Dari rang gaek gaek asanyo io dek acok tataruang lalu disitu. Iko zaman dulu katu masih sahubungan jo carito bukit tambun tulang
Taruang-taruang ko tampek lintasan palarian sanak saudaro atau nan basangkuik jo rajo Pagaruyuang manuju Sirukam taruih ka Alam Surambi Sungai pagu di Muaro Labuah, katu malinteh batarungan disitu, iko ciek versi. Versi lain tarawuang-tarawuang / batangisan kalau masuak ka daerah tu, nagari dibari ranjau, asah masuak tanpa izin, lai kakanai ranjau, sudah tu diuji jo Sitaralak masih di zaman cindua mato, sairiang jo carito bukit tambun tulang. Baik musuah maupun perampok disinan dicegat urang zaman dulu. Katu parang jo Bulando dan PRRI kabanyo disinan jo banyak tantara balando jo tantara pusek diampai urang. Itu nan ambo tarimo dari nan gaek-gaek, kalau mengenai PRRI dari kawan-kawan. Rancak kito lewakan ke FB mudah-mudahan masih ado urang taruang-taruang angkatan tuo manarimo warih. Ado ciek lai mak Ngah, versi urang tuo-tuo jo, Sungai lasi, masih badakatan jo taruang-taruang ko. Lassi, sagalo nan baniek jaek masuak kasitu, tamasuak musuah, katu PRRI pun disinan jo banyak tantara pusek diampai. Mak Ngah kan alah malinteh di Sungai lasi tu, nagarinyo dalam daerah sempit katoannlah patahan semangka Solok Sawah Lunto/ Muaro Kalaban Mirip Ngarai Sianok, hanyo labiah landai tapi sampik, dilambahnyo nan ado hanyo jalan karetapi, oto, sungai, sawa agak 2,3 piriang kiri kanan sudah tu naik bukit lai. Dusikolah musuah dinanti urang. Elok kito bao ka FB mak Ngah, tantu ado urang kampuang tu bana nan manrimo warihnyo. sakitu dari ambo. wss, Maturidi -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout.
