Pak dr. Rahyussalim, Nan ambo alami sandiri kapatang ko di RS Mahkota, Melaka, iyo mambuktikan ka ambo, nan bahaso barubek di sinan jauah labiah manyanangkan hati dari di Dharmais dan RSCM, Jakarta atau RSAM, BT dan RSMJ Padang.
Proses nan dijalanai praoperasi induak bareh ambo persis samo. Bedanyo, di RSCM pasien disuruah ilia mudiak mamareso jantuang, toraks, ginjal, darah, dsb, ka tiok klinik; mintak hasil pemeriksaan dari tiok dotornyo dan awak lo nan maagiahan ka dotor badah saraf nan ka maoperasi. Bayangkan dek pak dokter, untuak tiok klinik paliang kurang abih hari sahari, antri, tunggu hasil, tunggu dokternyo, dsb. Bisa2 sampai 2 atau 3 hari baru salasai. Rumah kami di Depok, bayangkan bara jam baru sampai ka Cipto. Jadi paliang indak pareso sagalo macam tu abih hari sapakan sampai 10 hari. Alun pulo lai manunggo jadual operasi dari dokter nan ka maoperasi, nan alun tantu bisa 2 atau 3 hari. Cubo etong dek pak dokter bara abih ukatu, tanago, pitih bensin, supir, tol, bulak baliak. Di Mahkota, Melaka, sadoalahe salasai dalam SATU HARI, dan dalam SATU RUMAH SAKIK, diuruih dek personil rumah sakik. Ambo nan mandampiangi tingga duduak manantian sajo. Rumah sakik manyadiokan hostel nan relatif murah dan lumayan manyanangkan. Jadi ongkos transportasi jadi nol. Bisuak harinyo lansuang operasi. Samalam di ruang ICU, bisuaknyo lah masuak kamar perawatan. Bayangkan, iko operasi barek salamo 4 1/2 jam, maangkek kanker nan tumbuah di dakek banak (indak tantu di ambo namo teknisnyo). Di Dharmais sasudah operasi musti disinar/diradiasi nan punyo efek sangaik manakuikan rang rumah berdasarkan pengalaman operasi kanker sabalunnyo. Di Melaka sinar jo radiasi ko diharamkan dek dokternyo (nan mambuek rang rumah basumangaik operasi di sinan). Memang banyak dokter2 awak nan berang kami rayaik barubek ka sinan, malah ado nan mangancam. "Kok nyampang baliak ka RS kami, ndak ka kami layani lai", kecek mereka. Iko ucapan dokter nan saisuak sadionyo maoperasi rang rumah ko. Tapi mereka lupo, pelayanan medis urang di lua 10 x labiah manyanangkan pasien. Di sinan pasien diperlakukan dek sagalo personil nan malayani sebagai "rajo", diperhatikan dengan seksama, dilayani dengan sempurna, kebutuhannyo dipenuhi dan batua2 sanang hati dibuek mereka. Pelayanan personil di RS awak sabana rato2 manjengkelkan. Di sinan ubek tahu ado, di siko ilia mudiak awak dulu ka apotik mancari dan mambali ubek. Kadang2 malah di siko infus sajo awak juo nan musti pai mambali ka apotik. Jan bicaro pakaro darah untuak transfusi. Di Padang dan BT, awak lo kakeh kambeh dulu mancari donor, baru bisa transfusi. Samantaro si pasien lah batambah payah juo. Baa tu pak dokter? Salam, mak Sati (L. 71+0+24) Tabiang ----- Original Message ----- From: rahyussalim To: [email protected] Sent: Wednesday, March 26, 2008 8:00 AM Subject: [EMAIL PROTECTED] Persoalan kesehatan di ranah MinangKabau????------adokoh peluang mambangkik kesehatan nan tarandam???? Assalamualaikum wr wb Lamo ambo tamanuang katiko banyaknyo urang awak nan barubek ka tanah urang (di lua ranah minangkabau..), tamasuak adoh pulo dunsanak nan di dakek jangguik.. lah pai bulo baliau ko ka kandang singo. Apo bana lah masalah nan subananyo???? Acok kali kalau masalah ko diangkek nan salah adolah doto jo parawaik (opini di masyarakaik badarai. istilah nan mbo baco di RN). Tapi apo batua sarupo itu. Bara persen nan subananyo?? Apo bukan nyo labih banyak dek karano pandangan awak ko bana nan lah salah dek karano talalu acok mauruih sawah urang nan sawah awak indak tauruih..??? Antah lah?? Nan jalaih kiniko. urang nan di kandang singo jo urang nan manggaleh di pasa urang labih laku daripado galeh awak di padang... ??? Apopun lah nan ka jadi sabab ambo raso kajadian ko sangaik mamprihatinkan bagi panggaleh kesehatan kaki limo di ranah minang. Doto Arina tantu mungkin labih prihatin pulo dari pado ambo dek karano baliau ko nan manjojoan kue kesehatan ko ranah. Antahlah rahyussalim --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
