Konco sapalanta, sadapua, salapau atau sa...sa.....nan lain.
Ado pangalaman nan takana-kana sampai kini didiri Tan Lembang. Untuang sabana
baruntuang jadi URANG AWAK. Iko bana-bana kajadian nan antah suatu
kabaruntuangan atau MEMPRIHATINKAN.
Curitonyo baiko:
Suatu kali Tan Lembang sakaluarga (jo induak bareh sarato duo urang anak
padusi-padusi) bajalan di palanta pasa baru di Banduang. Mukasuik pai malapeh
stres mancaliak nan indak ado di Lembang manjalang pulang ka rumah. Maklum
tampek tingga di kaki bukik jauah dari kota. Wakatutu pulang dari mancaliak
pameran di kota Banduang. Sadang asik-asiknyo bajalan di tangah urang rami di
palanta jalan Otista nan bajejer padagang kaki limo tu. Tibo-tibo saku sarawa
lah ado nan marogoh, kaki ado nan mamacik, dan ado lai nan mamacik tangan
saakan-akan bamai-main supayo indak disangko isi saku sarawa lah
dirogoh...mungkin bisa-bisa ado nan ilang.
Singkek curito.........Tan Lembang tibo tibo mangaluakan suatu suaro nan khas
nan indak tapikiakan sabalunnyo, bana-bana indak tapikiakan..., labiah-labiah
di kota Banduang. Suaro nan kalua sabananyo indak kadimangarati dek urang
Banduang bilo di anik-anik. Aaaatu nan kalua? Cuma hanyo urang awak nan tau,
sakali lai "HANYO URANG AWAK" nan tau. Cuma duo kato nan kalua: A....KO (A dan
KO). Tibo-tibo katigo urang nan marosoktu tapalantiang. Padahal Tan Lembang
indak punyo bagai-bagai doh, apo lai ilmu mampalantiangkan urang. Nan ciek
taduduak dakek palantatu, nan surang tagak indak manantu di muko Tan Lembang,
dan nan surang-lai taparangah indak jauah dari Tan Lembang. Kasadonyo indak
balari manjauah dari Tan Lembang doh. Sukua pulo, indak ado nan ilang dari saku
sarawa tu. Wah, aaa ko? tapikia juo dek Tan Lembang. Baa sampai baitu bana
kajadiannyo. Refleks inyo-inyo tu indak ado nan manggarik. Ka dihaja, indak juo
tapikiakan dek Tan Lembang,
kadipangakan? Tibo-tibo dari jauah ado nan mahariak......aatu hariak an urang
tu? Tanyato suatu kalimaik hanyo urang awak juo nan tau. Suatu kato bagurau
tapi manyakikkan ati urang awak. Kato-kato tu babunyi: Ooooi ...AWAK JUO. Ah,
suatu kato nan mambuek awak batanyo kadiri, UNTUANG AWAKKO MANJADI URANG AWAK,
tapi dibaliak itu tapurangah juo awak dibueknyo: APO SUDAH SABAITU BANA URANG
AWAK DI RANTAUKO? Itu baru ciek kajadian di Banduang, alun di tampek lain. Apo
saran dunsanak untuak kajadian sarupoko....?
Wakatutu tapikia ka mancari sia datuak/panghulu sutan parosok di wilayahtu,
tapi induak bareh jo anak-anak manghalangi supayo Tan Lembang mampadiakan
kajadianko. Sakali kajadian nan maharu birukan untuak AWAK. Lah hampia
saparampek abaik di Banduang, baru sakali kajadian sarupoko. Akhianyo tanpa
kato-kato Tan Lembang jo anak-anak langsuang pulang mambisu. Suatu hal nan
patuik awak renungi basamo.
Wasssalam,
Tan Lembang (52)
Lembang-Bandung.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
