niniak mamak sarato pemerintahan nagari ko, masyarakat nagari nan akan mausahokan jawi simmental milik perantau ko bisa diawasi lansuang oleh niniak mamak sarato pemerintahan nagari. Dek karano itu pulo indak ado sewa manyewa lahan nan akan kito jadikan kandang basamo sarato lahan nan akan kito pakai untuak menanam rumpuik kinggrass nan akan manjadi pakan utamo dalam usaho penggemukan/indukan sapi simmental ko. Tantu bakato indak mudah babuek, mangko dek itu ambo juo sato saikua jawi dalam usaho ko. Sabab maajak urang tantu kito harus batungkuih lumuih untuak itu. Itu juo nan manjadi pertanyaan 7 wali jorong jo wali nagari di kampuang ambo di Kanagarian Kubang kutiko tahu LPM Marapalam akan mambuek usaho penggemukan/indukan jawi di Kanagarian Sumpur Kudus kab. Sijunjuang. " Baa ko indak disiko ajo kanti?". Jawek ambo singkek sajo, "Lai ado lokasi untuak kandang basamo sarato lahan nan bisa dipakai untuak mananam rumpuik disiko? Ciek lai, lai bisa pak wali jorong jo pak wali nogori manjamin petani untuak sungguah-sungguah manjago amanah jawi urang rantau tu?". Iyo agak kurang yakin katujuah wali jorong sarato wali nagari kampuang ambo ko. Harapan kito, dengan usaho ko bisa dibarikan contoh pulo bagi nan lain untuak selalu maajak niniak mamak basamo-samo untuak membangun nagari, dimano apo nan alah tajadi salaruik salamo nan ko aparatur pemda memang indak baitu malibatkan serta niniak mamak nan ado di nagari. Apokah dek karano Kanagarian Sumpur Kudus ko dek di palosok latak nagarinyo mangko bajalan limbago adat nagarinyo? Ambo kiro hal itu indak bisa dijadikan suatu alasan, sabab indak jauh dari Sumpur Kudus ko ado tasabuik nagari Unggan jo nagari Silantai. Jaraknyo hanyo 7 km dari Sumpur Kudus,dimano kehidupan baadat balimbago di kaduo nagari ko indak sarancak di Sumpur Kudus. Untuak mamantau usaho penggemukan/indukan sapi simmental ko, alah kito jadwalkan untuak manchek sabulan sakali ka Sumpur Kudus sambia mambuek laporan tatulihnyo nan akan dilengkapi dokumentasi foto jo video. Harapan ambo, dengan laporan sacaro berkala bisa mambuek dunsanak nan lain tertarik untuak sato dalam usaho nan ko. Insya Allah 2 belok sasudah hari rayo Aidil Adha tanggal 9 November 2012 akan kito buek kandang basamo ciek lai di Jorong Ujuang Luhak Kanagarian Sumpur Kudus dengan kapasitas 10 ikua jawi pulo. Kalkulasi ambo dari 7 Jorong di Kanagarian Sumpur Kudus, paliang indak bisa manampuang 500 ikua jawi simmental, itu aratinyo ado 25 kandang basamo nan bisa dibuek oleh perantau minang nan peduli usaho nan ko basamo-samo pemerintahan nagari Sumpur Kudus & pemerintahan nagari Sumpur Kudus Selatan nan malibatkan KAN Sumpur Kudus sarato masyarakat nagari melalui mediasi LPM Marapalam. Insya Allah niek elok bisa diansua-ansua sahinggo kito bisa pulo maelo perhatian pemkab Sijunjuang & pemprov Sumbar untuak labiah gigiah membangun nagari-nagari di ranah minang dengan malibatkan langsuang pemerintahan nagari basarato limbago adat nagarinyo. Pabilo hal iko alah bisa dicapai untuak kanagarian Sumpur Kudus, insya Allah LPM Marapalam akan mangarahkan usaho ko ka Kanagarian Aia Manggih di Kabupaten Pasaman. Hanyo ado ciek tanyo ambo ka pak Junaidi di kandang singo, pabilo niek elok apak ado pangana untuak membatalkannyo mohon dikonfirmasi sacapeknyo, sabab kito alah mambuek janji jo pemilik jawi nan akan kito bali, sahinggo bisa dikabakan sacapeknyo kapado pemilik jawi & urang nan punyo jawi indak pulo kecewa deknyo. Mungkin itu sajo nan bisa ambo tanggapi, labiah jo kurang mohon dimaafkan. