Aneh bin ajaib ko, Soal perempuan Minang mangasuah, manggadangkan, jo mambantuak kepribadian anak-anaknyo ambo kiro lah jaleh duduak-tagaknyo. Indak ado wilayah abu2 lai doh. Taruih tarang lah tarang bana. Bukankah dengan konsep Matrilineal salamoko padusi Minanglah yang jadi BACKBONE kehidupan anak2 sacaro moril, sajak ketek sampai inyo gadang? SIA KO LAKI2 MINANG NAN MASIH MERAGUKAN PERAN SENTRAL IBUNYO DALAM MANGGADANGKANNYO? Waalau sang ibu kurang bapandidikan sakalipun. Malin Kundang sajo ka pai balayia diagiah kepeng (sangu) dek ibunyo, bukan dek ayahnyo. Ambo bukaklah 'tambo' ambo sendiri sebagai ilustrasi: Gaek laki2 laki ambo mancaraikan induak ambo sajak ambo alun barumua sataun jaguanglau, darah alun satampuak pinang lai. Alun tau ambo lai jo ayah ambo tu. Ibu ambolah yang mangakeh jo tulang salapan karek manyakolahkan ambo, sahinggo dek cito2nyo sampai juo abo dapek tulih-baco (walaupun indak tinggi basa sikola). Ayah ambo antah kama....babini ciek lai...bacarai lo sudah tu, maninggakan anak pulo jo uwai ambo tu. Wakatu ambo lah gadang, lah karajo, lah dapek mancari pitih untuak diri sorang banyak saketek e, mbo turuik ayah ambo ka kampuangyo. Ambo agiah inyo pitih banyak saketek e, sambia ambo katokan: "Iko pitih bali rokok saketek dari anak nan abak tinggakan wakatu masih merah, nan barakeik izin Tuhan jo kasih sayang ibu lai iduik juo sampai kini". Inyo manangkuik malulua aia ludah... Indak tatantang incek mato ambo dinyo doh. Kalau indak bana mangalami kasus sadiah sarupo nan ambo alami, apokoh Sanak nan ado di lapau sadonyo ana ado di lapau ko--indak diatok dibilang gala--maraso peran ibu Sanak kecil dalam membentuk iduik Sanak sampai sanak manjadi 'urang' kini? Tanyolah ka diri kito sorang2. Jadi, soal peran perempuan Minang, apo juo nan kadiragukan ko lai, rang lapau? NAN PATUIK DITANYO: SAJAUAH MA PERAN LAKI-LAKI MINANG DALAM MEMBENTUK KEPRIBADIAN ANAK2NYO (TAMASUAK DALAM HAL KO PENDIDIKAN MORAL, AGAMO, DLL)?
Jan-jan diskusi kito ko nan masih mampatanyokan peran induak kito hanyo untuak malampok 'kelemahan' laki2 Minang salamoko, nan labiah banyak main di lapau daripado mambacokan carito ka anaknyo manjalang tidua. Jan-jan diskusi ko LEMPAR BATU SEMBUNYI TANGAN ko. Sacaro pribadi, ambo indak ragu lai jo peran Ibu ambo dalam manggadangkan dan membentuk kepribadian ambo. Di bawah tapak kakinyo latak sarugo. Angko untuak baliau 1006: abih saribu tingga juo anam lai. Antah kok lain dek sanak di palanta sabalah sinan. Salam arek, Suryadi ---------------------- ----- Pesan Asli ---- Dari: deded chandra <[EMAIL PROTECTED]> Kepada: [email protected] Terkirim: Kamis, 10 Juli, 2008 12:05:03 Topik: [EMAIL PROTECTED] Re: BAGAIMANA MENINGKATKAN PERANAN PEREMPUAN MINANG DALAM PEMBENTUKAN PRIBADI ? Assalamualaikum wr.wb. Bpk Saaf yth. Kami ingin ikuik berbagi saketek, mudah2an ado manfaatnyo. Kami sangaik satuju baso harus ado upayo dari kaum perempuan minang untuk pembentukan pribadi urang minang. Namun juo harus dibantu panuah oleh kaum lelaki minang. Bisa tanpa ayah? Bisa... tapi harus didukuang ndek lingkungan atau sanak family. Iko sakatek curhat dari kami. Kami sendiri badunsanak tujuah urang, ciek laki2 anam padusi. Katiko nan paliang gadang umua 17 th (lulus SMA), papa dipanggia oleh YMK. nan paliang ketek berumua 5 th. Tantu tabayang baa susahnyo ibu manggadangkan kami surang, tanpa papa. Alhamdulillah Ibu diagiah kekuatan oleh Allah, lai pandai manyuntiang anak daro, ditambah jo bantuan dari dunsanak-dunsanak nan di kampuang jo di rantau nan selalu menyemangati kami. Lai indak ado nan berkepribadian buruak doh, walaupun secaro ekonomi kami sangaiklah kesulitan dulu itu, tapi alhamdulillah lai tetap bisa manjago diri untuak tetap berperilaku sasuai jo norma-norma agamo. Itulah kehebatan ibu kami... ___________________________________________________________________________ Dapatkan situs lowongan kerja - Yahoo! Indonesia Search. http://id.search.yahoo.com/search?p=lowongan+kerja&cs=bz&fr=fp-top --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
