dunsanak sapalanta, manyolang pulo sketek ttg maisok, ambo ingin babagi pengalaman. alhamdulillah, sajak tgl 13 nopember 2000, batapatan jo berakhirnyo Pentas Budaya Minang di TIM, ambo yo lah baranti maisok. sajak ari tu, iduang ko yo ndak ado lai ditampuah asok santo lansuang. paliang2 kanai asok limpahan urang lain.
mungkin menarik pengalaman ambo. kabatulan ambo kanai ujan pado patang ari tu, lambok lah baju nan dipakai. sebagai panitia, ndak taico pulang, baju ganti indak lo tabao. kasudahannyo kariang di badan miang baju tu. acara salasai kiro2 pukua sapuluah malam, barulah badan mulai meriang tak gembira. ikumbu jano rang tilatang. ibao maisok untuak maangek-an badan, ndak ado pangaruah. nan ado paisok (kutiko tu starmild) taraso paik. bakisa ka jisansu, indak manoloang lo doh. cuma ciek usak no, sisono maagiahan ka kawan. efek dari kondisi tu, badan tatidua salamo 3-4 hari. kutiko lah cegak bana sapakan sasudah tu, ndak ado bana kainginan muluik utk maisok doh, sapakan manjadi sabulan, lanjuik jd satangah tahun, indak juo ado doh. iyo sabana sanang ati. sempat tibo kucawai kuktiko pulang kampuang rirayo. urang dikampuang batanyo paisok rantau. sado nan mangarati, iyo bisa manarimo. nama nan indak, tapaso juo babali paisok tu, tapi indak ado nan babaka doh. kadang-kadang baagiahan se pitih lai, suruah mambali surang. ado juo ukatuno bapakai ilimu basi (basipakak jo basibanak), urang minta paisok rantau, bakecek-an miang paisok rantau ndak tabao pulang. iko memang salah satu alangan bagi urang nan baranti maisok, tarutamo basobok jo urang kampuang atau kanti lamo. tarutamo nan manjadikan paisok sebagai bagian dari interaksi sosial. arati no, maisok labiah dari sakadar mambali santo, mambaka, lalu mairuik sarato maambuihan asok. jadi, inti dari baranti maisok ko iyo harus ado sugesti. kalau keinginan sajo, ndak cukuik. ambo pribadi lah marasoan pulo sabalun 13 nop 2000 tu. paliang lamo cuma anam bulan. wajar sajo susah baranti karano baraja maisok saja sekolah rakyaik taisuak. walaupun cuma sabatang-sabatang satiok pakan. ado juo nan ndak jadi baranti karano minum kupi atau panyiang sudah makan. di ambo ndak masalah doh. pokokno sudah makan atau minum apopun, atah namo nan masuak ka muncuang, alhamdulillah kainginan maisok ndak ado sampai kini. tapi kini ko ado pulo kurang aja nyo ciek. dek bujuak kawan juo goh, tarutamo karano mancaliak kawan ndak amuah baranti maisok, wano ajak sato bisnis mancari pitih masuak untuak urang-urang nan maisok. aratino, jiko salamo ko maisok maabihan pitih, program nan ditawarkan justru mandatangkan pitih, orang maisok mandapek pitih. kok ado nan penasaran, japri sajo ambo. St Palimo Manjalang 39 th (ndak bisa baranti maisok? taruihlah, tapi usaoan pitih baliak. ambo ado solusino) On 2 Jun, 10:42, Boediman Moeslim <[EMAIL PROTECTED]> wrote: > Assalamu'alikum, WW. > Ambo salah satu korban maisok, > Kalau buliah sato sakaki yo, > Tigo taun dulu ambo diangkuik ambulan dari Puskesamas Lembang ka RS Ranca > Badak Banduang, > nyo nan tau ambo tu kanai panyempitan, > dek ambo urang biaso, > cuma ..... biaso-biaso sajo, > di agiah oxigen inggo diinpus. > Tau-tau masuak UGD dan taruih ka CICU (ICCU), > Lah ampia-ampia...... > sabab tensi lah turun naiak, > Dotor batanyo.... > Apo dulu pernah "maisok", > Ambo jawek "PERNAH", > ...........................................dan, > insya Allah kini masih diagiah wakatu, > untuak babuek nan tabaiek, > iko namonyo bonus iduik, > tapi kini hanyo pasrah, > sabab INDAK BISA bantuak dulu lai, > makan dijago, > olah raga dijago, > dan, > jaan talalu stres. > Ado cincin nan tasangkuik di pembuluh darah, > Cukuik maha ruponyo, > Kini, > Bilo ado nan paralu konsultasi tantang akibaik maisok tu, > Bisa perai jo ambo, > Insya Allah, ambo indak takabua, > Asa awak bausaho, salalu ado jalan na diagiah Allah. > > Pasan ambo, > Jaan talalu mangikuti nafsu, > Tamasuak maisok tu. > Awak masih diparaluan dek urang banyak, > tamasuak anak jo bini. > > Wassalam, > Tan Lembang (52 th) > Lembang-Banduang. > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