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam 081275441828 ------------------------------ *Dari:* Junaidi <[email protected]> *Kepada:* "[email protected]" <[email protected]> *Cc:* Armen Zulkarnain <[email protected]>; "[email protected]" < [email protected]>; "[email protected]" <[email protected]>; Muhammad Dafiq Saib Koto Tuo <[email protected]>; Inyiak Sunguik < [email protected]>; "[email protected]" <[email protected]>; Saafroedin Bahar Kampuang Dalam <[email protected]>; Hilman Mahyuddin < [email protected]>; Darwin Chalidi <[email protected]>; Abraham Ilyas Tanjuang <[email protected]>; Rahyus Salim < [email protected]>; Afrijon Ponggok <[email protected]> *Dikirim:* Jumat, *10 Agustus 2012* 21:34 *Judul:* [R@ntau-Net] Re: Bls: LPM Marapalam - Usaho Penggemukan/Indukan Simmental di Kanagarian Sumpur Kudusa Mak Duta jo dinda Armen nan dimuliakan Allah, Kok siang lah bak hari kok tarang lah bak bulan, putiah kapeh buliah diliek putiah hati bakaadaan. Ambo yakin mamak, bundo jo dunsanak kasadono pernah mambaco ayat terpanjang di alquran nan mano satu ayat tu sahalaman panuah yaitu surek albaqarah (jawi batino) ayat 282 ambo kiro surek nan sanamo jo usaho ko ancak dijadikan rujukan. Disinan Allah manyatokan untuak urusan utang piutang baiak dengan dunsanak kanduang harus tatulih. Manuruik ambo sagalo urusan bisnis dan sosial nan bahubungan jo pitih mamitih wajib ditulih, iko bukan masalah picayo ndak picayo tapi Allah sangaik tahu manusia tu basipaik lupo. Iko untuak maminteh sabalun hanyuik, manyilam sabalun karam. Mungkin mak Lembang bisa manarangkan mukasuik dari ayat nantun. Mohon ma'af Wassalam Junaidi On Aug 10, 2012, at 9:26 PM, [email protected] wrote: Nakan Junaidi dan sanak kasadoalahe, Proyekko ambo labiah barek maliek ka aspek sosial ekonominyo daripado aspek bisnis samato. Kalau sekedar bisnis, cukuik awak bali saham dibursa, selesai, kemudian tiok sabanto awak mamonitor gejolak naik turun. Banyak pulo harapan labo nan tibo, malah rugi nan dapek. Nilai saham maluncua taruih. Namonyo bisnis, untuang jo rugi iyo duduak badampiangan. Ciek lai, aspek bisnis adolah trust. Sataba apopun kontrak, namun trust tetap diperlukan. Bagi ambo tokoh nan banamo Armen Zulkarnaen nan sangaik tinggi idealisnyo mulai dari basitungkin tanpa upah maantakan undangan Kongres Minangkabau sampai ka proyek website nagari, alah manjadi jaminan bagi ambo mempercayai nakan amboko. Ditambah lai babarapo hari basamo bapaneh bahujan bakuliliang nagari, alah cukuik manambah kepercayaan itu. Tentang Sumpua Kuduih, sebagai salah satu nagari terpelosok nan kami datangi, cukuik memberi kepercayaan akan suksesnya