TARAGAK Mungkin iko namonyo taragak, taragak ka kampuang halaman, lah labiah saparampek abaik, indak basuo jo kawan-kawan, sarato kaum karabaik, nan dulu sapamainan Kini, katiko barado diparantauan, bajaja oto basimpang siua pai baliburan, ka tampek awak di parahyangan. Kutiko oto baranti di muko kantua, turunlah panumpang bahamburan, tuo mudo bujang gadih, jo anak-anak nan lah pandai bapacaran Takana maso daulu, wakatu masih di es em a, indak ado pandang bulu, kawan lawan indak dikana, Bajujuik ota jo curito, hinggo ado nan tasangkuik, tanyato adiak kawan nan dulu, nan salalu basabuik-sabuik Rombongan kini mandakek, salah saurang buka suaro, buliah kami batanyo, apak kampuang dima, lah bara kali pulang, lah bara urang anak. Tanyato nan batanyo tu masih dunsanak awak, nan pai baoto ka parahyangan, dulu inyo dipangku, kini lah gadang, Tagagok lidah indak bisa baucap, bisu sabana bisu, antah, antah, antah pabilo ka kampuang halaman. Lembang, 18 Juni 2008 Mungkin itulah jiwa, nan indak bisa ditutuik-tutuik. Sakuek apopun tubuah awak, tapi malawan rindu indak ado nan bisa mangalahkannyo. Bayangkan, alah labiah saparampek abaik indak pulang-pulang. Mungkin dek indak ado nan mamanggia manggia, talabiah rang tuo kaduo balah pihak indak ado di kampuang, baitu pulo dunsanak dakek. Sadonyo marantau. Tigo gaek nan takubuapun indak di kampuang, nan lalok di Karet, Cilegon dan Batam. Ciek nan lai, mintuo laki-laki, takubua di Tapi Selo Lintau. Itulah kampuang padusi ambo. Sadang ambo, bakampuang indak jauah dari anak mintuo ambo tu, tapi lain nagari yaitu tasabuik banamo Tanjung Bonai. Tapi masih di Lintau di Tanah Data. Cukuik sakitu, salam kenal dari ambo. Wassalam, Tan Lembang (52) Lembang-Bandung
--- On Wed, 6/18/08, hanifah daman <[EMAIL PROTECTED]> wrote: From: hanifah daman <[EMAIL PROTECTED]> Subject: [EMAIL PROTECTED] Re: LIBURAN To: [email protected] Date: Wednesday, June 18, 2008, 5:38 AM Bapak Budiman yth Mokasi banyak alah manikmati carito hanifah nan batulih dalam bantuak puisi.. Ndak taulah itu puisi apa bukan. Puisi nan rumik rumik nan acok di muek di koran-koran, kadang mambuek kapalo kito tambah pusiang, dan binguang. A du isi carito no ? Hanifah cubo tampil beda, indak paralu bapikia mambacono doh. lalu sen co aia mangalir. Nan pantiang mukasuik sampai. Maaf kalau tulisan hanifah alah mambuek bapak baurai aia mato dek taragak kakampuang. Banyak urang dek banyak partimbangan tarutamo oleh-oleh apo ka dibao untuak dunsanak, akhia no indak jadi-jadi pulang kampuang. Kamari bedo mambao oleh-oleh. Di agiah .. kurang kualitas .. salah. Dibali nan maha ? nan murah sen tekor. Barani tampil beda, resiko no iyo ... ndak disapo amek awak di urang doh he he he. Balain kalau uni nan pulang nan acok babagi tibo dikampuang .. ba duyun duyun urang karumah. Sahinggo ditandoi kami di urang. " Itu nan nomor bara du nan pulang ? ". Tapaso basibanak sen kami, nan pantiang anak-anak libur katampek nan indah. EGP untuak nan lain he he he. Bapak Budiman Kalau tabayang manunggu durian... pasti bapak bukan urang Banuhampu. Remaja saangkatan bapak, dikampuang kami kalau bakumpua acok bagadang dan bamain musik. Kompak laki-laki jo padusi. Tibo musim batanam kacang tanah, duluan mereka mamanenno tanpa parmisi ka nan punyo. Uni hanifah sato lo angek ati makan kacang rami-rami, eh tau no kacang nan dirabuihno di panen kawan di sawah sandiri. Sa umua-umua kok basuo, kikiak kikiak mereka galak. Di jaman kami alah ado TIPI, agak balain pulo modeno. Wass Hanifah Damanhuri ( 46 tahun) --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
