Selingan baliak dunsanak sapalanta
diantaro diskusi sanak...
semoga berkenan..mat baca...Andi J
----------------------------------------------------
500.000 Tonggak
Oleh : Ir. Andi Jupardi
Tasabuik sebuah kisah di Kerajaan Antah Berantah (AB)....tantunya..syarat
nagari harus punyo tantara...nah..ado sebuah komplek tantara di muko jalan
umum, jalan utamo balalu lalang kendaraan satiok minik. Nan komplek ko..dimuko
jalan bapaga kawek baduri..jo tonggak satiok 5 meter..nan panjang paga
ko..mahadok jalan ..yo..panjang lo.
Jadi..nan kendaraan harus lewat dimuko ko yo..harus lambek-lambek, lah
dibuek rambu max 20 km /jam..maklum daerah terbatas..antah apo dasar
hukumnyo..antah lai bapayuang hukum nagari ko (namonyo sajo kerajaan antah
barantah) ... Padia se..lah tantara kerajaan antah barantah.ko indak awak
pikiakan bana.
Nan panjago hariannyo.yo ganas-ganas..satiok..ado nan mambuek kesaalahan di
muko jalan komplek tu..iyo kanai tangkok..kadang inyo strab balari-lari di
paneh tanga hari , kadang-kadang..ado nan tatangkok dek mambaok oto labiah
kecepatannyo nan ditantukan, lalu sopirnyo ..di panggia..bisiak-bisiak mesra
saroman lirik lagu dang dut.....lah bapindah kantong fulus tu..suruah
malanjuikan perjalanan.
Tasabuik kisah , ..si Mantoya..se..awak agiah namonyo. .mungkin dek inyo
pambalap jalanan ..fans pembalab F1 Juan Pablo Montoya. .nan sok jago balab se
di jalan..kok disurauh di galanggang..nggak ada tantangan..keceknyo..
Cilako si Mantoya ko..Inyo bae mambalap ..dimuko..komplek tantara kerajaan
antah barantah ko Sarupo setan diburu hantu..(bayangin aja ndiri..gimana setan
ama hantu main kejar-kejaran..tu..manyalip lo..drakula..dari balakang) lari
otonyo tu..lah 6 kali dari kecapatan maksimal nan diagakan dikomplek tantara
kerajaan AB ko.
Yo taburansang..berang..petugas harian nan piket di Pos penjagaan komplek
tantara ko, ..inyo lapehkan tembakan paringatan ka udara..lah inyo walky
talky..lo petugas nan di pos ujuang jalan.komplek
Barantian..paja nan sarupo setan tu..keceknyo ka anak buah di pos terakhir..
.Siap.Ndan...yo..ambo ambek sia.....hantu jalanan..ko kurang ajaiir (saking
hantunyo kali)
Nan Mantoyo..yo..cameh mandanga sinapan babunyi...raso ka putuih
jantuangnyo..tapaso inyo malambekan otonyo, ditangkok dek petugas jago pos
terakhir..diujuang jalan komplek.
Kama mato waang..ndak ang caliak..rambu tu..
dimuko waang ko..urang basiragam..tahu waang goblok..sia apak waang ado nan
waang panggakan (gamang..lo petugas ko..maklum kerajaan AB..ado juo beking
mambeking)..
Indak ado..pak..ambo anak toke..kayu..pak...si Ahok...(toke kayu..kelas
sedang..la si ahok ko..indak dikenal bana jo pejabat kerajaan Antah
Barantah..tapi bakepeang juo..buktinya..si Mantoyoa..mentang-menteng..dijalan
pakai oto sedan mode..anak mudo..nan ceper untuak Drag Race tu)
Sabanta..waang..malanggar peraturan komplek tantara kerajaan AB,..mancongkong
waan disinan..tangan dikapalo...
.iyo..iyo paaakk..
lah manggigia badan si Mantoya..ruponyo bagak di jalan umum..lo paja..ko,
digaretak urang gaca lo inyo
Patugeh di Pos terakhir tu inyo kontak Komandannyo jo Handy Talky
..Ndan berita padek.....bakepeang anak kalera.hantu balang jangjang .ko..anak
katurunan nagari Tiong Has.
.Otonyo..yo sabana mentereng..nampaknyo...
angku olah..inyo..bia makan jo ayam awak hari ko..lah panek den tiok hari
makan..tempe..katempe sajo..tu..ikan asin...taragak waden makan di rumah makan
si Gadih..nan kamek..tu baleh komandan ko malalui HT
(gata lo komandan ko..padahal anak lah limo..di rumah).
sarupo..biaso caronyo..mangarati..kan
Siap-siap ndan
Oi..kasiko waang..jadi nan kecek komandan.waden,....waang kanai strap..ma
ituang..bara jumlah tonggak paga kawek baduri tu..mulai dari pos
partamo..sampai pos waden terakhir..ko.
iyo..iyo..ppaaaaakkkk (masih manggigia juo si Mantoya ko)..
