Mak Sati nan dimuliakan Allah swt.
Mano tau katiko itu, barangkali basampik-sampik kito
di ateh lift MMC Mak, tapi dek indak kenal indak
tasapo Mak Sati.
Sabana langkok carito Ma-mak, sabana sanang ati
mambacanyo. Insya Allah ambo tunggu Mak Sati di
Melaka. Bialah ambo try dulu manyapo Halo malalui SMS,
lai Mak Sati tarimo.
Tantang MMC ko, pasarannyo rato2 urang awak, sahinggo
RS tu bisa disabuik rumah sakik rang Padang. haha.
Warga Malaysia indak begitu suko barubek disiko do,
barangkali dek Hospital Pemerintah perai kut. Tapi
urang Cino sabana anti jo MMC ko. Antah baa lah dek
baitu, keceknyo sado Dokter di MMC tu panipu.
Lai katuju samba di Malaysia Mak, mudah2an lai indak
patah salero mamak di Malaysia. Banyak kawan2 ambo nan
mengeluh pasal makan ko, indak salamak nasi Padang do
keceknyo. Tapi, disiko ko ado sup nan sangaik ambo
gemari nan barasal dari Thailand namonyo Tom Yam
adonyo hanya malam hari. Sabana lamak mak, kan sempat
mancubonyo?
Insya Allah basuo kito bisuak Mak. SMS Mak Sati pun
lah ambo baleh.
Wass
Yos-Melaka
--- Sjamsir Alam <[EMAIL PROTECTED]> wrote:
>
> Kamanakan ambo Yos,
>
> Ondeee, sabana angek hati ambo mandapek kamanakan
> nan tingga di Malaka. Kami
> barangkek dari Padang ka sinan via KL, pas HUT ambo
> nan ka 71, tgl. 2-3.
> Kami dijapuik dari KL dek karib ambo di Melaka sajak
> 2004 dulu, Pak Hanafi
> Osthman, urang asli Kampuang Lakuang, dakek Masjid
> Tanah, Melaka, nan
> keceknyo juo badarah Minang. Baliau pegawai kantua
> dinas pendidikan Melaka,
> kini mungkin lah dimutasi ka pusat di KL. Baru
> baranti jadi kapalo polisi
> Melaka (polisi a ko lah tu ha, seragamnyo bawarna
> biru, mungkin sabangso
> polban di Indonesia).
>
> Tgl 12 Maret kami lah barangkek dari Melaka menuju
> Jakarta. Jadi basilisiah
> jalan awak. Tapi tgl 6 Mei bisuak ko kami baliak ka
> sinan. Partamo ka
> maoperasi anak ambo nan paling tuo, Iin, nan 8 tahun
> labih daulu lahia dari
> Yos) Patang ko baru diagiah ubek untuak persiapan
> operasi. Nan kaduo cek
> ulang induak bareh ka dr. Parthiban Navoo.
> Tiket Air Asia Pdg-KL lah di tangan. Kami barangkek
> dari Padang (jadi induak
> bareh nan tingga jo anak cucu di Banduang dan Iin
> nan bakureh di Unja,
> Jambi, ka Padang dulu) mangaja bandara bebas fiskal
> nan 1 juta tu. Iin
> mungkin operasi 7 atau 8 Mei dan kecek dokternyo
> cuma butuh waktu 2 @ 3 hari
> dan lah buliah pulang. Co kapatang ko, kami rencana
> manginap di hostelnyo di
> lantai 5.
>
> No hape Yos lah ambo simpan. Simcard ambo kutiko di
> sinan patang ko lai
> disimpan dan ditaruihan dek Pak Hanafi, mungkin
> bisuak ko ambo pinjam
> baliak. Jadi baitu tibo di KL, insya Allah ambo
> halo2 Yos. No hape ambo di
> Padang 0812 6600 639. Mudah-mudahan bisa awak
> kopidarek Mei tu.
>
> Mohon maaf ka rang lapau nan lain. Sangajo indak
> ambo japrikan supayo rang
> lapau tahu bahwa ado anak kamanakan awak di Melaka,
> jadi kok jalan2 kiun ado
> warga RN nan ka jadi tapatan.
>
> Salam untuak kaluarga.
>
> mak Sati (71+00+27)
____________________________________________________________________________________
Looking for last minute shopping deals?
Find them fast with Yahoo! Search.
http://tools.search.yahoo.com/newsearch/category.php?category=shopping
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tulis Nama, Umur & Lokasi anda pada setiap posting.
- Hapus footer & bagian tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