proyekko. Ambo maliek wajah iklash dan tulus pado tokoh nan kami jumpoi. Mulai dari walinagari sampai ka tokoh mudo dan tuo, terpancar optimisme pada wajah mereka. Mungkin dek itu Sumpua Kudus ko tapiliah manjadi pertahanan terakhir PRRI dan PDRI. Seperti ambo sabuikkan diateh ttg aspek sosial ekonomi. Insya Allah dgn proyekko awak alah sato pulo menggerakkan ekonomi nagari dan Sumbar secara luas. Petani anak nagari batambah keterampilan dan peluang bisnisnyo. Dengan sendirinyo nagari menggeliat ekonominyo. Kalaulah jumlah awak baru sangenek ko. Diberkati Allah dan proyek berkembang, ambo yakin akan banyak pulo nan kasato kudian. Sabab alah kulikaik awak, "see it and believe it". Caliak2 dulu, kalau pukek alah agak katapi, baru satu inyo maelo. Kalaulah beko sapi2 pendek umuanyo. Itu artinyo indak rajaki awak. Mungkin dek faktor awak sendiri nan kurang tawaqal atau faktor lain. Anggap sajo saham nan awak bali anjlok dan perushaanyo dinyatokan pailit. Awak tingga gigik jari. Itu sekedar komentar mamak, nakan Junaidi. Kalau iko manambah kayakinan nakan, mari bagabuang jo para perintis ko. Ko alun jo yakin, kabaa lai. Andok-an selah pitih tu di bawah kasua (just kidiang nakan) hehehe... Salamaik barado di 10 hari terakhir Ramadhan. Semoga awak dapek janji itkum minannar. Amin. Mamak dibaliak bumi. Sent via BlackBerry from T-Mobile ------------------------------ *From: *Armen Zulkarnain <[email protected]> *Date: *Fri, *10 Aug 2012 *19:55:24 +0800 (SGT) *To: *Junaidi<[email protected]> *ReplyTo: *Armen Zulkarnain <[email protected]> *Cc: *\"[email protected]\"<[email protected]>; Dutamardin Umar<[email protected]>; Muhammad Dafiq Saib Koto Tuo< [email protected]>; Inyiak Sunguik<[email protected]>; \" [email protected]\"<[email protected]>; Saafroedin Bahar Kampuang Dalam<[email protected]>; Hilman Mahyuddin< [email protected]>; Darwin Chalidi<[email protected]>; Abraham Ilyas Tanjuang<[email protected]>; Rahyus Salim< [email protected]>; Afrijon Ponggok<[email protected]> *Subject: *Bls: LPM Marapalam - Usaho Penggemukan/Indukan Simmental di Kanagarian Sumpur Kudus Pak Junaidi di kandang singo nan ambo hormati, Jawi ko iyo bantuak awak pulo, indak langsuang mati mandadak sajo, biasonyo ado tando-tando sakik talabiah dahulu. Kini disatiok kecamatan di Sumatera Barat, alah ado ditempatkan mantri taranak nan statusnyo PNS ataupun pegawai kontrak. Ubek maubek jawi ko biasonyo ditangani oleh matri taranak ko, baitu juo untuak inseminasi buatan (IB) nan semen-nyo disadiokan oleh mantri taranak. Mangko dek itu, usaho penggemukan/indukan jawi simmental ko kito buek karajosamo jo pemerintahan nagari sarato KAN sahinggo jo caro pemerintahan sarato caro baadat balimbago duduak kaduonyo. Pemerintahan nagari nantinyo nan akan mengkoordinasikan kesehatan jawi jo ka matri taranak di kecamatan Sumpur Kudus. Jawi nan sakik nantinyo akan mandapek perawatan berkala oleh matri taranak setempat. Dengan baitu, kito LPM Marapalam basamo-samo pemerintahan nagari akan melaporkan kegiatan usaho penggemukan/indukan sapi simmental ko ka dinas peternakan