Assalamu'alaikum Warahmatullahi Wabarakatuh, Memang patuang tu sajak wakatu didirikan 1963-64(?) di sinan indak diengong urang doh. Indak tahu urang apo aratinyo. Bahkan dianggap manakuikkan. Kadang-kadang urang mainda atau kalau jalan sinan tacangak-cangak sajo mancaliak tanpa komentar. Bahkan wakatu tu dikecekan urang, kasiak aa du nan dionggok-onggoknyo sinan, cando hantu! Jadi baiak bantuak atau motifnyo indak panah manjadi paratian masyarakat Bukittinggi doh. Mungkin karano masyarakat waktu itu sangat apatis, sasudah parang saudara, apo sajo nan dikarajokan 'panguaso dari lua' nan opressif dan leftist manjalang gestapu indak diacuahkan urang.
Huriah Adam wakatu (1962) muda belia. Ambo mancaliaknyo main biola di Tri Arga waktu ado tamu-tamu Ganefo (satu tandingan Olympiade) datang ka Bukittinggi mamainkan lagu Rusia nan masish tangiang-ngiang di talingo ambo. Ambo sabagai Guide untuk Depari (Dewan Pariwisata) Sumatra Barat wakatu itu, meladeni tamu-tamu atlit dan seniman dari Rusia dan Kambodia. Karano urang Kambodia indak pandaia bahaso Inggirih ambo labiah dakek jo rombongan Rusia. Ketuanyo dari Radio Moskow lancar babahaso Indonesia. Pertunjukan-pertunjukan mereka di Gaduang Komidi (Sinema, aa namonyo lupo ambo nan di Pasa Ateh) dan dalam malam resepsi di Tri Arga sangat manakjubkan. Sayang masa-masa indah malam tu bisuaknyo diakhiri dengan peristiwa kecelakaan bedarah di Aia Taganang dakek Kotobaru wakatu arakan kami ka tamasya ka Padangpanjang dan Singkarak tapaso dibatalkan baliak ka Bukittinggi. Salamo kunjuangan babarapo hari tu ambo dakek jo saurang anak gadih manih Rusia nan langsiang rancak karano inyo pun dapek babahaso Inggirih. Inyo manarangkan katarangan-katarangan ambo ka kawan- kawannyo. Dari gadih rancak ko ambo baraja babarapo kato Rusia. Wakatu rombogan ka barangkek dari Triarga, ambo mangucapakan selamat jalan ka inyo, Dosvidaniya! Mancaliak kami dapek bakomunikasi dengan ramah dan ambo mamakai bahaso Rusia pulo, ado saurang Staf Kota Bukittinggi mangaja ambo mananyokan baa mangucapkan Selamat Jalan. Ambo kecekkan ka inyo Dosvidanya! Wakatu sedannyo ampia barangkek, Staf ko balari-lari tabirik-birik mangaja oto malambai gadih ko mangecekkan Dosvidaniya! Dijawab gadih tu jo galak manih. Dosvidaniya! Sudah tu, staf ko baliak ka ambo. Lah dapek galak manih lo den, keceknyo galak-galak jo raso bahagia sambia mamaciak-maciak bahu ambo batarimo kasih. Jauah saparamek abad kamudian, ambo danga baliau ko manjadi Gubernur Sumatra Barat di Padang sudah tu diangkek lo jadi mantari di Jakarta. Salam, --MakNgah Sjamsir Sjarif --- In [EMAIL PROTECTED], alif <[EMAIL PROTECTED]> wrote: > > > Assalamu'alaikum Warahmatullahi Wabarakatuh, > > Tarimo Kasih Mamanda, > lah agak mulai tau sagetek mengenai patuang ko, di lua latar belakang > pendirian patuang ko, sabananyo iyo jarang ado "Landmark" di > Bukittinggi. Patuang ko ndak pernah di sabuik urang di lua > bukittinggi. Malah banyak urang minang nan ndak urang Bukittinggi nan > tau keberadaan patuang iko. padahal patuang nyo gadang, mungkin ado 5 > atau 6 Meteran. > > Dan mengenai (alm)Huriyah adam, nampaknyo di cari di internet ndak do > informasi tantang beliau iko do. keculai sagetek bana. iko ado > petikannyo > > "The choreographer Huriyah Adam (who has already passed away) firmly > states that the foundations of Minang dance are based on Pencak." > > Wassalam. > > On Mar 26, 3:28 pm, "Sjamsir Alam" <[EMAIL PROTECTED]> wrote: > > Kamanakan ambo Alif, > > > > Saketek bana nan ambo tahu tantang patuang ko. Memang namonyo "Monumen > > Pahlawan Tak Dikenal", diciptakan oleh seniman musahua awak saisuak Huriyah > > Adam (baliau maningga dalam kapatabang Merpati nan jatuah di sekitar Pulau > > Katang2, Pasisia Selatan, kalau ndak salah tahun 1968). Monumen ko rasonyo > > ditagakan lk tahun 1964. > > > > mak Sati (L. 71+0+24) > > > > Tabiang > > > > ----- Original Message ----- > > From: "alif" <[EMAIL PROTECTED]> > > To: "RantauNet" <[email protected]> > > Sent: Tuesday, March 25, 2008 9:22 PM > > Subject: [EMAIL PROTECTED] Re: Patuang ABS-SBK > > > > > Assalamu'alaikum Warahmatullah Wabarakatuh, > > > > > Tambah lo ciek lai, di subarang patuang Bung Hatta tu ( balakang Bank > > > BNI) ado lo patuang, Warna nyo itam, kalau ndak salah ado ula > > > bagaluang, dulu katiko masih basirawa pendek, sabana takuik lewaik > > > disinan he he he. Sampai kini ndak juo mangarati, apo arati nyo --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
