Maa Jo Duta sarato Rang Lapau nan Basamo,
Asalamualaikum warahmatullahi wabarakatuh. Kalau Joduta kapai ka Pakanbaru untuak baoto-oto sajo, dari Padang ka Pakanbaru, salapan jam iyo bosan dan malatiahkan badan. Ka baliak pun dietong iyo lah rangkik-rangkik badan. Kalau ado tujuan utama nan lah dicito-citokan sabalunnyo iyo rancak dipanuhi. Tapi kok ka mancaliak Pakanbaru sajo, apolai untuak mancaliak pambangunan Mall "moderen" dan Hotel Indah, ambo raso Joduta ndak paralu barangkik-rangkik bana ka sinan doh. Ambo takok, Joduta lah pasai jo minal mall-ilal-mall ko. Tapi kalau ka mancaliak rancaknyo Kampuang Halaman nan indak tatampuah salamo ko, ambo sarankan gunokanlah wakatu labiah dari duohari pulang baliak. Pakailah caro bajalan sambia barangah manikmati pamandangqan indah, dima tampak pamandangan nan interestiang, baranti lah sabanta manikmatinyo, kalau paralu bakodak-kodak jo Rangkayo, karano mungkin indak taulang duo kali kaindahan dan impressi suatu katiko tu. Kalau ado wakatu labiah dari duo hari, ujolah jalan agak ampek atau limohari. Karano jalan "luruih" (straight forwward) Padang Pakanbaru lah acok ditampuah urang, rancak diambiak jalan babega, untuak kenangan, agak manyimpang dari jalan urang manggaleh. Di bawah ko ambo ancar-ancar jalan Joduta sacaro bertahap. Hari-1: Padang - Solok - Sawah Lunto. Barangkeklah agak pagi dari Padang. Jalan Padang - Solok sangat indah, kalau namuah masuak sabanta ka Hatta Park. Sudah tu taruih ka aia Sirah, makanlah di sinan ri Dendeng Batokok nan lah lamo tamusahua dari sinin. Sambia lalu, semba buah marquisa di suduang-dudang jalan, untuak dikacok-kacok di oto di jalan nanti. Dari Aia sirah sapai-sampai ka Solok pamandangan indah disalo-salo nagari-nagari, sawah-sawah, gunuang-gunuang. Kok ka singgah di Kota Solok, jan lupo manyemba tapi jan dirameh "Kareh-Kareh". Lapeh dari Solok, Sungai Lasi sudah tu tantu tapaso baranti pulo di Silungkang nan lah banyak dicaritokan di Lapau ko. Sampai di Sawah Lunto mungkin masih siang, rancak dicaliak pulo kota tu sabanta. Kalau paralu bamalamlah di SawahLunto. Hari-2. Dari siko tujuan ka Payokumbuah ado duo jalan nan bisa ditampuah. 1. Sawahlunto - Talawi - Padanggantiang -m Batusangka - Tabek Patah (jan lupo jo Panaoramanyo) - Tanjuangalam, Barulah, Situjuah, - Payokumbuah. 2. Sawahlunto - Muaro - Kumanih - Lintau - Alanglaweh - Gaduik Pasarobaa - Batangtabik - Payokumbuah. Kaduo arah tu rancaknyo kato mangatoan, tasarah nan maa nan ka dipiliah. Saroman angku Elthaf mangecekan, istirahatlah di Payokumbuah, atau kalau namuah barehat, kabanyo ado guest house di Harau. Hari-3. Barangkeklah pagi dari Payokumbuah. Pajalanan pamandangan rancak lapeh dari Payokumbuah rasonyo sampai Bangkinang, lapeh dri sinan mandede sajo lai. Sabalun Bangkinang kalau nio maherak ka Muaro Takus. Hari-4. Pekanbaru - Lipekkain, Loge - Lubuak Jambi - Muara Lembu. Bamalam di Muara Lembu, etong wakatu, kalau masih ado sianghari taruihlah ka Sijunjuang, malam sinan. Hari-5. Muara Lembu - atau Sijunjuang - Sawahlunto - Solok - Sisngkarak. Kalau rancak hari dan masih siang, dari Singkarak maheraklah kateh saketek ka Aripan - Tanjuang Balik - Sulik Aia - Sumawang - Umbilin. Sudah tu ka Padangpanjang tasarah ka baliak ka Padang ka Bukittinggi atau ka Pariaman. Itu