kab. Sijunjuang. Dengan harapan, ado perhatian labiah beko nan bisa didapek dari pemda setempat. Selain itu, harapan ambo ka muko, pabilo kandang basamo ko dapek bakambang manjadi 20 ikua jawi dimaso mendatang, kelompok tani nan maurus jawi di kandang basamo ko bisa mandapek pendidikan lanjutan ka balai pembibitan sapi unggul di Padang Mangateh. Selain itu, bisa pulo kito baharok untuak mendapek bantuan peralatan reaktor biogas dari pemda setempat sahinggo petani di Sumpur Kudus bisa pulo memanfaatkan bio gas ko di rumah-rumah untuak mengurangi pemakaian minyak tanah di nagari-nagari. Jawi nan sakik ko pabilo indak bisa diusahokan lai,akan divonis oleh mantri taranak sacaro akademis sahinggo akan dilakukan pemotongan jawi oleh petani di Sumpur Kudus. Hal iko akan diketahui lansuang oleh pemerintahan nagari basarato KAN nan kudian jawi nan alah didabiah ko di bao ka rumah potong Lintau untuak dilelang dagiangnyo. Pabilo harago lelang labiah randah dari modal pemilik jawi, mangko ado kerugian nan ditangguang oleh pemilik & petani nan mamaliharo salamo babarapo bulan indak mandapek jariah. Pabilo harago lelang labiah tinggi dari harago modal pemilik jawi, mangko salisiah harago akan dibagi duo pulo. Kito juo indak malupokan share kapado pemerintahan nagari, KAN & niniak mamak pemangku ulayat nan lahannyo dipakai untuak kandang basamo & lahan penanaman rumpuik nan dijadikan pakan untuak taranak. Jadi, pado kegiatan usaho penggemukan/indukan sapi simmental ko kasus hilangnyo seluruh modal iyo agak jarang. Kematian jawi sacaro mendadak hanyo disebabkan oleh penyakit antrax nan bukan sajo menyebabkan kematian jawi sacaro mendadak & masyarakat di Sumpur Kudus juo mandapek resiko penularan antrax dek karano panyakik nan ko memang menular ka manusia. Mengenai kontrak terulis antaro LPM Marapalam dengan pemerintahan nagari Sumpur Kudus basarato KAN Sumpur Kudus memang akan kito buek. Ambo kiro mengenai redaksinyo rancak mamak, apak sarato bundo nan manyusunnyo sabagai pemilik jawi, beko pabilo ado nan taraso kurang akan kito tukuak untuak manambahkannyo. Pabilo diparalukan akte notaris untuak hal iko, bisa kito masuakan juo dalam anggaran. Tantunyo akan menambah biaya modal nan akan dimasuakan pado post pengeluaran basamo sabab iko adolah usaho basamo pulo. Dek karano iko adolah usaho basamo, ambo kiro paralu dipisahkan mano nan jawi jantan mano pulo nan jawi batino, sahinggo bisa dikelompokan dalam 2 macam pembukuan. Mungkin itu sajo nan bisa ambo sampaikan, pabilo ado nan kurang pado tampeknyo, salah jo jangga mohon pulo dimaafkan. wasalam AZ/lk/34th/caniago Tanjuang Ipuah, VII Koto Talago, Mudiak Pikumbuah asa nagari Kubang, 50 Koto babako ka Canduang Koto Laweh, Agam ------------------------------ *Dari:* Junaidi <[email protected]> *Kepada:* Armen Zulkarnain <[email protected]> *Cc:* "[email protected]" <[email protected]>; Dutamardin Umar <[email protected]>; Muhammad Dafiq Saib Koto Tuo < [email protected]>; Inyiak Sunguik <[email protected]>; " [email protected]" <[email protected]>; Saafroedin Bahar Kampuang Dalam <[email protected]>; Hilman