---------- Forwarded message ---------- Date: Fri, 5 Mar 1999 03:39:38 -0800 (PST) From: Sjamsir Sjarif Subject: Hampia Tahun ka Tujuah di Lapau. Re: NEW Admin..
Mano Rang Lapau nan Basamo, Dalam mamasuki Tahun nan ka Tujuah Lapau kito ko, lah datang pulo Angku Daniel ka Lapau untuak maengong-engongi Tungku, nan ka mancaliak-baro baro kok ka taserak, nan ka mangampuang- ngampuangkan abu nak nyo angek, nan ka mancaliak-caliak kuali goreng nak nyo minyak angek jan sampai mangkapacak nan ka maengong-engong suok kida mananjamkan mato mancaliak pintu dapua kok tasarendeng nak jan ado Urang nan ka malucuih lalu landang masuak dari pintu bulakang. Baitu juo mangamehi pinggan jo cawan kok taserak, sarato maaia-aiai manyiram bungo di Halaman nak nyo Lapau manjadi rancak. Dari kito Rang Lapau nan Basamo iyo kito ucapkan salamaik ka Angku Daniel nan lah basadio manyensengkan langan baju baliau manjawek karajo nan mamaralukan kawaspadaan ko. Mudah-mudahan Angku Daniel sukses dalam mambaktikan diri. Samantaro Angku Daniel basiap-siap kito Rang Lapau nan Basamo indak lupo pulo manyampaikan Ucapan Tarimo Kasih ka Angku Ari Noviandi nan lah mauruih Lapau di Dapua Bulakang nan lah mancaliak pakambangan Lapau ko dalam maso-maso nan Tungkunyo sadang angek. Karajo Rang Dapua tu lah dikakok dek Angku Ari sambia manaruihkan sikola baliau. Kaduo tugeh tu lah baliau lalui jo hasil sukses jo salamat. Kito doakan kasuksesan Angku Ari dalam manaruihkan acara karya salanjuiknyo. Mudah tacapai nan dicito-cito nan direncanakan dalam malangkah maju. Samantaro tu pulo dek di bulakang ado baduo jo batiigo Rang Dapua nan mancaliak-caliak kaadaan Lapau sarato maengong-engongi Dapua kok ado pariuak jo sanduak na kabalago, antaro lain Angku Masdar jo Angku Amzar Bandaro, Kito Nan Basamo mangucapkan Tarimo Kasih ka baliau-baliau tu. Baitu juo indak lah lupo ka baliau-baliau nan puny Parumahan Lapau Mas Eddy Budisantoso (nan indak malengahkan Lapau walaupun sakutiko) jo kakak kanduang baliau Mas Sigit Budisukarta sarato Pakar Unggul dalam Bidangnyo Dr. Budi Raharjo. Salamo anam tahun ko lah panjang Pajalanan Lapau, tahun baganti maso batuka, lah babarapo kali Parumahan Dapua bapindah-pindah, lah banyak Rang Dapua nan ganti batuka. Kito ucapkan pulo Tarimo Kasih kito ka Baliau nan Basamo-samo nan lah mauruih Lapau ko sambuang basambuang nan dapek kito kunjuangi sampai kini. Antaro baliau-baliau tu Angku Darusman (dimaa lah kini?), Angku Andy Maas di Palo Alto, California, Angku Dr. Agus Daniel jo Angku Dr. Syafei Syafedi (nan lah pulang ka Indonesia, antah dimaa lah kini?). Baitu juo salam ambo ka Alumni Lapau na lah Pulang ka Kampuang Halaman sarato nan lah balega bajalan antah ka mano manaruihkan kakok surang-surang. Mudah-mudahan sukses kasadonyo. Limbak nan dari pado itu nan indak dapek kito lupokan Angku Bagindo Arisman Adnan, Pucuak Bulek Urek Tunggang, Pambangun Lapau nan mulo-mulo managakkan Lapau, nan mangatangahkan istilah Lapau jo Palanta ka Kito nan Basamo sajak dari Nagari Kansaih maso dahulu lah anam tahun langkok