Assalamualaikum warahmatullahi wabarakatuh,
Angku Masoed Abidin,
Tadi malam, tangah malam wakatu ambo (Minggu manjalang Sinayan)
ambo tunggu-tunggu postiang Angku di
groups.yahoo.com/group/Rantaunet/messages namun indak mancogok di Lapau. Ambo
lalok, karano ambo cuma dapek mamosting di yahoo group malalui reply sajo. Pagi
ko sasudah subuah jago lalok ambo pun cigo-cigok pintu Lapau dari bulakang.
Namun postiang angku indak juo mancogok. Sasudah ambo caliak jalua paribadi dan
sasudah ambo baco pulo postiang Mak Sati, baru tabukak rasio nan bahaso
postiang angku Masoed Abidin iyo bana gadang barisi lampiran 3 foto nan indak
talulua dek yahoo group. Mungkin postiang tu indak ka mancogok-cogok di Lapau
(groups Yahoo) lai.
Nancy Tanner bukan sajo masuak kampuang ka lua kampuang basuo jo urang banyak
dan para pamuko adat dan ulama di Sumatera Barat, tapi kalau di Guguak Tabek
Sarojo baliau malahan lah naiak batanggo turun bajanjang hampia satiok
rumah. Baliau kenal paribadi jo hampia sagalo Rang Kampung di Guguak Tinggi
salamo ampek tahun baliau di Bukittinggi tu. Sasudah mancaliak ranji-ranji nan
baliau kumpuakan, tanyato karik barik panduduak Nagari Tabek
Sarojo kaik-bakakik bak rotan sago. Sahinggo sasudah mancaliak ranjo-ranji tu
Angku Ismail (Simabua) salah saurang tapatan baiau tagalak dan
bakomentar, "Kalau baitu, Nancy, awak ko ruponyo sainyiak juo yo, samo-samo
Cucu Nyiak Adam!" Baliau tagalak kareh bagirang hati basomo-samo, galak Nancy
unik nan dikenal dek Rang Kampuang maso itu.
Bahaso Minangkabaunyo sangat fasiah. Baitu dakeknyo baliau jo Guguak Tabek
Sarojo nan banyak dikenal urang lua jo Guguak Tinggi, kalau inyo pai ka Jakarta
bajalan maago-ago di Kali Limo, inyo pakai Caro Awak,santiang maago. Urang Awak
di sinan tacangang tapana-pana dan mangarubuanginyo batanyo dimaa kampuang baa
mangko fasiah bana Caro Awak. Baliau manjawab, Kampuang Ambo di Guguak Tinggi!
Ambo ingin tahu, apokoh Minangkabau Disputes, disertasi Nancy Tanner, memang
Angku lah punyo di perpustakaan pribadi atau baru dimasukkan ke dalam daftar
sasudah ambo kartangahkan. Kalau memang alah punyo copy disertasi
Minangkabau Dispute tu, ambo sarankan buku tu di copy dan copynyo dihadiahkan
ka Perpustakaan, antaro lai-lain, Unand, UNP, dan Perpustakaan Bung Hatta nan
Mak Sati sadang manolong manarikan buku-buku untuak Perpustakaan tu. Mangko
baitu janyo ambo buku tu sarik didapekkan. Nan ado di Perpustkaan UC Berkeley
dan dibabarapo perpustakaan di dunia cuma dalam bantuak microfisch indak dalam
bantuak buku.
Buku tu paralu dibaco dek baliau-baliau "suatu tim" nan kini sadang mampalajari
ABS-SBK nan lah acok dikatangahkan dek Angku Saafroedin Bahar sarato para
peminat topik tu. Angku Saaf sadang ado di California kini; ambo lah
bataliponan jo baliau babarapo hari nan lalu. Nanti ambo silau maota jo baliau.
Samantaro tu karano Mak Sati lah mancogok nan ambo predikkan ka mangatangahi
Carito Guguak Tinggi ko, ambobuek thread baru, salanjuiknyo kito japuikkan jo
postiang Mak Sati sabanta ko.
Tarimo kasih jo gambar-gambar nan dikirimkan; masih gagah Buya nampaknyo. nan
maa nan Buya, nan dakek Audrey atau nan paliang kanan? Jan dipagaek-gaekkan
bana badan, maleh awak beko dilalu-lauan antu sajo jadi iyo bana gaek, hilang
pangana biko. Ibo lo awak, banyak Rang Mudo nan paralu batanyo. Baa du Mak
Sati. :)
Sakitulah dahulu.
Salam,
-- Sjamsir Sjarif
----- Original Message ----
From: Masoed Abidin <[EMAIL PROTECTED]>
To: [EMAIL PROTECTED]
Cc: [email protected]
Sent: Sunday, June 8, 2008 10:54:33 PM
Subject: Re: [EMAIL PROTECTED] [EMAIL PROTECTED] diatas ulasan- sejarah ...
Alaikum salam,
Betul sekali e. Syamsir Syarif.
Memang tidak boleh terburu-buru, dan di ganggu oleh sesuatu jika ingin
mengungkapkan sesuatu secara akurat.
