Assalammu'alaikum Wr. Wb.
Katiko ambo manghadiri undangan dunsanak ambo di RantauNet untuak acara
bakumpua di Kubang Saharjo Kamih malam tanggal 15 Mei 2008, ambo maraso sarupo
babaliak kito ka maso2 jaman sajarah nan dahulu pernah ambo baco di buku-buku
sajarah PSPB ambo nan alah usang.
Sabagai dunsanak baru di Rantau Net iko..ambo paralu banyak mandanga, nan
mancaliak dahulu..baa bagitu sumangaiknyo sanak-sanak ambo nan hadir malam tadi
itu.. untuak mangamukokan bagitu banyak kainginannyo..untuak kampuang halaman
dan Urang Minang nan harus maju.
Dari yang hadir itu ..ado nan dari urang panggaleh..(urang balai),
pengamen..urang nan kasurau..akademisi..tukang
kaba..politisi..birokrasi..tamasuak advokaik mudo sarupo ambo nan baru mampijak
kaki di rantau koh..dan bamacam-macam karajo lah yang dipacik oleh dari nan
hadir malam itu..
Ado dari kalarehan Bodi Caniago dan ado dari kalarehan Koto Piliang..ado dari
darek asal kampuangnyo dan ado pulo dari pasisia.. ado nan salasai sikolahnyo
sampai tinggi dan ado nan sakadar dapek sikolah..sajo..ado nan dapek sikolahnyo
di tampek2 nan resmi dan ado yang basikolah jo alam takambang jadi guru..
Namo sajo nan bakumpua urang mudo..tantu kasadolahnyo..kareh suaronyo..dan
Kubang saharjo..taraso sarupo ambo duduak di Kubang M. yamin
Padang..heboh..galak dan panuah keakraban..
Ado nan banostalgia kalau dulu alah banyak mancubo mambangun jaringan
minang..ado nan mancubo untuak manggerakan kesenian Minang..ado nan
mangkawatirkan pembangunan di ranah Minang nan agak tatingga..dan nan paralu
bana ciek lai..ado nan basumangaik untuak manjunjuang katokohan Urang Minang
untuak tampil di pentas nasional..
Untuak tampia ka Pentas Nasional..itu adolah hak saluruh urang nan hiduik.. di
alam nan dibuek Tuhan nan Gadang tu.. Bisa manjadi menteri ..atau pengusaha
nasional..advokaik nan kelas internasonal ataupun manjadi Presiden..
Untuak manjadi Presiden..katiko sanak ambo Uda IJP diwacanakan dan mawacanakan
baliau sabagi CaPres.. indak paralu kito takajuik ataupun minder (emse)..
karano urang minang dulu sarupo angku Hatta pernah sebagai wapres, angku
Syahrir, angku Natsir pernah jadi Pardana Menteri..Tan Malaka pernah sebagai
tokoh kelas Internasional nan pamikirannyo labiah cadiak 20 tahun dari urang2
nan ado di maso itu....MR. M. Yamin yg hiduiknyo baa mamikiaan indonesia ko
maju..dan bahaso melayu manjadi bahaso pamarsatu..sarato angku MR. ASSA'AT
..nan pernah manjadi Presiden di Indonesia..
Baliak ka tampek Kubang saharjo tadi..sambia pasan teh talua..nasi goreang..dan
martabak mesir.. walaupun rang mudo malam tadi nan hadir itu dalam jumlah nan
baru bisa dietong jo tangan, alhamdulillah ambo mancaliak ado satu jalinan yang
alah tabantuak malam tadi..bahwasanyo...'KITO MASIH BABANGGA MANJADI URANG
MINANG DAN ADO SATU SUMANGAIK UNTUAK MANJADI URANG NAN MAJU"
Sarupo kebanggaan ambo (jujur sajo), katiko mancaliak banyak tokoh2 mudo dari
Minang koh nan alah mulai tampia manghieh di tipi2 kito..dan maagiah masukan
nan mambangun negara ko..sarupo uda IJP, da Andrinov.. da Saldi Isra..dan masih
banyak urang-urang Miang nan paralu kito santuah untuak indak paralu gengsi
mangaku sabagai urang minang..sarupo di tanah si Nyai..nan ambo pernah sarubok
jo urang Minang nan katonyo " ABDI TEH BUKAN ORANG PADANG , ADI ORANG BANDUANG
( Katauan juo Minangnyo di BandUAng--nyo)..
Mudah2 an patamuan di Kubang Saharjo malam itu..bisa manjadi viruih...untuak
ditiru juo dek sanak-sanak ambo di tampek nan lain..untuak kamajuan kito
basamo..
Salam
Ardian Hamdani, SH
(suku Koto, asal Pd Panjang, babako ka Pariaman)
umua 31 th..labiah
WITJAKSONO, SUDARSO & Partners Law Firm
Wsm. Nugra Santana,
Jl. Sudirman - JKt
---------------------------------
Yahoo! Toolbar kini dilengkapi dengan Search Assist. Download sekarang juga.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Hindari penggunaan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
