Singgalang : Rabu, 02 Juli 2008 Tan Baro takana pasan urang tuo-tuo. 'Ingek-ingek rang di ateh, nan di bawah kok maimpok'. Itulah pasan nan salalu tangiang di talingonyo sasudah mambaco barita surek kaba 'Singgalang' pagi kapatang. Bamulo dari barita nan bajudul 'Level Atas Diintai Jaksa', Tan Baro saolah-olah basuo jo makna nan sabananyo. Karano, salamo ko inyo sulik bana mancari apo makna nan takanduang di baliak pribahasa tu. Memang, sacaro nyato tantulah hal nan mustahil. Indak mungkin nan di bawah maimpok nan di ateh. Biasonyo, nan di ateh-lah nan bisa maimpok. Sarupo papatah juo, ingek di rantiang nan ka mancucuak, dahan nan ka maimpok. Iko bisa dimaklumi. Karano memang dahan lataknyo di ateh dan sipaik benda atau barang pasti jatuahnyo ka kawah.
"Baa kaba Tan Baro? Apo barita angek kini?" Baru sajo masuak lapau Kari Garejoh lah batanyo. "Indak ado nan angek bana doh. Cuma ado nan takana dek ambo. Ruponyo pasan urang tuo-tuo saisuak bisa jadi nyato," jawek Tan Baro. "Apo tu?" Tanyo Kari indak saba. Mako dicaritokanlah dek Tan Baro apo nan tapikia dek nyo dari tadi. "Itu namonyo bajanjang naiak, batanggo turun, Tan!" Sorak Angah Piyan. "Mukasuik Angah?" Tanyo Tan Baro. Angah Piyan manjalehan sapanjang apo nan inyo tau, satiok ado masalah nan harus ditangani dek aparat hukum, labiah banyak dimulai dari tingkek bawah. Aratinyo bana, dimulai dari anak buah. Sasudah itu, panyalidikan jo panyidikan bisa naiak ka tingkek nan labiah tinggi. Bahkan, bisa-bisa sampai di puncaknyo. "Kalau baitu, kasus-kasus nan tajadi di Bukiktinggi atau di daerah lain nan kini disidik Kejaksaan, bisa mambao namo kapalo daerah tu?" Tanyo Uncu Labai. "Kamungkinan tu bisa saja. Karano, sagalo kabijakan labiah banyak dibuek dek pimpinan. Makonyo, kapalo daerah paralu basiap-siap untuak mangamehan panyakik tu," jawek Angah sambia mancaliak ka Mak Pono. "Baa kok Angah mancaliak ka ambo?" Tanyo Mak Pono. "Mancaliak se indak pulo buliah. Lah takakang bana kabebasan mancaliak jo mamandang dek Mamak mah," jawek Angah. Baitulah kiro-kiro kajadian di lapau Uwo Pulin pagi kapatang. Walau indak banyak barita angek nan dijadikan fokus ota, tapi lapau tu lai rami juo. Diskusi serius, sakali-sakali ado galak badarai tadanga. "Manuruik Angah, sia pajabaik nan ka diparaso dek Kejaksaan bisuak ko lai?" Tanyo Kari Garejoh. "Samo wak danga se lah. Nan pasti, surek kaba 'Singgalang' ijan sampai indak ado di lapau ko," jawek Angah. Espe St.Soeleman http://www.hariansinggalang.co.id/index.php?option=com_content <http://www.hariansinggalang.co.id/index.php?option=com_content&task=view&id =855&Itemid=309> &task=view&id=855&Itemid=309 --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
