Bana, Pak Saaf. Mungkin iduik di ma sajo, yo di rantau, yo di kampuang, makin lamo makin sulik untuak nan alun dapek jalan mato pitih. Sagalo nan manangah ka bawah abih tapakiak. Indak ado nan bisa disalahan. Situasi ko agaknyo lah nasional atau global? Untuak nan mudo2, indak mudah juo mancari iduik bawirausaha sasudah tamaik sikola. Pelatihan nan diagiahan ka mereka, saketek banyak pasti manolong mambukakan pangana mereka. Namun, konstelasi dunia usaha saaik kini ko juo indak manunjang. Sadangkan nan lah baurek tunggang di dunia iko lai bapikia sapuluah kali untuak mambukak usao baru di kampuang halaman. Apo nan ditulih IJP kapatang tu sabana batua. Mungkin nan sabana bulek sumangaiknyo dan faktor2 pandukuang untuak bausao lai indak jauah dari jangkauan bisa berhasil balambek-lambek.
Masalah nasional adolah wisudawan nan indak potensial untuak lapangan kerja (nan lai sambuah tabukak tiok saaik) bapuluah ribu jumlahnyo tiok tahun. Majalah Tempo nan tabik Sinayan kapatang ko mambahas masalah ko. Nan potensial dan jurusannyo match jo lowongan nan tabukak, malah diijon dek perusahaan raksasa, co nan ba IPK diateh 3 untuak jurusan perminyakan, pertambangan, IT, sekretaris, akuntansi, manajemen dari PT nan lah mamacik kualitas, nan dinamokan Tempo Favorit 11. PT Sumbar nan masuak dalam Favorit 11 ko cuma Unand, itupun cuma untuak bidang pertanian. Cubo etong bara ribu alumni PT di Sumbar, negeri jo swasta, dari sakian puluah PT nan indak potensial masuak ka dunia kerja nan tabukak, dan .... jadi penganggur batahun-tahun. mak Sati (L. 71+2+1) Tabiang ----- Original Message ----- From: Dr.Saafroedin BAHAR To: [email protected] Cc: Warni DARWIS Sent: Saturday, May 03, 2008 5:26 PM Subject: [EMAIL PROTECTED] Re: Belum Maju, Kampuang Alah bagolak pulo..----> ado duo macam Minangkabau Tarimo kasih mak Sati. Ambo satuju jo saran Mak Sati. Ado laporan ketek, ado surang baduo panguruih Gebu Minang nan ka mambuek obyek wisata di Kayu Tanam. Tantang ambo surang, iyo basorak-sorak sajo nan dapeknyo, karano kito kan alah samo-samo pansiun. Umua alah kapalo tujuah. Mato alah kabua, kulik alah kandua, gigi alah ngungua, ingatan alah ilang-ilang timbua, he he :=)). Bak kato Bung IJP dan Zulfan, masalah dasar kito di Ranah adolah ekonomi nan stagnan. APBD tagantuang ka APBN Pusat. Sumbangan dari Rantau nampaknyo manurun, sasuai jo sariknyo iduik di Rantau. Sampai sakian jauah, alun nampak tarobosan lai. Akibaiknyo taraso ka sagalo sanak sudaro kito sadonyo, tamasuak sanak sudaro ambo. Sacaro pribadi paniang kapalo ambo kini mamikiakan tigo urang adiak kanduang ambo di Ranah -- basarato anak-anaknyo nan alah bujang-bujang -- kini manganggur, dan dibalik utang suok kida. Anak kanduang ambo nan jadi pagawai Kanwil Depsos juo kalimpasiangan karano gajinyo indak cukuik untuk mambayia biaya anak sikola, sahinggo sasakali tapaso juo ambo bantu dari tabungan honor-honor maaja dari Rantau. Ka ambo jua rumah ambo di Jl Tan Malaka Padang alun juo laku-laku sampai kini. [Kok lai tajua, rencana ambo ka ambo investasikan ka bidang pertanian di Ranah juo, indak ka ambo angkuik ka Rantau doh.Jadi mambukak lapangan karajo. ]. Saran Mak Sati supayo urang Rantau bainvestasi ka Ranah indak mudah bana malaksanakannyo dalam jumlah besar-besaran. Kasimpulan FSSM nan lalu kan akan mandidik nan mudo-mudo untuak bausaho. Ka didorong pariwisata -- nan indak banyak modalnyo tapi mambuka kamungkinan manambah panghasilan -- urang awak ko panyarengeh, kurang ramah. Jadi : iyo kamari bedo. Wassalam, Saafroedin Bahar (L, 71 th, Jakarta) --- On Sat, 5/3/08, Sjamsir Alam <[EMAIL PROTECTED]> wrote: From: Sjamsir Alam <[EMAIL PROTECTED]> Subject: [EMAIL PROTECTED] Re: Belum Maju, Kampuang Alah bagolak pulo..----> ado duo macam Minangkabau To: [email protected] Date: Saturday, May 3, 2008, 4:40 PM Pak Saaf jo sagalo adidunsanak jo anak kamanakan di salapan pinjuru angin nan ambo hormati, Memang tukamari bedo Pak Saaf. Ambo sangaik awam dalam bidang iko. Apo lai di ambo, kok tangan lah singkek untuak manjangkau, kok kaki lah manggaretek untuak malangkah. Cuma manuruik pikiran awam ambo ko heh, sagalo adidunsanak jo anak kamanakan nan kini lai punyo kamungkinan mambuek sesuatu di kampuang halaman nan indak ka bagantuang jo para decision makers dalam marealisasikannyo, lansuang se lah wujuikkan. Co nan lah mambuek usao di kampuang tu, hotel, mall, toserba, angkutan, dsb nan padat karya kecek rang kini. Kok nan maraso mutu pendidikan randah, bueklah sikolah nan labih santiang dari nan lah ado, kok taraso layanan rumah sakik mambuek pasien tambah sakik, bueklah rumah sakik nan ikik pado nan ado kini. Pokok-e nama nan bapitih, investasikanlah kepeang tu di kampuang halaman. Nan basorak-sorak pakaro sektor pariwisata, cubo tajun ka Sumbar ko mambuek salah satu obyek wisata nan bisa memicu dan memacu pemda untuak mairiangkan langkah tu di tampek lain. Pakaro hambatan, kesulitan, rintangan nan sabagian basumber dari para birokrat atau anak kamanakan awak di kampuang, bersiaplah maadok-i tantangan ko. Kok iyo laluan, kok ukan tukai. mak Sati (L. 71+2+1) Tabiang ----- Original Message ----- From: Dr.Saafroedin BAHAR To: [email protected] Sent: Friday, May 02, 2008 9:36 PM Subject: [EMAIL PROTECTED] Re: Belum Maju, Kampuang Alah bagolak pulo..----> ado duo macam Minangkabau Batua, Mak Sati. Stir ado di tangan BA 1 di tingkek propinsi, kabupaten, dan kota. Ambo ikuik badoa sumago baliau-baliau barhasil manunaikan amanah urang banyak. -------------------------------------------------------------------- Be a better friend, newshound, and know-it-all with Yahoo! Mobile. Try it now. -------------------------------------------------------------------- ------------------------------------------------------------------------------ Be a better friend, newshound, and know-it-all with Yahoo! Mobile. Try it now. ------------------------------------------------------------------------------ No virus found in this incoming message. Checked by AVG. Version: 7.5.524 / Virus Database: 269.23.8/1412 - Release Date: 5/2/2008 4:34 PM --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