Terima kasih sakali lai.
Kutiko Nancy Tanner itu tingga di Bukittinggi saisuak tahun 1966 itu, memang
inyo masuk kampung keluar kampung di nagari awak, di antaronyo lai singgah di
rumah induak bareh buya nan sakali gus induak bako buya di Guguak Tinggi
(gambar rumah di attachment). Nancy memang banyak batanyo tantang nagari awak,
buya lai juo manjawab ciek dua tanyo liau tu, karano buya masih mudo matah
(batu 31 tahun) kutiko nantun. Buku desertasinya "Minangkabau Disputes" tu lai
masuak lo ka perpustakaan buya kini.
Alhamdulillah.
Audrey Kahin, di tahun 2003 basuo lo jo buya di Padang kutiko liau ka
marampuangkan tulisan tentang Natsir. Lai kami basuo basama-samo pak Azmi
bagai. Kenang-kenangan jo baliau buya attach kan. Karano uraiannya tentang PRRI
kutiko itu berkesan bana dek kami.
Sakali lai buya minta maaf tentang keteledoran menyebut Nancy Tanner indak pada
porsinya. Inilah kesalahan orang sudah berumur. Banyak lupo.
Wassalam,
Buya HMA
hambociek <[EMAIL PROTECTED]> wrote:
Assalamualaikum warahmatullahi wabarakatuh,
Angku Masoed Abidin,
Sama-sama Maaf, bukan MENGGANGGU, tetapi perlu untuk MELURUSKAN
bahan Sejarah. Pembicaraan mengenai sejarah dan mengetengahkan
sumber-sumbernya tidak harus dilakukan tagageh-gageh dengan
ganggguan tamu dan setan.
Sekedar tambahan samping pelurusan juga, Nancy Tanner tidak
hanya "pernah datang ke Sumbar tahun 1969-1970" tetapi pernah
tinggal di Bukittinggi 1962/63-1966 masuk kampung keluar kampung di
Sumatera Barat, Nias, dan Aceh, mempelajari Budaya Minangkabau.
Disertasinya "Minangkabau Disputes", University of California
Berkely, 1970, 600+ halaman, adalah salah satu sumber yang
diperlukan bagi para penelaah ABS-SBK.
Kalau yang Angku Masoed Abidin maksudkan memang Audrey R. Kahin and
George McT. Kahin yang "amat bijak bercerita ini" dengan buku mereka
Subversion as Foreign Policy; The Secret Eisenhower and Dulles
Debacle in Indonesia; New York Press, New York; 1995; mereka
bukanlah "penulis sejarah yang kurang memahami sejarahnya" seperti
Angku ketengahkan.
Karya mereka ini adalah hasil research selama empat puluh tahun
dengan banyak menggunakan sumber-sumber utama yang belum pernah
diketahui orang sebelumnya (newly classified secret documents plus
countless personal interviews with many of the participants). Buku
ini adalah sumber yang tidak boleh tidak harus dibaca, dipelajari,
ditelaah dengan serius dan teliti, oleh para penelaah Sejarah
mengenai periode sekitar PRRI.
Salam,
-- Sjamsir Sjarif
--- In [EMAIL PROTECTED], Masoed Abidin
wrote:
>
> Alaikum salam wa Rahmatullahi wa Barakatuh,
>
> Maaf Angku,
> Memang karajo capek tu disaratoi setan.
>
> Dek tagageh mangetik, ado lo tamu, nan ka dimukasuik sabananyo
indak Nancy Tunner nan memang panah datang ka Sumbar di tahun 1969-
1970 tu doh, tapi na di mukasuik ka diketik tadi tu adalah AUDREY R.
Kahin dan George Mc.T.Kahin.
>
> MAAF KAN SAKALI LAI, DEK MANGGANGGU ANGKU "HAMBOCIEK".
>
> Wassalam,
> Buya HMA
>
> hambociek wrote:
>
> Assalamualaikum warahmatullahi wabarakatuh,
> Angku Masoed Abidin,
>
> Kok buliah ambo batanyo, bilo Nancy Tanner "amat bijak bercerita
> ini"? Tolong berikan referensi cerita bijaknya itu, kalau ada.
> Terima kasih banyak.
>
> Salam,
> -- Sjamsir Sjarif
> --- In [EMAIL PROTECTED], Masoed Abidin
> wrote:
> >
> > Asslamu'alaikum Warahmatullahi wa barakatuh'
> >
> > Pak Abraham dan dunsanak kasadonyo,
> >
> > PRRI suatu pergolakan di daerah Sumatera Tengah (meliputi
> Sumbar, Riau dan Jambi), kemudian diikuti beberapa daerah lainnya
di
> Nusantara, sehingga menjadi perjuangan semesta.
> >
> > Pergolakan itu bukan ciptaan asing, apalagi CIA sebagai
> diungkapkan oleh beberapa penulis sejarah yang kurang memahami
> sejarahnya dari sisi idealis. Nancy Tunner dan Kahin amat bijak
> bercerita ini.
> >
> > .........
> > Terimakasih,
> > Wassalam,
> > HMA
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