pulo malah kironyo. Ari Noviandi Mon, 25 Mar 2002 20:12:51 -0800 Da Miko, There is something missing in this rantau-net history, walau cuma beberapa bulan, mungkin perlu dijelaskan juga. Di quarter awal 1997 uda Dr. Agus Daniel selesai kuliahnya di WSU dan rantau-net perlu dipindahkan ke server baru, saya sendiri baru masuk list waktu itu. Kebetulan waktu itu salah seorang founding father isnet yang kebetulan orang Padang Panjang, Dr. Bakhtiar Muin mempunyai sebuah server di ITB, namanya isnet.itb.ac.id. Saya memberi tahu ke Uda Adel kalau ada server yang bisa dipakai di ITB, kebetulan waktu itu baik di WSU dan Isnet sama-sama memakai majordomo program untuk mailing list. He said OK dan uda Adel mengirimkan file list anggota waktu itu dan jadilah rantau-net pindah ke isnet.itb.ac.id dengan address [EMAIL PROTECTED] Beberapa kejadian menarik muncul pada periode yang singkat ini. - Ada semacam polemik kecil di Isnet mengenai keberadaan server isnet di itb ini antara pak Bakhtiar dan sebagian pengurus isnet di Amrik. Waktu itu Dr. H.K. Suheimi adalah kontributor isnet.org dan rantau-net dengan tulisan-tulisan beliau yang sangat khas dan menyentuh hati. Lucu juga ketika melihat tiap posting beliau mempunyai header to: ke [EMAIL PROTECTED] dan cc: [EMAIL PROTECTED], ditengah polemik kecil tersebut. - Milis rantau-net yang sebelumnya open list di wsu.edu, menjadi closed list di isnet.itb.ac.id, dan hanya member yang bisa posting. Disaat ini lah salah satu masa dimana Jusfiq St. Marajo Lelo di kick out dari list dan sempat menimbulkan permasalahan di rantau-net sama halnya seperti panggugek dikeluarkan dari list baru-baru ini. Sebagai administrator saya sempat kena blame juga dari beberapa member untuk keputusan yang keluar dari KTT ini. Pelajaran yang berharga bagi saya waktu itu. Do not ever be 'plain guy' when you deal with minangese Ari... Termasuk juga pada masa ini, segera setelah di jusfiq yang waktu itu berdomain di belanda (antenna.nl), saya memperkuat security server isnet dan bahkan sampai minta advice kepada sdr. Achmad Husni Thamrin (salah seorang perintis network di ITB, tangan kanan pak Onno Poerbo waktu itu). Hal ini dilakukan bukan takut hacking dari Jusfiq (he knows nothing about this), tapi bersiap-siap kalau dia minta bantuan any *.nl hacker, sebagai balasan dari kick out ini. FYI, Wietse Venema penemu tcp_wrapper dan program SATAN is a dutch, dan ftp.tu-eindhoven.nl/security waktu itu adalah ftp server yang mempunyai good security stuff on it, jadi beralasan juga kalau saya paranoid waktu itu. - Link ITB yang seringkali mati membuat list kadang-kadang bermasalah dalam distribusi email. Sekitar bulan July 1997 saya pulang kampung liburan, rupanya ketika itulah disaster terjadi pada network ITB. Ketika saya kembali, ITB telah terputus dari internet salama 1 bulan karena link ke Jepangnya mati. Berbekal list anggota yang ada, saya mengirim berita mengenai matinya list ini via warnet, tapi saya tak tahu apakah mail itu sampai atau tidak. Beberapa lama saya tak tahu mengenai