sakadar angan-angan di hari Minggu ko. Salamat manikmati Kampuang Halaman. Salam, --Nyiak Sunguik --- In [EMAIL PROTECTED], "ajo duta" <[EMAIL PROTECTED]> wrote: > alaikumsalam dinda Zainul > > Insya Allah, mudah2an kito basuo. > > ajoduta > > 2008/5/7 Akhir, Zainul (zainula) [EMAIL PROTECTED]: > > > > Assalamualaikum Ajo Duta, > > Ambo baru buka emailnyo pagi ko dan kami sangaik sanang dengan rencana > > kunjungannyo ka Pakanbaru . > > Untuak pajalanan darat dari Padang ka Pakanbaru menurut kondisi normal > > sekitar 6-8 jam karano jalan untuak bulan Juni sudah cukup bagus ( > > sekarang lagi diperbaiki antara perbatasan Riau dengan Payokumbuh ). > > Kalau butuh kendaraan bisa menghubungi Uni Djan ( Ketua MAPPAS Sumbar > > )HP : 0811662525 karano beliau siap kapan sajo mambantu kito dan liauko > > hampia tiap bulan ka Pakanbaru karano anak dan manantu beliau dokter di > > Pakanbaru. > > Ambo baru pulkam ka Piaman hari Sabtu kapatang hanyo makan waktu tempuh > > sekitar 5 jam karano Ajo ipar ambo berpulang kerahmatullah di Desa > > Sampan Pungguang Ladiang Kota Piaman. > > Perjalanan Padang Pakanbaru sangat niakmat karano pamandangannyo indah > > apolai kalau kito lakukan siang hari . > > Jan sampai lupo mahubungi kami kalau lah sampai di Pakanbaru dan ambo > > akan mambao Ajo Duta khususnyo mancaliak komunitas Mapia nan ado di > > Pakanbaru dan sakaligus menyaksikan pembangunan Masjid Raya PKDP > > Pekanbaru yang berlokasi dibelakang Hotel Ibis dan Mall SKA Pekanbaru > > dengan luas lahan 2.5 hektar. > > Insya' Allah di Pakanbaru akan menjadi kenangan tersendiri buek Ajo duta > > karano paduduak Pakanbaru isinyo mayoritas Minang dan raso dikampuang > > kito . > > > > Wassalam, > > Zainul Akhir Tanjuang, 45 Th+ , Pku > > HP : 08127532239 > > > > -----Original Message----- > > From: [email protected] [mailto:[EMAIL PROTECTED] On > > Behalf Of ajo duta > > > > Sent: Thursday, May 08, 2008 6:58 AM > > To: [email protected] > > Subject: [EMAIL PROTECTED] Re: Tanyo Padang - Pakan Baru > > alaikusalam dinda Elthaf, > > > > Niek hati memang untuak basu jo sanak di Pakan, sambia menikmati > > pemandangan di jalan. Tapi > > 8 jam iyo bapikia baliak. Insya Allah basuo awak. > > > > ajoduta/61 > > > > 2008/5/6 Elthaf (elthaf) [EMAIL PROTECTED]: > > > > > > Waalaikum salam wr.wb., > > > Mak Duta, sabananyo ndak jauah doh, iko triknyo... bia ndak boring, > > > anggap sajo jalan-jalan sampai payokumbuah dulu, dari PYK ka Pakanbaru > > > > > 4 jam, jadi raso-raso 4 jamnyo, he..he.., Kok ka Pakanbaru jaan lupo > > > kontak ambo, mudah-mudahan bisa basuo jo rang RN di Pakan. Nio lo awak > > > > > batatap muko jo Mak Duta. > > > Wassalam, > > > Elthaf, 47 Th Pku > > > -----Original Message----- > > > From: [email protected] [mailto:[EMAIL PROTECTED] > > > On Behalf Of ajo duta > > > Sent: Wednesday, May 07, 2008 10:03 AM > > > To: [email protected] > > > Subject: [EMAIL PROTECTED] Re: Tanyo Padang - Pakan Baru > > > > > > Tarimokasih Sidi ateh infonyo. > > > Ondeh lapan jam. Bapikia ulang ambo jadinyo ka jalan darek. > > > Wassalam > > > 2008/5/6 sidi macho [EMAIL PROTECTED]: > > > > Wa'alaikum salam Pak Duta yth --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Hindari penggunaan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
