Eh, sabanta ambo tinggakan Lapau kapatang pai batugeh sahari ka Pangadilan di lua kota (180 mil round trip, pulang malam) lah sambuah postiang sasudah iko. Ruponyo kalau weekend memang langang Lapau, tapi kalau lah Sinayan, lah bakapauruan postiang kalua. Mudah- mudahan indak Sinayan se ari taruih ... :)
Indak baa doh Angku Nofrins kok ka dikutip kok ka disalin bagai karano kok ota lah lapeh ka Lapau kan lah untuak umum tu, bagi-bagi pangalaman. Batambah bnyak juo isi khasanah pajalananan dan saluak baluak bakoreta api ko. Kok ka mancaliak koretapi naiak gunuang lereng gunuang, iyo caliak lah di Switzerland. Urang Swiss ko indak tukang loji sajo doh musahuanyo tapi juo maexport kapandaian manabuak-nabuak gunuang mambuek jalan (tunnels, lubang kalam). Salam, --MakNgah --- In [EMAIL PROTECTED], Yulnofrins Napilus <[EMAIL PROTECTED]> wrote: > > Onde mandee... Indak manyangko ambo Mak Ngah pecinta kereta api tulen...! Nampaknyo ambo alun ado apo-aponyo lai ko tantang kereta api iko. Baru soraknyo sajo nan gadang ha..ha... Kok lai buliah, carito Mak Ngah iko akan ambo kutip dan masuakan ka Forum MPKAS di West-sumatra.com. Nampaknyo cukup badagok utk labiah memotivasi kami nan mudo-mudo iko untuak maju taruih... Sakali lai, tarimo kasih banyak Mak Ngah... > > Salam, > Nofrins > "biar foto yang bicara" > > ----- Original Message ---- > From: hambociek <[EMAIL PROTECTED]> > To: [email protected] > Sent: Sunday, June 22, 2008 8:47:50 PM > Subject: [EMAIL PROTECTED] berita dari Paris ... Naiak Koretapi > > > Sanang bakoretapi sajak Ketek sampai Gaek. > > Kok di soal cinto naiak koretapi ko, mungkin ambo nan muloi sajak > ketek, maso Bulando sisuak) mungkin sabalun tahu dima Ikua Pasa > Kapalo Pasa alah mangalami dibawo-bawo ayah naiak koretapi pai ka > Pasa (Bukittinggi) pulang baliak ka Biaro (jalan koretapi > Bukittinggi Payokumbuah). > > Wakatu lah masuak "Sikola Pasa", SMP-1 Bukittinggi 1946-47, kami > anak-anak kampuang dari Biaro lah santiang/ahli "naiak talen, turun > talen" koretapi ko. "Naiak talen" aratinyo batunggu koreta tu > bajalan dulu, kalau lah agak kancang saketek baru basemba pamaciak > daresinyo naik sabalah kaki, kaki sabalahnyo balambaiakn kalua tando > awak santiang manalen. Baitu juo, kalau "turun talen", lah manalen > turun sabalun koreta tu baranti; lah sampai di bawah bara lah lagak > bajalan manalen, tando awak lah santiang turun talen... > > Itulah sababnyo wakatu ambo pulang kampuang partamu kali tahun 1985 > (sasudah maninggakan kampuang 20 tahun lamonyo), ambo sabana > takajuik, maramang bulu kuduak, mancaliak indak ado lai koretapi > dari Bukittinggi-Payokumbuah... sabana sadiah, iyo bana manangih > ambo, karano indak panah ado baritonyo ambo danga sabalun itu > tantang ditimbuninyo jalan koretapi nan ambo rindu tu sabalun ambo > pulang kampuang. > > Mungkin kagagalan kainginan taragak naik koretapi Bukittinggi- Biaro > 1985 tu, ambo balehkan bana satahun kamudian pai ka Eropah di musim > paneh (summer, 14 minggu) tahun 1986. Sasudah sabulan baraja manari > Tarian-tarian Rakyat (Folk Dance, Gammal Dans) di Norway dan Seweden > ambo turun naiak koretapi salamaknyo, sasantainyo manjalujua > kampuang-kampuang di Norway jo Sweden. Kalau diambiak sabagai > manunjuak peta sajo, dari Bergen (Norway) di Barat sampai ka > Stockholm (Sweden) di Timur, dari Narvik (Norway) di Utara sampai ka > Malmo dan Lund (Sweden) di Selatan. > > Dengan 2 bulan tiket Eurail sabana pueh awak di kelas satu kama pai. > Kadang-kadang labiah taraso jadi paresiden surang lo badan di dalam > daresi tu, karano awak surang sajo, indak ado body guard dan indak > ado panumpang lain. Sabana tabali murah rasonyo awak nan punyo ciek > daresi tu... > > Lah pueh di Skandinavia sambia mancaliak Matoari Tangah Malam di > ateh Lingkaran Kutub (Polar Circle), taruih ka Selatan ka Jerman > (sampai ka Berlin, waktu itu masih Timur dan Barat bapaga, tapi ambo > lai sempat ke Berlin Timur Subaliak Paga. Pueh lo kama-kama di > Jerman taruih ka Swetzerland, balapehan pulo taragak di sinan, 2 > minggu terakhir turun naiak masuak kappuang ka lua kampuang sampai > di lereng-lereng gunuang, naiak lift ka daerah-daerah ski di Gunuang > Alpen. Sudah tu ka pulang basiua-siua pulo di Nagari Bulando ka > kampuang-kampuangno nan salaweh tapak tangan tu. > > Eh, alah tu dulu, banyak mek nan kadicaritoan soal naiak turun > koretapi ko baiak di Spanyol sampai-sampai ka Andaluusia, di Birma > dari Yangoon, Mandaoay ka Myitynia dakek bateh nagari Cino), apolai > di Amerika Sarikat jo Mexiko ... > > Sakitulah dulu sakadar sato pulo mancarah tantang koretapi di Pagi > Minggu ko. Sabanta lai kapai naiak Koretapi Piluru (Bullet) pulo ka > San Francisco... > > Salam, > --MakNgah > > --- In [EMAIL PROTECTED], ynapilus@ wrote: > > > > Alaikumsalam ww > > > > Tarimo kasih Mak Sidi. Perjalanan KA Wisata di Sumbar masih > panjang. Tapi kita sangat apresiatif atas dukungan 'Presiden' Ajo > Duta ini utk naik KA dg rombongannya. Kita sdg siapkan "peluru" > berikutnya agar ke Pdg Panjang sampai Swhlunto segera terwujud. > > > > Kalau memang sempat mancubo TGV itu akan bgs skl. Ambo bln Maret > kapatang pulang baliak ka Bld dr Paris naik kereta capek iko. > > > > Kalau sempat, tolong sigi juo aspek2 kereta2 nan lain disinan > sehingga kita tidak memandang sempit thd perlunya kereta api. > Pertanyaannya: Knp negara2 lain selalu berjuang agar kereta api > tetap hidup dinegara mereka dan jadi andalan...? Padahal hampir gak > ada yg untung kalau dihitung hanya dari penjualan karcisnya saja...? > > > > Salamaik jalan-jalan. Kito tunggu carito liputannya. Thanks. > > > > Salam, > > Nofrins --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
