| Assalamualaikum w.w. Sanak Anggun dan para sanak sa palanta, Jiko dipikia-pikia, sabananyo ado duo buah Minangkabau, nan kalau buliah ambo salang istilah Bung Hatta dulu, dapek dinamokan "Minangkabau dalam Dichtung' atau Minangkabau dalam Mimpi atau dalam Angan-angan, nan tantu sajo sabana rancak sasuai jo pepatah dan petitih, dan Minangkabau dalam Wahrheit' atau Minangkabau dalam Kanyataan, nan banyak bana bedonyo jo Minangkabau dalam Mimpi tu. Cakak banyak sampai mambaka rumah sarupo serangan urang Saning Baka tu.adolah Minangkabau dalam Kenyataan. Baitu juo kaluhan para wisatawan tantang kurang ramahnyo sanak kito di Ranah maso kini. Sajak 2004 nan lalu ambo sabana tatarik untuak mangungkap Minangkabau dalam Kanyataan ko. Untuak samantaro ambo maambiak kasimpulan bahwa Minangkabau dalam Kenyataan manganduang sabana banyak masalah, sabagian marupokan masalah ketek-ketek sarupo kurang ramah di ateh tadi, sabagian lain masalah gadang dan mendasar, nan dalam istilah kampus akan disabuik sabagai 'masalah konseptual, sistemik, dan struktural', sarupo masalah ABS SBK. Ambo memang agak heran, karano sanak kito di Ranah tanang-tanang sajo sarupo indak ado masalah samo sakali. Banyak wacana kito di RN ko indak ado gauangnyo di Ranah, kacuali kalau sacaro resmi dibuek surek bana dan diadokan patamuan jo BA 1 untuk manindaklanjutinyo, sarupo perumusan ABS SBK nan ini sadang dilakukan dek Tim Perumus, nan marupokan lanjutan dari Lokakarya Parang Paderi di gedung Arsip Nasional tanggal 22 Januari 2008, nan salanjuknyo marupokan tindak lanjut pulo dari Semiloka Perlindungan Hak Masyarakat Hukum Adat Minangkabau tanggal 18-21 Juni 2007 di Universitas Andalas, Padang. Ambo raso, Minangkabau sacaro manyaluruah mamaralukan samacam 'general check up' -- indak malalui seminar, lokakarya, atau sarasehan, tapi malalui riset dan survai -- nan kudian ditindaklanjuti malalui penelitian berlanjut tentang masyarakat yang punyo sistem nilai dan sistem sosial nan unik iko. Kabijakan dan kaputusan nan diambiak kudian paralu didasarkan pado hasil riset dan survai tu. Gagasan ambo ko alah ambo sampaikan sacaro informal suok kida, namun alun ado nan tatarik lai. Sudah barang tantu, salamo kito alun punyo data dan fakta konkrit tantang baa sabananyo Minangkabau dalam kenyataan tu, nan kito bahas adolah Minangkabau dalam Mimpi. Kito akan salalu takajuik-kajuik manarimo kaba tantang Minangkabau dalam Kanyataan. Sia sanak nan bana-bana basadio malakukan panalitian balanjuik tantang Minangkabau dalam Kanyataan tu ? Apo paralu kito undang baliak Dr Mochtar Naim -- anggota DPD RI wakia Sumatera Barat -- nan dalam tahun 1970-an dulu panah mamprakarsai pambantukan 'Center for Minangkabau Studies' ? Wassalam, Saafroedin Bahar (L, 71 th, Jakarta) --- On Thu, 5/1/08, anggun gunawan <[EMAIL PROTECTED]> wrote: From: anggun gunawan <[EMAIL PROTECTED]> |
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet.
- Tulis Nama, Umur & Lokasi anda pada setiap posting.
- Hapus footer & bagian tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur pribadi.
- Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di: https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