keberadaan rantau-net dan saya menjadi administrator yang kehilangan mailing listnya, karena sebagai student, cuma university account yang bisa diandalkan waktu itu. Saya baru tahu bagaimana nasib rantau-net waktu itu ketika dosen saya, Pak Budi Rahardjo mengasih tahu kalau rantau-net pindah ke airland.com. Sejak saat itu dan sampai sekarang..rantau-net di host di server yang lebih stabil dan cepat koneksinya di tempat Pak Edy Ernadi ini (San Fransisco). wassalam .ari Sjamsir Sjarif Fri, 29 Sep 2000 11:25:33 -0700 Angku Dindo Arisman adolah urang nan partamu mambukak Lapau ko di Kansas. Namo julukan "Lapau" adolah ide dari Angku Gindo. Sadangkan kato "Rantaunet" adolah pilihan ambo wakatu kami maijo-ijo ka mandirikan Lapau ko. Sasudah satahun duo Angku Gindo jo Induak Bareh di Kansas rasonyo baliau pulang ka Pakanbaru. Hilang dari suasana Lapau. Sudah tu baliau mancogok di Nagari Inggirih diikuti pulo dek Induak Bareh Yenny Rosa sarato anak kanduang baliau. Salamo Angku Gindo absen di Lapau, ambo sabagai salah satu Urang Usali di Lapau nan taruih mangikuti pakambangan Lapau ko maengong-engoi tungku sambia mancaliak-caliak kok ado baro nan kataserak. Lapau ko ditagakkan awal 1993 nan idenyo kami ancar-ancar antaro baduo jo batigo wakatu tu jo Adidunsanak nan ado di IDS dan Isnet sajak akhia tahun 1992 wakatu suasana Puaso jo Hari Rayo wakatu itu. Salam ambo ka Adidusnanak nan basamo nan baru datang karano tambpak dek ambo salamo duo tigo minggu ko lai batambah anggota kito nan alaun sempat ambo salami. Salam, Sjamsir Sjarif Santa Cruz, California, USA Sjamsir Sjarif Fri, 29 Sep 2000 23:44:16 -0700 At 07:49 PM 9/29/00 MDT, dutamardin umar wrote: >Sjamsir Sjarif <[EMAIL PROTECTED]> wrote: >At 05:27 PM 9/29/00 +0100, Arisman Adnan wrote: > >Ass. WW., > >Manyalo saketek Inyiak Sunguik. Ambo sendiri tahu >"rantaunet" dari angku Yazid Bindar nan ikuik aktif >di Isnet tu. itu sekitar 5-6 tahun lalu. Kemudian >ambo tertarik dengan namo "Syamsir Sjarif" nan ambo >pikia tadi kawan ambo nan alah lamo indak basuo. >Ambo cubo berkenalan. Eeeh... ruponya Inyiak >Sunguik alias Sjamsir Sjarif tu urang lain. >Tapi rancak juo, ambo jadi bakatahuan jo Inyiak >Sunguik nan tingga di santa Kuruih, ditapi ombak >badabua, nan diliburan "thankgiving" Nopember mukoko >akan ambo janguak insya Allah. >Tekek alah ditangan Nyiak. 23 Nopember ambo turun >di Frisco. kamudian akan manurun ka Silicon Valley, >taruih mangalencong untuak basua Inyiak. Mano tau >ado "sala luk busuak" cando di Piaman tu. Satalah tu >ambo taruih manyisia ka Monterey katampek adik. >Tangga 26 ambo baliak ka Washington, DC kembali >via Frisco. > >Ado ciek tanyo ambo : Kato "adidunsanak" tu apo >ado hubungannyo jo "adidaya". Kalau ado tantu artinyo >jadi "super-dunsanak". Iyo indak? adidunsanak. > >Wassalam >Ajo Duta >Washington, DC > Aahaa, alah amancogok Ajo Duta, satu-satunyo nan sabana Duta sajak baliau dilahirkan dan tatap manjadi Duta salamo-lamonyo, kan yo baitu Ajo Duta? Kapado Rang Lapau nan baru-baru manggabuang, ambo tambahkan nan