Tarimo kasih Rangkayo Isna Huriati. Jadi ko Phto Anak Daro jo Marapulai mah nan di Taman Raya Bung Hatta ko yo? Sabalun lupo bialah MakNgah mangucapkan Salamat Manampuah Hidup Baru. Semoga Berbahagia.
Sayang tampaknyo kalau taruih ka Bukittingi hari tu juo, indak bamalam di Sawah Lunto memang payah tu. Indak ado nan kadicaliak lai. Kok ado nan kamaulang jalur tu nanti, ciek lai jalan nan dapek ditampuah dari Sawah Lunto ka Batusangka adolah malalui Talawi - Padang Gantiang - Batu Sangka nan juo marupokan scenic road. Kito danga tambahan carito jalan ko sadulang lai nanti. Tapi istirahatlah dahulu jan dipaso bana bajalan dalam kaadaan babulan madu tu. Salam, --MakNgah --- In [EMAIL PROTECTED], Isna Huriati <[EMAIL PROTECTED]> wrote: > > MakNgah nan jauah dimato dakek dihati, baraso sidang palanta nan ambo > hormati. > Pajalanan tanggal 19 Maret tu Alhamdulillah lai tajadi. Tiket untuak > pajalanantu alah lamo dibali, sabab tanggal 19 Maret tu dulu kami > bajanji dimuko angku kadi di musajik Al Azhar Kebayoran Baru , mako lah > lamo pulo dirancang manginap di Kiktinggi samalam baru kakampuang.. > Namun ka bajalan jalan ko baru takana alah dakek kabarangkek, mungkin > dek karano ambo acok pulang, lupo uda nan sakali sakali pulang, jadi kok > kamalaman di Sawah Lunto bak kecek MakNgah tapaso juo taruih ka Bukiktinggi. > Barangkek dari BIM sakiro pukua sambilan sabab nan manjapuik talambek > datang. Kami taruih manuju Sitinjau Lauik, cuaca indak basahabat > katikotu, dek karano hujan rintiak rintiak sahinggo kurang bisa > manikmati pamandangan nan indahtu ( namun dapek ambo bayangkan > karancaannyo kalau cuaca cerah ). Sampai kaparbatasan jo Kabupaten Solok > jalan banyak nan rusak, padohal jalan bakelok kelok, heran juo ambo > sabab iko kan jalan propinsi. Ngari ambo mancalaiak truk nan tinggi jo > panjangtu katiko mambelok dikelokan dimuko gubuak Sitinjau Lauik nan > partamu, sabab dikelokan tu jalannyo yo parah. Kami sempatkan singgah di > Taman Raya Bung Hatta, meskipun hujan tatap rintiak rintiak. Katikotu > pagawainyo indak ado dikantua, sadang lokakarya antah apo diaula, tapi > kami diagiah informasi ado jalan didalam Kabun Raya tu, dan ditawarkan > guide. Tapi dek karano hari hujan kami tulak, lalu kami bajalan sajo > surang. Kesan ambo adolah tampekko indak tarawat, padohal Taman Rayako > adolah objek turisme. Tabayang dek ambo kekecewaan urang nan datang > saroman pulo jo kecewanyo ambo. Ambo lapirkan 2 bh foto perjalananko, > silakan komentar pengunjuang palantako sahubuangan jo penggalakan > parawisata Sumbar, apo lagi ka ado pulo promomosi parawisata bisuakko > nan maabihkan pitih baratu?(expresi wajah ambo asli sadang didalam > Tamantu Mak Ngah, dapek manarangkan situasi Taman Raya) Ambo kuduang > disiko dulu, nanti ambo lanjuikkan. > > Wassalam > Isna > > > > > hambociek wrote: > > Ingin pulo kito danga baa pajalanan tangal 19 Maret 2008 tu, jadi > > atau indak. Takok-takok ambo kalau dari BIM pagika Duo Danau Kamba > > taruih ka Sawah Lunto, lah malam baru sampai ka Sawah Lunto. Baitu > > juo kalau barangkek dari Sawah Lunto ka Bukittinggi, jalanmaa pun > > ditmpuah ka malam pulo sampai Bukittinggi. > > > > Kalau dari SWL ka Bukittinggi malalui Tanjuangampalu ado duo atu > > tigopulo jalan bisa ditampuah. > > 1. Ka Lintau - Payokumbuah - Bukittinggi. > > 2. Bungo Sitangkai - Batu Sangka - Pd Panjang Bukittinggi. > > 3. Bungo Setangkai - Batu Sangka - Baso - Bukittinggi. > > > > Salam, > > --MakNgah --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
