MAIN KALERENG
Rumah den tapancia
di suduk tabek gadang
Indak ado kawan
bamain samo gadang
Kadang den main
surang
Kadang den pai
batandang
Ka surau simpang
Ka tanah lapang
Ka rumah kawan nan
samo gadang
Halaman rumah den
sampik
Tabek suok kida
Kalau main
kalereng dihalaman
Bisa cigin
kalereng masuk tabek
Untuang ado teras badindiang
leter L
Antah basingajo
antah kabatulan
Di teras ado
lubang nan cocok untuak main kalereng
Den ambek pintu teras
Den main kalereng
surang
Sapueh hati den
Bilo kalereng
dipantik sakuaik tanago
Bara kakuatan
pantik di posisi tatantu
Supayo kalereng
masuk lubang
Main indak jo
lawan
Indak taraso sero
Si ita adolah lawan
nan tangguh
Halaman rumahno
laweh
Kalerengno
sakambuk
Kalau ado biduak
dakek rumah den
Den bae babiduak
ka tampek si ita
Kalau jalan kaki
Aden agak takuk liwat pusaro
Di balakang surau
batu
Ado pandam pakuburan suku kami
Rumah si ita
sasudah pakuburan dun
Main kalereng jo
si ita
Bamacam macam
jenisno
Lubang ciek,
lubang tigo dan main patok babi
Main lubang ciek
atau lubang tigo
Ndak garik den
malawan si ita doh
Lai baganti kami
pamanang
Main potaok babi
adolah main kalereng
Kalereng di tebar
di area nan alah ditantukan
Lawan manantukan
kalereng nan harus dipantik
Kalau kalereng nan
dipantik kalua dari garih nan ditantukan
Saluruh kalereng nan di tebar tadi jadi milik nan
mamantik
Si ita sangaik
jagoan main patok babi gon
Acok manangno
Kadang lawanno
laki-laki bagai
Aden sabana ongok main patok babi gon
Jangankan kalua
garih
Tapantik sen indak
di den doh kalereng nan ditunjuak lawan
Kalah taruh den
Kalau nak main
patok babi
Aden ndak paralu mambali kalereng banyak-banyak
doh
Den turunkan
kambuk si ita nan tasangkuk
Nan barisi
kalereng
Den ambiak saparo
Den ajak si ita
main patok babi
Kok kalah den
Aden ndak rugi doh he he he
Bengkulu, 30 Juni
2008
Hanifah Damanhuri
(Selingan he he he)
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
