Assalamu'alaikum warahmatullahi wabarakatuh, Tarimo kasih banyak Angku Jefry Zein di Doha, Qatar, Taluak Farsi, Budo Nismah jo Angku Darul di Batawi, Angku Adyan di Pandai Sikek, Lereng Gunang Singgalang, Panjago Kapundan Gunuang Marapi di subalah Timurnyo, Rang Lapau nan Basamo, sarato Adidunsanak nan mangirim email ka jalua paribadi dan sms dari kuliliang jagat.
Iyo, alhamdulillah alah disampaikan Allah pulo niat untuak mandayuang bakayuah baranang panjang 74 laps (74 x 50 yards) non-stop,2 jam 5 minit pukua 6 pagi hari Jumaat 18 April 2008. Tacapailah ganok umua 73 tahun (1935-2008). Baranang sabanyak umua dilabiahi 1 lap lai untuak panjapuik ranang panjang tahun datang pado tanggal nan samo. Mudah- mudahan Allah s.w.t. manyampaikan niat juo dengan memberikan kesehehatan nan fit untuak itu nanti. Tradisi baranang laps (bolak baliak) di kolam ranang panjang 25 yards alah manjadi tradisi pribadi sajak muloi umua 47 tahun. Baranang pado hari lahia pukua anam pagi dengan jumlah laps sabanyak umua, tambah satu lap untuak panjapuik tahun nan kadatang kok disampaikan Tuhan. Dimuloi dengan basmallah, satiok lap digunokan untuak maninjau kenangan bayangan pangalaman pribadi satiok tahun, maninjau sejarah hiduik dari awal dalam kanduangan Ibu. Salasai baranang diakhiri dengan hamdallah. Inya Allah sampai kini lai dipalakukan Ilahi kandak dan niat tu. Walaupun iko adolah misi paribadi untuak kasehatan dan ketenangan jiwa, namun ambo badoa mudah-mudahan Adidunsanak Kasadono dapek manjago kasehatan badan dan rohani awak dengan gerakbadan teratur sesuai jo kamampuan dan kegembiraaan surang-surang, manjago makanan dengan teratur, bertawakkal kapado Ilahi dengan penyerahan diri kapado Allah s.w.t. dima sajo kito ado di dunia fana ko. Mudah-mudahan Tuhan tidak malupokan kito dengan bimbiangan dan petunjuakNyo. Amin. Salam, --MakNgah Sjamsir Sjarif Di Tapi Riak nan Badabua Santa Cruz, California, USA --- In [EMAIL PROTECTED], "Darul M" <[EMAIL PROTECTED]> wrote: > > Salamat Ulang tahun yo mak Ngah. Kayauah taruih nan mambuek badan sihaik. > Sihaik taruihlah mak Ngah handakno. > > Salam > Darul > -- --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
