Aa iyo, kok bakalabiahan lalok siang tu, bisa hilang saroban haji. Iko carito asli paribadi saurang buya nan ambo kenal. Kajadian di Makah, di Masjidil Haram, wakatu baliau naiak haji maso saisuak di tahun 1930an.
Buya punyo saroban rancak, maha, baru dibali, sangat baliau sayangi. Antah baa-baa saroban baliau hilang, antah dima taicia atau diambiak urang, dicari-cari saroban tu indak basuo lai. Katu tu sudah luhua, banyak angku haji lalok siang manjalang asa. Dek lah putuih aso, buya ko sabana barusuah hati, mangalai pulo lah baliau dakek tunggak musajik. Maranuang-ranuang ka langik, madoa kapado Ilahi, kumbalikanlah saroban ambo ya Allah; baitu doa baliau. Samantaro tu datang saurang haji, Arab, gagah, bajaubah baru, rancak, langsuang sumbayang luhua. Sudah sumbayang iyno ka lalok siang. Dilipeknyo sarobannyo nan baru rancak tu elok-elok, dipabantanyo saroban tu untuak paaleh kapalonyo nan lah bacukua boleng. Tidua basubarangan tunggak jo buya. Ruponyo dek udaro angek, mungkin kalatihan, angku haji sabalah buya ko takalok, sampai bakaruah. Buya paratikan elok-elok, ruponyo haji ko sabana lalok bakaruah ndak tahu diri lai. Buya basiansua mandakeki kapalo haji ko. Baliau rantangkan tangan baco bismillah sambia purak-purak lalok pulo. Baliau cubo maelo-elo saroban nan dipabanta tu saketek-saketek sambia badoa ganti lah kumbali saroban ambo... Angku aji tambah bakaruah. Dielo saketek lai, indak juo tasintak. Sampai ... tong ...; badantong bunyi kapalo botak haji cako jatuah ka lantai. Namun haji lalok lamak ko indak juo tasintak. Buya duduak elok-elok, baliau elo saroban tu, baliau lipek elok-elok, sudah tu baliau bajalan lambek-lambek sambia basyukur pado Ilahi nan lah mangganti mangumbalikan saroban hilang cako. Bagi angku haji nan botak cako iyo lah basuo kaji, jan bakalabiahan bana lalok siang... --Nyiak Sunguik --- In [EMAIL PROTECTED], Arnoldison <[EMAIL PROTECTED]> wrote: > > Tidur Siang: Pandangan Islam & Saintifik.. > > Tidur siang pernah dianggap sebagai salah > satu tanda kemalasan. Islam menganggapnya sebagai suatu > kebaikan asalkan seseorang itu tidak berlebih-lebihan > dengannya. > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