Lah mulai si Mantoya..maituang..ciek tonggak. 2tonggak..
3 tonggak......4..5..........147 tonggak di pos terakhir
nan petugas..di pos terakhir..batanyo ka si Mantoya
bara..banyak tonggak tu..
147 pak ..
cubo ang pai malapor ka komandan den..inyo punyo pistol di pinggang tu.
iyyyyyo..iiyyyyyo pppaakkk.
lapor Pak..Bos komandan 147 tonggak paga komplek tantara ko..
Bara 147..salah..waang ..etong baliak
lah inyo ulang..maetong dek Mantoya, yo 147 tonggak juo. Nan komandan tengik
ko tetap juo manyalahkan ituangan Mantoyo..inyo suruah ulang taruih maetong
tonggak ko.
Ituangan tonggak Mantoya lah inyo catatat bana di karate nan jumlahnyo ndak
kurang ndak labiah 147..buah tonggak paga komplek tantara ko
lah ampia pingsan si..Mantoyo ko..dek mandar-mandir maituang tonggak ko,
baulang-ulang tapi ituangannyo tetap salah dek Komandan Jaga ko
Akhirnyo di Pos terakhir lansuangnyo taduduak, badan taraso oyong ka
Pingsan.....inyo cubo mangecek jo angok lah ciek duo sasak..
.Batua pak 147.tonggak..lah panek ambo..lah bara kali ulang dek apak..tu..
Siko-siko..waang..minumlah dulu..bia tanang waang saketek..ko ado sisa..minum
jatah den batugas..
iyo..pak mokasih alah awih ambo...lai perai teh manih bakeh apak ko
Minum se lah..banyak lo tanyo waang mah..
lah..ndak babintang lai diateh kapalo waang..tu.
.indak pak tapi ado kunang-kunang..diateh palo ambo ko baputa-puta
beko tabang surang tu kunang-kunang diateh kapalo waang nan gadang tu
jadi baa..pak..ka maetong ulang lo baliak ambo tonggak tu, ndak talok ambo
lai doh.
Siko den bisiakan ka waang...
apo tu..pak..
Siko talingo waang nan leba tu den bisiak kan dakek-dakek stek
beko..tadanga..lo bisiak den ko dek urang pakak..iyo lo keceknyo
Babisiaklah patugeh pos terakhir ko...ujuang bisiaknyo sajo tadangan..tuih
ribu
alah mangarati waang..alah..alah apak basiragam
kini pai angku..ka komandan den kecekan bantuak itu.
Lah pai si mantoya malapor ka komandan Jaga ko
lapor pak Bos Komandan
apo.
.lah ambo ituang baliak bara tonggak paga
147 juo salah..ulang baliak..
indak bos komandan (alah bos pakai komandan lo...tu dek takuik
Mantoya..apolai inyo katurunan dari nagari Tiong has)..
lah barubah ndan
bara cubo den danga..
jadi banyak tonggak paga ko ndan 500.000 tonggak
..lai santiang waang ma..manga ndak dari tadi..lah ampiang pingsan den caliak
waang dek maituangnyo..tu baru batua..jumlah tonggak tu..ma..nyo......kasiko
waang dulu kadalam pos, sambia minum teh manih jatah waden ko.
lah bapindah kantong nan Kp500.000 tadi dari kantong si mantoya ..ka saku
siragam komandan. (Kp ko mato pitih kerajaan antah barantah singkatan dari
Kepeang)
lah ko kunci oto waang..lambek..lambek..jalan..kok ado urang batanyo ang
kecekan..sajo..waden mambuek salah tadi..tu disuruahnyo waden dek
tantaravkomplek tu maituang tonggak..nan jumlahnya tatakok dek aden 147
tonggak salasai urusan.lah..jaan lupo ndak..
iyo..iyo pak,
kalera tantara komplek ko mah lah kanai den Kp 500.000, baru inyo kecekan
jumlah tonggak tu batua 147, si Mantoya manggarutu dalam hati
yo la sansai tantara kerajaan antah barantah ko..lah kanai si mantoya Kp
500.000 untuak uang palicin bebas dari hukuman.
Antah baa..lah kerajaan ko..nan panuah...jo sogok manyogok. pitih semir..
pitih administrasi, ..Pitih stempel..pitih rokok
piti tandotangan..piti..blangko.piti palicin....yo..lah hancur..hancur..moral
kerajaan antah barantah ko mah
September 2006
---------------------------------
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tulis Nama, Umur & Lokasi anda pada setiap posting.
- Hapus footer & bagian tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