Mahyuddin < [email protected]>; Darwin Chalidi <[email protected]>; Abraham Ilyas Tanjuang <[email protected]>; Rahyus Salim < [email protected]>; Afrijon Ponggok <[email protected]> *Dikirim:* Jumat, *10 Agustus 2012 *8:34 *Judul:* Re: LPM Marapalam - Usaho Penggemukan/Indukan Simmental di Kanagarian Sumpur Kudus Dinda Armen jo mamak dan bundo kasadono, Mohon ma'af baru kini bisa tabaleh maklum dek mancarian paruik nan indak baisi pungguang nan indak basaok ambo baru baliak babelok. Mungkin banyak ambo nan tatingga diskusi salamoko tapi ado saketek nan taraso di hati takalang di mato baa bana isi parjanjianno, adokah kontrak sacaro tatulih nan di tando tangani semua pihak nan bakapentingan, sia nan manangguang resiko kalau saandaino na'uzubilah jawi ko mati atau ado hal2 nan indak diinginkan. Manuruik ambo labiah ancak awak ba paik2 dari awa dari pado ado upek puji balakangan. Jan sampai rumah sudah tokok paek babunnyi, minyak abih samba tak lamak. Kalau iko alah dibicarakan tolong ambo dikirim baliak dek lah banyak nan talimpok. Banyak ma'af, Junaidi On *Aug 9, 2012,* at 8:02 PM, Armen Zulkarnain <[email protected]> wrote: Assalamualaikum wr wb Angku, mamak, bundo sarato dunsanak sapalanta RN & inisiator LPM Marapalam nan ambo muliakan, Alhamdulillah dari rencana 10 ikua jawi simmental tahap paratamo nan akan kito rintis, alah takumpua 7 ikua jawi nan akan dipaduoka kapado masyarakat di jorong Calau kanagarian Sumpur Kudus. Bibit rumpuik alah takumpuakan, insya Allah bisuak sanjo alah batolak manuju Sumpur Kudus nan akan mulai kito tanam sebagai pakan utamo jawi-jawi ko. Jawi nan tujuah mantun adolah kapunyoan dari : 1. Mak Dutamardin Umar (jawi batino) 1 ikua 2. Bundo Nurlisma (jawi batino) 1 ikua 3. Pak Junaidi (jinih jawi alun diketahui) 1 ikua 4. Mak Sutan Lembang Alam (jawi jantan) 1 ikua 5. Inyiak Sjamsir Sjarif (jawi jantan) 1 ikua 6. Pak Nasirwan Domo (jawi jantan) 1 ikua 7. Armen Zulkarnain (jawi jantan) 1 ikua Dek karano masih ado 3 nan kosong, pabilo ado dari angku mamak, sarato bundo nan ingin sato, silahkan mahubuangi untuak bisa kito daftarkan. Untuak nan jawi jantan umua 6 bulan basamo biaya pembuatan kandangnyo sebesar Rp. 8.500.000 & untuak induak jawi umua + 24 bulan basamo biaya pembuatan kandangnyo sebesar Rp. 12.500.000. Pemesanan jawi paliang lambek sapakan sasudah hari rayo Aidil Fitri 1433 H (27 Agutus 2012), sabab sasuai rencana 2 pakan setelah hari rayo ko, jawi akan kito bao ka Sumpur Kudus untuak diserahterimakan kapado pemerintahan nagari sarato KAN sebagai penanggungjawab usaho penggemukan/indukan sapi simmental ko. Pabilo ado dari angku, mamak, bundo sarato dunsanak nan masih pikia-pikia, insya Allah setelah Aidil Adha 1433 H akan kito buek kandang basamo lai dengan jumlah nan samo yaitu 10 ikua pado Jorong nan babeda pulo. Mungkin itu sajo nan bisa ambo sampaikan, labiah jo kurang mohon dimaafkan wasalam AZ/lk/34th/caniago 081275441828 Tanjuang Ipuah, VII Koto Talago, Mudiak Pikumbuah asa nagari Kubang, 50 Koto babako ka Canduang Koto Laweh, Agam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout.