bahaso Angku Dutamardin Umar nan kito panggiakan Ajo Duta ko iyo salah saruang lai Rang Lapau kito nan anggota lamo nan ado mancigok-cigok tungku dapua kito. Kadang-kadang baliau bajalan-jalan ka bulakang. Kapatangko lai sampai pulo ka Piaman. Sanang ambo Ajo manambahkan manganakan kito ka namo Angku Yazid Bindar sabagai salah satu Rang Lappu Usali nan kami samo basuo tadinyo jo dunsanak-dunsanak nan lain di Isnet saroman. Angku Yazid di Kanada wakatu itu kini ko Dr. Yazid Bindar adolah panulih mulo-mulo tantang Rantau Foundation. Sayang saroman banyak anggota kito nan lah lah lamo pulang ka Indonesia salasai sikola di Lua Nagari jarang nan masuak ka Lapau kito. Ambo raso baliau-baliau tu sangaik sibuak dalam proses "readjustment" panyasuaian diri baliak wakatu pulang kampuang jao karajo nan diadoki. Banyak alumni lapau kito nan lah bagala gadang, PhD na kini bamukim di Indonesia. Sabagian ado nan lah masuak di Lapau baliak sabagian masih di Lua. Dengn lancarnyo pamakaian komputer ko, ambo doakan baliau-baliau tu baliaak rindu ka Lapau dan mudah-mudahan basuo jo kito Nan Basamo baliak. Balai ka rencana pajalanan Ajo Duta, lah tapek tu mah. Lah ado tiket, lah tampak jalan di Map, lah ado niaik kito ka basuo. Mudah-mudahan kito basuo dalam rencana tu. Nanti kito bahubuangn jo jalua paribadi manganai itu. Manganai istilah "Adidunsanak" memang istilah baru di ambo. Ambo parajai istilah ko dari Angku Sjamsir Alam, Rang Singapur (Sungaipua) nan kini di Singapur tu bana. Sabalun baliau katangahkan istilah tu, ambo mamakai kato "Dunsanak" atau "Sanak". Ambo sangko istilah "Adidunsanak" tu kato- kato baru nan bakambang saairingan jo bahaso-bahaso di Selatan (Subarang Lauik) tu nan banyak pakai kato "adi" saroman nan Ajo katangahkan tu. Tapi manuruik katarangan Mak Sati, kato "Adidunsanak" ko adolah kato asli di Sungaipua na dialamatkan ka "dunsanak-dunsanak" oleh urang-urang nan alah baumua. Kato "Adi" tu sandiri adolah samo jo "Adiak". Ambo kenal jo kato "Adi" sabagai "Adiak" karano kami di Ampek Angkek atau di Agam Tuo umumnyo memang mamakai kato tu. Tapi kombinasi "Adi" jo "Dunsanak" manjadi "Adidunsanak" bagi ambo adolah "labo galeh" nan ambo dapek parajai dari komunikasi ota kito di Lapau ko. Barangkali kok dicaliak, barangkali ambo jo Mak Sati nan acok mamakai kato Adidunsanak ko di Lapau kito ko karano kami memang alah urang gahat-gahat. Ambo maraso maadreskan "Adidunsanak" ka nan mudo-mudo rasonyo labiah manis sabagai tambahan atau variasi dari "Dunsanak" sajo. Tapi katigo-tigonyo Dunsanak, Sanak, jo Adidunsanak ambo paakai untuak panuka-nuka bungo bahaso dalam maalamatkan bicaro ka nan basamo di Lapau ko. Jadi itulah kiro-kiro katarangan nan dapek ambo katangahkan manganai kato "Adidusnanak" tu. Mak Sati, tolong peloki dan tambahkan kok lah pulang dari kampuang beko dih? Mungkin ado Adidusnanak nan sadang maanguak-angguak di Suduik Lapau ko ka manambahkan katarangannyo tolonglah soraki kami. Sakitulah dahulu. Salam, Inyiak Sunguik --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
